عايز حقي هنالك فلم عربي اسمه عايز حقي تفتقت ذهنية مؤلفه بأن جعل البطل فجأتن اثناء مطالعته لكتاب قانوني يعرف بان للمواطن حقا لدي الدولة وهذا الحق قانوني حسب ما جاء بالمرجع القانوني ولذا استند البطل لمجموعة من الاساتذة المحامين لرفع قضية ضد الدولة وحث بقية المواطنين من الغلابة بالمطالبة بحقوقهم لدي الدولة عن كل مليم لهم فيه نصيب. وانت يا مواطن يا سوداني اليس لك حقوقا لدي هؤلاء الذين حكموك طيلة ربع قرن من الزمان وقد يحتفلون قريبا بعيد ميلادهم ال 24 في حكم السودان باسم الانقاذ .. دايرين نصيبنا من الثروة بعدين نشوف موضوع السلطة والثروة دي باين عليها الجماعة حتوها حت وماخلوا فيها فرطاقة وزي ما اكلتوا حكام خلونا نتحاسب تجار: عايزين حقنا من اموال النفط الي اليوم الذي انفصل فيه الجنوب لعدم جاذبية الوحدة واللاب توب وبرنامج الاكسل جاهز للحساب عايزين حقنا من بيع الاراضي التي بيعت لقطر والامارات والسعودية بحجة الاستثمار وحقيقة في ناس قالت بان لهم اراضي في منطقة الغابة بيعت للإمارات لبناء ابراج عقارية .. برنامج قوقل ايرث جاهز لتصويرها وبكم بيع المتر المربع في هذه الأماكن عايزين حقنا من اموال المدينة الرياضية التي تم سفها ولقفها من عام 89 وحتي تاريخه ومن اموال مجمع الواحة والتعويض المجزي اللازم للذين فقدوا دكاكينهم ومخازنهم مش شوية دراهم معدودة من سكات عايزين حقنا من بيع ما سمي بالمؤسسات الخاسرة ومن بيع مؤسسات القطاع العام الناجحة التي بيعت وجففت بغرض البيع عايزين حقنا من ارباح شركات الاتصالات والبنوك وعلي رأسها سيد شباب المصارف بنك ام درمان الوطني عايزين ترجعوا لينا كمغتربين ما دفعناه نظير دمغة الجريح والشهيد واللي في النهاية طلعوا فطايس علي حد قول الراس الكبيرة التي ما عادت كبيرة وما دفعناه نظير خدمات الفضائية السودانية والتي نطالب بالتعويض المجزي لكل دقيقة شاهدنا فيها هذه الفضائية الحكومية ده غير الضرايب التي تم جبايتها عبر السنين دونما مقابل محسوس والزكاة المشكوك في امرها والتي لا تذهب الا للعاملين عليها عايزين حق العلاج بالخارج زي ما بتتعالجوا من اقلها مرض والمواطن عاوز يتعالج بالخارج من الزهايمر والفشل الكلوي والسرطانات بانواعها وكل انواع الحمي من ملاريا وتايفود وصفرا ووادي متصدع زي ما بتعلموا اولادكم في ارقي الجامعات العالمية عايزين حقنا في التعليم بالخارج وما في حكومة احسن من شعب وزي الفلل البنيتوها ابنوا لينا زيها او ادونا مقابلها دولارات وصالات الافراح الفاخرة التي تقام فيها لياليكم الملاح عايزين تبنوا لينا زيها عشان نعمل فيها حفلات الزواج والسماية والطهور. بالمناسبة عشان ما تغشونا وتحاسبونا بسعر الدولار علي يوم 30/ 6/89 حاسبونا بسعر اليوم الدولار بسبعة ألف والماتوا مننا ورثتهم موجودين وللذكر مثل حظ الأنثيين .. خلونا نتحاسب تجار ونشك الورق من جديد ونعيد توزيع الثروة حكاما محكومين ولو ابيتوا حنرفع قضية بأثر رجعي من يوم تلاتين يونيو الجيتوا فيه ونرجعكم لبيوتكم الجيتوا منها ونديكم اخر حساب في البنك لكل واحد منكم قبل يوم 30 يونيو يعني اللقفتوا دي كله لازم يرجع بيت المال ولا شنو؟ عمر الفاروق عبد الله [email protected]

Tweet

• أدوات :
• [إرسال لصديق]
• [طباعة]
• [حفظ بإسم]
• [حفظ PDF]

الاستاذ عمر الفاروق
هههها الراجل جن ....
دي الح يقولوها عليك الجماعة... بس ما أخذ بالقوة لا يسترد إلا بالقوة عليك بالفجر الجديد شيل عكازك وابقى مارق ....

انحنا عايزين نرجع كرامتنا وعزتنا اما ماسلبوه فهو الان في البنوك الخارجيه.(ديل تفتيحه)

حقنا دايرنو وكان ما ادونا ليهو يورونا بس هم كان عندهم كم وهسع عندهم كم ؟ وبعد داك ماعفينا ليهم الا ترجع المدارس والجامعات مجانا والعلاج بالمستشفيات مجانا بعد دا ممكن نفكر في العفو
*

الاكثر مشاهدةً/ش

محتويات مشابهة/ق

الاكثر تفاعلاً/ق/ش

الافضل تقييماً/ق/ش

الاكثر تفاعلاً

الاكثر تفاعلاً/ق

الاكثر اهداءً/ق

الافضل تقييماً/ق

الاكثر مشاهدةً/ق

الاكثر ترشيحاً/ق