الأخبار
أخبار إقليمية
صلاح الدين عووضة: الراكوبة لا تعرف سوى (قلة الأدب !!!)
صلاح الدين عووضة: الراكوبة لا تعرف سوى (قلة الأدب !!!)
صلاح الدين عووضة: الراكوبة لا تعرف سوى (قلة الأدب !!!)


06-19-2017 12:01 AM
صلاح الدين عووضة


*مفردة (راكوبة) يرددها كثيراً مشجعو الكورة..

*يطلقونها على كل لاعب يتهاوى داخل الملعب بحكم عامل السن..

*بمعنى أنه لا يصمد أمام عاصفة صغار اللاعبين..

*تماماً كما لا تصمد (الراكوبة) أمام عاصفة الطبيعة.....فتتهاوى..

*والآن موقع (الراكوبة) يتهاوى أمام عاصفة الأكاذيب..

*أكاذيب مناضلي الحواسيب الذين يتخفون وراء أسماء (وهمية)...ويبثون (الوهم)..

*ومع الوهم ؛ شتائم...وإساءات...وبذاءات......و(قلة أدب)..

*وأيام ما سمي (العصيان المدني) نشر الموقع لكاتب هذه السطور كلمة مبتورة..

*حُذفت- عن عمد - عدة أسطر من الكلمة فيها نقد للحكومة..

*والهدف ؛ إظهار كاتبها بمظهر المعارض للعصيان....والمؤيد للإنقاذ..

*مع أنه كان يتنبأ فقط بفشل العصيان لعدم اكتمال أركانه..

*ومن أهم هذه الأركان عدم (متاجرة) المعارضة بحراك شعبي لا يد لها فيه..

*ولعلنا نذكر بيانات (ركوب الموجة) التي انهالت من كل صوب..

*من الخرطوم...ولندن...وباريس...وأمريكا...و(مناطق الحركات)..

*وكادت (الراكوبة) أن تحتفل- مقدماً- بسقوط النظام..

*ثم حين هدأت العاصفة رجع (ثوارها) إلى الذي يجيدونه....الشتم..

*والبارحة فجرت (الراكوبة) أكذوبة تُحسب عليها..

*تُحسب عليها...وعلى صدقيتها...وعلى (مشجعيها)...وعلى الجهات التي تدعمها..

*وذلك على خلفية (موضوع) طه...لتثبت أنها ما عندها (موضوع)..

*فما الذي يهم (الراكوبة)...والمعارضة...والشعب...إن بقي طه أو أُعفي؟!..

*فهذه معركة (داخلية) لا تفيد قضية المعارضة في شيء..

*ثم فوق ذلك فإن الذي يُحسب على (الراكوبة) نشرها توجيهاً كاذباً باسم الأمن..

*فجهاز الأمن لا يرسل توجيهات (مكتوبة) إلى الصحف..

*وقرابة ثلاثين عاماً لي- في مجال الصحافة- لم أقرأ يوماً توجيهاً أمنياً مطبوعاً..

*ثم إن التناول الصحفي لقضية طه لم يتوقف...لغاية أمس..

*وما زاد الكذب سخفاً امتلاء التوجيه بأخطاء لغوية...ومفردات (سوقية)..

*ومنها مفردتا (منجور)........و(مفتول)..

*و(نجرت) الراكوبة خبراً جديداً يُضاف إلى سلسة أخبارها (المفتولة)..

*وتتهاوى كل يوم أكثر بفعل عواصف أكاذيبها..

*وعواصف شتائم مرتاديها...الذين يمارسون النضال (الكلامي) تحتها..

*يمارسونه في (ظل من يحموم)...يستمدون منه مفرداتهم..

*و(الساقطون) لا (يُسقطون) نظاماً...ولا حتى يجعلونه يتهاوى كما (الرواكيب)..

*وموقع (الراكوبة) يواصل السقوط- سريعاً- نحو القاع..

*وكذلك مواقع إلكترونية أخرى تعج بالشتامين...والكذابين...و(الهمازين)..

*ولا ندافع عن الإنقاذ هنا.....ولا عن جهاز الأمن..

*فجهاز الأمن هذا حللت (ضيفاً) عليه - غير مرغوب فيه - قبل رمضان..

*وكان غضبه على شخصي أشد من غضبي على (الراكوبة)..

*ولكنه - على الأقل -لا يسئ...ولا يشتم...ولا يغمز...ولا (ينجر)...ولا (يفتل)..

*بل حين طال انتظاري قلت لنائب مدير الإدارة (أنا ماشي)..

*و(مشى) معي إلى باب المبنى وهو يعتذر....بأدب..

*والراكوبة لا تعرف سوى (قلة الأدب !!!).

صلاح الدين عووضة
الصيحة


تعليقات 195 | إهداء 0 | زيارات 38380

صفحة 1 من 3123>
التعليقات
#1669765 [الشايب]
1.90/5 (20 صوت)

07-13-2017 09:49 PM
عندما يعرفنا هذا الشحص بأصل كلمة "عووضة" (وليس معناها لأن الأسماء لا تعلل) في اللغة العربية ومن أين أتت عندها سنطلب من كل كاتب في الراكوبة أن يبين له أصل الكلمات الحركية التي يستخدمها وسيعلم من ذلك التبيين حتماً مدى البعد القومي التي تمثله ومعانيها الوطنية التي تسخر ممن يرتزقون من الاضرار بالناس.
نحن نشكر الراكوبة كثيراً على اتاحة الفرصة للملايين الذين تغلي بطونهم بالألم وتثور لأنهم وجدوا فيها المتنفس ليعبروا عن الظلم والقهر الذي يعتريهم كلما ينعق غراب هنا وينبح كلب هناك ويهنق حمار هنا وهناك باسمهم وباسم مبادئهم وقيمهم السودانية الأصيلة. أم يريد هذا "العووضة" أن يسكت الناس على الضيم ويكبتوا السخط الذي يعتريهم عن تردي الحال والمآل فقط لأن أمثاله من المنافقين يصورون بطولاتهم مع (ناس الأمن) للناس بغية الاستمرار. ولكي تهضم تلك البطولات لا بد أن يحكي لنا عن (عدد اللكمات) و(الفصود على الوجنات) و (الدم على الملابس والجسد) و (ما خفي من التجريح والألفاظ النابية) وإلا فإن زيارة هؤلاء المرضى النفسيين المنحدرين من الأزقة وأوكار الرزيلة والأنساب المهلهلة وإلا فهو منهم.
من يكتب في الراكوبة هم الأحرار من أبناء الشعب السوداني. وغداً عندما يزول هذا النظام المتفسخ ستحتل الراكوبة مكانها في الخرطوم كمعقل إعلامي ووطني كبير وسيحترمها الشعب السوداني أكثر. وعندها سيعلم هذا العووضة أنه "باعوضة" ليس أكثر وسيعلم أن كتابها أساتذة جامعات في مجال الإعلام ومهندسي استراتيجيات سياسية وإدارية وأطباء وأدباء ومثقفين ومهندسين ومحامين ومعلمين وفنيين وعمال مهرة وأحرار وحرائر من جميع شرائح الشعب السوداني. وفي الختام أرجو أن يعلم ان كلمة راكوبة في الثقافة السودانية أصلها ركب بتشديد الكاف واشتق الاسم من تركيب عناصرها من جزوع الأشجار لتقي أهل البادية والأرياف من هجير الشمس في المزارع والأسواق والمراعي. وأن استعارة الاسم من قبل مشجعي كرة القدم لا يعني ضعفها وانما لكون اللاعب ثابت والأصل في كرة القدم الحركة والنشاط. كما أن وصف ما نكتبه "بقلة الأدب" هو تعدي نرده اليه بأن "قلة الأدب" هي من السباب في الثقافات السودانية ولا يليق أن تفسح صحيفة الصيحة وهي من الصحف المتميزة مساحة لمثل هذه اللغة الضعيفة التي تضر ولا تنفع.
واخيراً إن مجرد منحه مساحة في الراكوبة يعني أصالة الراكوبة ومبادئهاوثقتها التامة بأن لديها من يرد له الصاع صاعين ويسيجه في حجمه الوضيع حتى لا يكيل السباب لأناس يحسبهم مثله!! نحن من يحاضرك في الإعلام ونلزمك حدك ولو أن بعضاً منا في الخرطوم الآن لكان مكانك بين أمثالك ولما لبست لبسونا وتجرأت على الحرف لمخاطبة الكرام بما لا يليق يا ...... استغفر الله العظيم.

[الشايب]

#1669475 [مصرى سودانى عربى]
1.91/5 (24 صوت)

07-13-2017 11:36 AM
الركوبه هى من يحمل الانسان فى سفره وهى اما الجمل او الحصان او الحمار قديما اما الان فهى السياره والطائره والقطار وسفينه الفضاء لذا اختر اى ركوبه تصلح لك ولحالك

[مصرى سودانى عربى]

#1668121 [سليم ابوشارب]
2.69/5 (25 صوت)

07-10-2017 07:57 PM
هل يعقل أن كل المشاركين في الرأي إتجاه واحد. أو هي زفة الكذابون . احترموا عقل القارئ لكي نقول أن الأستاذ / صلاح الدين عووضه جانبه الصواب

[سليم ابوشارب]

ردود على سليم ابوشارب
Saudi Arabia [ابو محمد] 07-17-2017 05:49 PM
المشاركون في الرأي اتجاه واحد لان الحقيفة لا تتجزأ والحق له وجه واحد يراه المبصورن ويتعدد في بصر من عميت قلوبهم !!


#1667556 [الحردان]
1.85/5 (21 صوت)

07-09-2017 03:24 PM
القروش رايحة والشرف في الصدق

[الحردان]

#1667508 [ابو فهد]
2.37/5 (23 صوت)

07-09-2017 01:09 PM
اتهام مبهم وهزا دليل عى انع فارغ قل ما عندك بصراحه وما دافعك لهزا ههههههههه

[ابو فهد]

#1665835 [تمرو]
1.85/5 (25 صوت)

07-06-2017 10:37 AM
كاتب مقال بعنوان "سروال ست الشاى" لا يمكن ان يتكلم عن الادب وقلته

سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى سروال ست الشاى

[تمرو]

#1665277 [علي كوة]
1.91/5 (24 صوت)

07-05-2017 01:31 PM
انتو عووضة دا من وين انت قايل اي واحد يتخرج من جامعة الفرع (ثانوي علي جدا) يصبح صحفي هو لو ما عواسة الجبهجية انت كنت تقدر تكتب في صحيفة بالكثير الزيك دا يكون يخلوهو يراجع الجريدة بعد الطباعة لتصحيح الاخاطاء الاملائية والكتابة ما تكون مائلة او شابه اما انك تكتب فهذا كثير على امثالك لان الكتابة عايزة نقافة عالية والمام بالمواضيع وتاثيراتها . ياخي انت كتاباتك بتذكرني بمواضيع الانشاء في المدارس الابتدائية فقد حكي لي صديق ان احد زملائه الطلاب كتب في موضوع تحدث عن قريتك (ويوجد بقريتنا مطار للرش)فهل يوجد بقريتكم مطار للرش

[علي كوة]

#1664766 [مستغرب]
1.90/5 (23 صوت)

07-04-2017 03:17 PM
الصحفي الكبير دا قال:
مثال على الكلمات السوقية مفردتا "منجور" و "مفتول"
أما كان الأجدى أن يبحث معنى المفردتين قبل وضعهما في قائمته "السوقية"!
منجور ما دايرة اجتهاد وهي اسم مفعول من الفعل "نجر"
أما "مفتول" انت ما سمعت بـ "مفتول العضلات، وفتل الخيط أو الحبل أو غيره".
"الله يفتل دنقلك إن شاء الله" يا ها دي السوقية بكلام السودانيين...

[مستغرب]

#1663687 [تاركو]
2.10/5 (25 صوت)

07-02-2017 03:31 PM
قلت لي كيف ؟

[تاركو]

#1662953 [أبوذر الغفاري]
2.19/5 (24 صوت)

06-30-2017 10:14 PM
ياسي عووضة
نرجو الافادة
دفعوا ليك كم الكيزان
ع شان تكتب هذا المقال العفن الذي
يشبههم

[أبوذر الغفاري]

#1661775 [الأسد]
1.85/5 (23 صوت)

06-28-2017 09:05 AM
*
*
*
بالله دى طريقة كتابه لى صحفى ؟!

[الأسد]

#1661655 [ابوفهد]
2.18/5 (23 صوت)

06-27-2017 10:35 PM
ان نختلف فهذا شيىء طبيعى ,,, أما الشتيمة فهذه لا تليق بالكتاب والادباء
يشهد الله اننى اكتب في صحيفة الراكوبة أحيانا مقالات يفسرها البعض بانها
مدفوعة الثمن وتؤيد الحكومة والنظام ورغم ذلك تقوم الراكوبة بنشرها واحيانا
أكتب بلغة جافة ومترعة بالسخرية ضد الرموز السيلسية وتقوم الراكوبة
أيضا بنشرها عملا بحرية الراى والراى الآخر من نفس الكاتب ذلك بأننا نكتب بروح الإصلاح وليس الهدم ولم نقرأ ردا على مقالاتنا من اتهمنا بقلة الادب .. والله
انها كلمة كبيرة وقاسية ولم أتوقعها من كاتب سبق له الكتابة في هذا الموقع.
نصيحتى للأستاذ الاعتذار لكتاب هذا الموقع ... لقد كنت شجاعا وفى ساعة
غضب وقمت بشتم كتاب هذا الموقع كبيرهم وصغيرهم فكن شجاعا بذات المستوى
وانت الآن في لحظة هدؤ ومراجعة بالاعتذار الصريح وليس في ذلك عيبا ان يراجع
الكاتب عباراته ولكن العيب وكل العيب ان يصر على تأكيدها ولو بالصمت
المكروه ..ورغم الشتيمة لك تحياتنا وتقديرنا ...

[ابوفهد]

ردود على ابوفهد
[الفاتح النوبي] 06-29-2017 09:13 AM
ابو فهد هل تقرا راكوبة غير التي نقراها ؟؟؟؟
مشكلتنا اذا خاصمنا فجرن ارجو ان تقرا الراكوبة التي نقراها وتجد لي تعليقا واحدا ليس فية سب وشتم لكاتبة وانه اخواني كيزاني وهذه احسن التعليقات وهذه الحكومة ما حكمت 28 سنة الا لضعف المعارضة ( معارضة باريس ويوغندا وشقق القاهرة )


#1661412 [حامد عبيدالناس عيسى]
2.26/5 (24 صوت)

06-27-2017 08:11 AM
اكاد ان اجزم ان عووضة مخطىء تماما بوصفه للشرفاء بقليلى الادب ، هل يمكن ان نصف من ذكروا فى التعليق عاليه هم قليلوا ادب هؤلاء من اعظم الكتاب والشرفاء كيف لك ان تصف من هم فى قمة الاحترام والتقدير امثال الكتور زهير السراج ، المحامى الضليع دكتور اديب نبيل عبداللة والساهر الابدى للتصدى لافعال الكيزان المناضل فتحى الضوء ولشبونة واخرون شرفاء بانهم قليلوا ادب بالغته وشزيت صحح معلوماتك وارجع للزمن مرة على قول الكيروان ترباس ،جهز يقتاد ويهين ويعذب وينكل ووووو توصفه بانه قدمك االى الباب ، ممكن يكون ناداك كى يعطيك اخر التوجيهات من سيادته ، خليك حصيف ومت حصيف الى ان تشرق شمس الحرية ولو الى حين ، تبا لاى صاحب جريدة لامعة الصفار ط

[حامد عبيدالناس عيسى]

#1661112 [التجاني مصطفي]
1.89/5 (22 صوت)

06-26-2017 09:55 AM
يا أخوانا انتو نسيتوا انو كفيلو الطيب مصطفي دخل البرطمان .. والله مبروك عليك المؤتمر اللاوطني والحق صاحبك حسن طرحة خليهم يشوفو ليك منصب زيو وما أسهل المناصب في الأنخاز ... واطمنك حتروق بعد شوية ومشاكلك كلها بتنحل .. ويلللا عايرة وادوها سوط الحق ياعم الراكوبة الأسمها السودان اتشلعت شيل ليك منها شلية

[التجاني مصطفي]

#1659777 [عبدالله]
1.95/5 (24 صوت)

06-22-2017 06:36 PM
الكاتب الهمام صلاح عووضه ،
يمكنك ان تقرا المقال على الرابط ادناه ويمكنك ان تخبرنا بعدها كيف يمكنك ان تبرىء نفسك من الكذب والتفاهه :

http://www.alrakoba.net/news-action-show-id-248453.htm

[عبدالله]

#1659210 [ود التاية بت الهميم]
1.85/5 (24 صوت)

06-21-2017 04:50 PM
اقتباس[...لحين طال انتظاري قلت لنائب مدير الإدارة (أنا ماشي)..

*و(مشى) معي إلى باب المبنى وهو يعتذر....بأدب..


حلوة.. لكن يعتذر بأدب دي.. بادب دي تحت كلام طووووووويل وكبير.. طيب ما الناس كان بتقرأ ليك مقالاتك دي في الراكوبة دي ذاتها.. صدقني انت بطريقتك دي بتكون زول راكوبة بس راكوبة خريف..

[ود التاية بت الهميم]

#1658909 [Jini]
2.72/5 (23 صوت)

06-21-2017 03:52 AM
صلاح عووضة يطلق النار على أرجله
من قال انها معركة داخلية لا تهم الشعب والذي كله او اغلبه في خانة المعارضة. هذا ابلغ دليل على عدم مؤسسية النظام وفساده مدير مكتب يمكنة رئيس ونهب لملايين الدولارات وازمة إقليميةونظام تحسبه جميعا وقلوبهم شتى ! يا رجل اذا اختصم اللصان ظهر المسروق وهي أموال الشعب !!
!اذا كان فضيحة طه ليست خبرا يستحق ابداء الرأي فيا لبؤس الصحافة الورقية في السودان !!
يا رجل اذا لم يعرف عووضة المغزي من تسمية الراكوبة وهي مظلة لغمار الشعب وسواده اداعظم فنو فعلا من مرتادي سرادق ولوبيهات وردهات أصفياء النظام !!
ما عندي نفس اكمل
جني

[Jini]

#1658840 [Mohamed Badawi]
3.02/5 (22 صوت)

06-21-2017 12:57 AM
النقد و الاحتجاج و إبداء المظلمة .. لا تعني استخدام لغة تجاري الأدب و تنحي الي مراتب تقترب من التقييم الشخصي و اسباغه كمسلمات. ..في وصف الآخرين و تقييمهم
إدارة المعارك الإعلامية لها أدب جميل يستند علي الحجة و المقارنة واحترام الآخر
بذات القدر اللغة احدي وسائل الارتقاء بالعمل الإعلامي و للقراء حق في قراءة ما يعزز من ذلك

استخدام المنابر العامة لتصفية الخصومات الشخصية طريق توج

[Mohamed Badawi]

#1658835 [Mohamed Badawi]
1.89/5 (25 صوت)

06-21-2017 12:45 AM
النقد و الاحتجاج و إبداء المظلمة .. لا تعني استخدام لغة تجاري الأدب و تنحي الي مراتب تقترب من التقييم الشخصي و اسباغه كمسلمات. ..في وصف الآخرين و تقييمهم
إدارة المعارك الإعلامية لها أدب جميل يستند علي الحجة و المقارنة واحترام الآخر
بذات القدر اللغة احدي وسائل الارتقاء بالعمل الإعلامي و للقراء حق في قراءة ما يعزز من ذلك

استخدام المنابر العامة لتصفية الخصومات الشخصية طريق توج

[Mohamed Badawi]

#1658822 [Mohamed Badawi]
1.87/5 (25 صوت)

06-21-2017 12:20 AM
النقد و الاحتجاج و إبداء المظلمة .. لا تعني استخدام لغة تجاري الأدب و تنحي الي مراتب تقترب من التقييم الشخصي و اسباغه كمسلمات. ..في وصف الآخرين و تقييمهم
إدارة المعارك الإعلامية لها أدب جميل يستند علي الحجة و المقارنة واحترام الآخر
بذات القدر اللغة احدي وسائل الارتقاء بالعمل الإعلامي و للقراء حق في قراءة ما يعزز من ذلك

استخدام المنابر العامة لتصفية الخصومات الشخصية طريق توج

[Mohamed Badawi]

#1658346 [بن عباس]
1.89/5 (25 صوت)

06-20-2017 09:54 AM
والله من امبارح انا مازلت غضبان ومحتار فى السبب الخطير الذى جعل هذا الرجل يهاجم اولاد الناس وياتى ليسهل فى ظل هذه الراكوبة الطيبه الحنينه ... هناك سر لا يعرفه الا الكاتب نفسه .

[بن عباس]

#1658339 [بت أمدرمان]
1.88/5 (25 صوت)

06-20-2017 09:42 AM
الجوع كافر يا جماعة، خلّوه الراجل محمول و كدة. الحمدلله عمرى الطويل فى الراكوبة ما حصل قدرت أكمل مقال للراجل دة، سبحان الله أبى ينبلع لى كله كله. كنت أتمنى إنه يصمت ، لكن الظاهر القروش الدفعوها ليه كانت مقابل شتيمتنا. يلا، كل إناء بما فيه ينضح و يا خسارة الصحافة

[بت أمدرمان]

#1658318 [الفهد]
1.97/5 (25 صوت)

06-20-2017 08:03 AM
الاستاذ صلاح عووضه عذرأ اخطأت في وصفك للرواد الراكوبه بقلة الأدب ..انت تدافع عن عصابة داخل الدولة فعلت مافعلت بالمواطن المغلوب علي أمره أذن ماتفعلوا انت هو قلة الادب ..
كسرة ..عووضة عليك بالعتذار

[الفهد]

#1658274 [بن عباس]
2.11/5 (24 صوت)

06-20-2017 02:21 AM
والله من امبارح انا مازلت غضبان ومحتار فى السبب الخطير الذى جعل هذا الرجل يهاجم اولاد الناس وياتى ليسهل فى ظل هذه الراكوبة الطيبه الحنينه ... هناك سر لا يعرفه الا الكاتب نفسه .

[بن عباس]

#1658269 [المهوقني]
2.68/5 (24 صوت)

06-20-2017 02:01 AM
زكرت يا (ع وو ض ة) بان الراكوبة تتهاوي ...بالعكس الراكوبة لن تتهاوي بل صامدة امام اعاصير الطغاة ووالمنافقين من امثالك .الراكوبة هي منبر الشرفاء ومراءة لكشف الباطل. من خلال الردود اعرف بان اغلبية السودان راكوباب ودة استفتاء مابحتاج لنقاش يا (امعة)

[المهوقني]

ردود على المهوقني
Saudi Arabia [سليم ابوشارب] 07-12-2017 02:35 PM
أول مرة اتفق معك يا أستاذ / عووضه
.. يعجبني في الراكوبة أنها تنادي بالحرية .. ومعظم المشتركين الرأي واحد كأنهم شخص واحد ...

[الفاتح النوبي] 06-29-2017 09:24 AM
يا مهوقني هذا اكبر دليل على ما ذهب اليه صلاح فانت وصفت نفسك بالشرفاء و مراءة لكشف الباطل اولا انا نوبي ولم افهم كلمة ( ومراءة ) ثانيا وصفت من يخالفك بالطغاة ووالمنافقين ولا تود النقش مع امعة .
اذا كانت هذه هي دمقراطيتكم وحريتكم الموعودة للشعب السوداني خلونا نموت بكرامتنا مع حكومة الوحده الوطنية


#1658245 [عثمان حسين]
1.90/5 (22 صوت)

06-20-2017 12:52 AM
لكل جواد كبوة ومازال الزهان عليك ياعوضة لوتقدمت بااععتزار وفي جريدتكم الوضيعة اولا وفب الراكوبة والا تاكد انها ستكرن سقطة مابعدها

[عثمان حسين]

#1658233 [اعتزروا لي بلطف وقدموني للباب ..التنجيد والكيس الجديد]
2.18/5 (25 صوت)

06-20-2017 12:33 AM
المعايش جبارة يا ابوصلاح قته لي الجماعة طالبوك تحدد ملامحك عشان المرحلة وتحت تحت الربطة ...وانت اخترته الربطة وانتميت للمرحلة والشكل الباهت ده ...مبروووك عليك التنجيد والكيس الجديد ..شغل الوطنية وقول الحق (كلام المناضلين ذي ما بتقول )ده عندو رجال لا بعتزرو ليهم بلطف ولا بقدموهم لغاية الباب ..بل بحبسوهم حبس تعسفي بدون محاكمة ذي ناس د.مضوي والكثير من الرجال الذين تعتز بهم حواء السودانية ونعتز بهم نحن حتي وان لم نبلغ شؤهم. .الراكوبة عاملة ليكم نفسيات يا كيزان لانها مقرؤوة جدا واخبارها البتجيبها بعد ما انتو تكذبوها في الاخر بتطلع صاح ....شوف الرقم الي تحت مقالك ده كم مشاهدة ؟؟؟ وقارن بينو وبين نسب قراءة جرايدكم مدفوعة الاجر ..فتارة توصفوها بالكذب وتارة اخري توصفوها بالاعلام الاسفيري الغير مؤثر وكلي الوصفين وصف غير صحيح وانتو عارفين كده كويس عشان كده زارقين ..والشعب السوداني المهتم بشؤؤن السياسة لازم أقرأها. .لانو دايما بتديهو الزيت. ..والجيل الحالي جيل بحب الزيتون ..معليش انت ما بتحب المصطلحات دي
.لكن نحنا معرفتنا بسيطة بلغة الصحفيين المأجورين. ..فأتمنى انو اكون وقع ليك عشان ما اضطره انو اعيدو ليك ... لها يا حنين انت ما بتحب الاسامي المستعارة والكلام بتاع اصحاب الاسامي المستعارة ولا الاتنين معا ....خلاص أبسط الحريات عشان الناس تكتب اياميها الحقيقية او كلم نايك الجداد ديل القدموك لغاية الباب ادو الناس الأمان ...يا حبيبنا الشعب السوداني زواق وذكي ويميز كويس أخشي انك ماتكون إضافة حقيقية للنظام بالذات بعد ما انكشف سرك لكل الناس وده قد يؤدي إلي الاستغناء عنك وإخلاء خانتك بقلم مأجور اخر وكده لا ارضا قطعت ولا ظهرا ابقيت خليك صاحي واحسبها صاح ما تبيع نفسك بثمن بخس خليك مع قول الحق ضد الظلم وقل كلمة حق في وجه سلطان جائر واكسب دنياتك واخرتك وعيش حر ..وكم من رجل مات من أجل كلمة ..او أزرق بعيد عنا انت وخالك الرئاسي ..

[اعتزروا لي بلطف وقدموني للباب ..التنجيد والكيس الجديد]

#1658226 [خواجة]
1.89/5 (25 صوت)

06-20-2017 12:12 AM
الموضوع دا حار شديد والله ياادارة الصحيفة عليكم الله ثبتو لينا المنشور في الرئيسة خلي الكل اللي اسمو عوضة دا يعرف حجمو ويتأدب كويس

[خواجة]

#1658221 [موسى]
1.87/5 (25 صوت)

06-20-2017 12:00 AM
نكتب بأسماء مستعارة لأننا خائفين من أمثالك ، وخائفين

[موسى]

#1658214 [ابو ليلي]
1.85/5 (24 صوت)

06-19-2017 11:47 PM
واللة يا عوووضة ما بنقدر نرد عليك لاننا صايمين

[ابو ليلي]

#1658203 [ابوكلام]
2.10/5 (25 صوت)

06-19-2017 11:29 PM
اقسم بالله العظيم في هذا الشهر العظيم انني ومنذ مدة تتجاوز الخمسة أعوام كرهت قراءة عمود صلاح عووضة لعدة أسباب اهمها انه يكثر من الاستعارات المكنية في مقاله والاعتماد علي الرمزية والتمويه والدوران ليدلي بدلوه في أي قضة مطروحة وغير واضح اطلاقاً في تناوله لأي موضوع ويجتهد في الدوران خوفاً وجبناً وهعاً من النظام وزبانيته ....والله نجد أن الاخوات الصحفيات المبتدئات أفضل بكثير منه بل قد نظلمهم اذا وضعناهم في محل مقارنة معه....انه مغرور ولا يعرف قدر نفسه ...
ونقول له باختصار دع الصحافة مالها وماعليها وخلينا نركز فقط علي رجولتك ان بقي منها شيئ........

[ابوكلام]

#1658182 [النوبي]
1.84/5 (23 صوت)

06-19-2017 10:27 PM
الجوع كافر ولك العزر ياعوووووضة لكن حزاري من قلة الادب فتحت علي نفسك باب ماتقدر عليه عزرناك عندما بعت للحوجة الماسة وسكتنا لكن الاسأة سنقابلها بالف مثلها واستعد

[النوبي]

ردود على النوبي
Sudan [dia aldeen] 06-20-2017 12:29 AM
والله صدقت المعايش جبارة....وعوووووضة ما هو الاول ولا حايكون الاخير ...


#1658174 [البانوشي]
1.86/5 (25 صوت)

06-19-2017 10:10 PM
يا باعوضة انت قابض صح ولا غلط و لو ما قبضت عايز تلحم سلك مش كدا

[البانوشي]

ردود على البانوشي
[الفاتح النوبي] 06-29-2017 09:29 AM
ماذا تركتم للحكومة اذا كل كتاب الراكوبة خلو الموضوع الاصلي و واقعين سب وشتم صلاح .
واحد شجاع يكتب اسمه مافي كلكم عاملين شرفاء واصلاء من وراء حجاب .


#1658151 [عبدالله عبد الحليم /السجانه]
1.87/5 (24 صوت)

06-19-2017 09:22 PM
لماذا لاتعتذر يا استاذ صلاح لانك اخطات خطا كبيرا فى حق فئه صادقه حتى وان اختلفت معهم ، الاعتذار احد القيم الاصيله لايعرفها صغار النفوس ، نرحو الا تكون منهم .

[عبدالله عبد الحليم /السجانه]

#1658136 [موسى]
1.97/5 (25 صوت)

06-19-2017 08:40 PM
ما الذي يهم (الراكوبة)...والمعارضة...والشعب...إن بقي طه أو أُعفي؟!..

*فهذه معركة (داخلية) لا تفيد قضية المعارضة في شيء..
طه دهخ شغال في كشك ليمون وا كشك جرائد ما هو أصلاًمن عجائب الزمان أن يكون مثل طه مدير مكتب رئيس جمهورية أي رئيس بلد عنوة والبلد دي خقتنا الرئيها مدير مكتبه طه . كيف ما يهمنا يشيلوا ولا يخلوا؟ هل تظن أننا مثل مستفيدين من وجود فلان وأو غيابه في الوظائف السيادية نحن بهمنا بلدنا وعلينا أن نراعي مصالح بلدنا ما دام طاهاك ده دخل في زمرة من حكمنا بالقوة فأمره يهمنا أكثر من اي شيء آخر . افهم ما كان في أي داعي لكتابة هذا الموضوع وبه قلبت عليك الدنيا وأسأت إلى نفسك أكثر من إساءتك لنا لأنه صفة ( قليل الأدب ) هذه وصفت بها كل من كتب أو صمم أو قرأ ، أو علَّق في الراكوبة بمَنْ فيهم أنت نفسك

[موسى]

#1658134 [ودابوقوتة]
1.97/5 (23 صوت)

06-19-2017 08:39 PM
كتب في راكوبة حمدناللة عبدالقادر لشبونة. زهير سراج تاج السر.الصوء فتحي.فيصل محمد صالح حيدر احمد خيرالله محجوب محمد صالح كمال جزولي.تبيل أديب هل هؤلاء قليلين أدب ام أصبح.الصمير والأخلاق تباع كالتسالي والنبق.في السوق...ناس الأمن قدماك حتي الباب احترام تهذيب من ناس الأمن أصبح كتاب الرطوبة كذابين قليلين أدب وناس الأمن محترمين ومهذبين هل يمكن أن تغيير الفلوس ضمير وأخلاق وحتي دين الإنسان
انها سقطة صحفية تحسب عليك فما كتبت شءيا فريا
فبربك.الاتخجل.الا.تستحي.فالصحافة كانت حرة ومحترم لكن مقالك جني علي صحافة وصحفيين وتبا.لك من يشتري بالفلوس.انة العهر الصحفي

[ودابوقوتة]

ردود على ودابوقوتة
Ukraine [عبدالله] 06-20-2017 10:07 AM
ماتنسى يا ود ابقوته د عبد الوهاب الافندى اكتر كوز مقالاتو بتتفلفل هنا وبرضو د التجانى عبد القادر برضو كوز لا يجد التقدير الا على صفحات الراكوبه الغراء .

Romania [ابوشوك] 06-20-2017 02:11 AM
د حيدر ابراهيم ياخ ود نفيسه ابراهيم عيسى وفيصل ومصطى واحمد حسين ود عبد الله ابراهيم وعثمان ميرغنى بمقالاته وبكرى الصايغ وهمت والمترجم بتاع بورتسودان وبشرى الفاضل وعمك شوقى بدرى الراجل الكتاب وحيدر وماتنسى سيد صادق ود التحانى وهبانى .... ،وغيرهم عشرات ... انا برضو بكون نسيت ناس مهمين جدا طبعا .


#1658102 [الكتاحة]
1.85/5 (24 صوت)

06-19-2017 07:49 PM
قذر

[الكتاحة]

#1658063 [الصادق مصطفى الشبخ]
1.84/5 (25 صوت)

06-19-2017 06:27 PM
ما عارف دا والطيب مصطفى بتاعو بتقرو ليهو كيف
كمان بقلد القبيح اسحق فضل الله
الله ريحنا من كتاباتو منذ ان انحاز للضغمة الحاكمة واساء للنساء

[الصادق مصطفى الشبخ]

#1658061 [ودابوقوتة]
1.84/5 (25 صوت)

06-19-2017 06:26 PM
كتب في راكوبة حمدناللة عبدالقادر لشبونة. زهير سراج تاج السر.الصوء فتحي.فيصل محمد صالح حيدر احمد خيرالله محجوب محمد صالح كمال جزولي.تبيل أديب هل هؤلاء قليلين أدب ام أصبح.الصمير والأخلاق تباع كالتسالي والنبق.في السوق...ناس الأمن قدماك حتي الباب احترام تهذيب من ناس الأمن أصبح كتاب الرطوبة كذابين قليلين أدب وناس الأمن محترمين ومهذبين هل يمكن أن تغيير الفلوس ضمير وأخلاق وحتي دين الإنسان
انها سقطة صحفية تحسب عليك فما كتبت شءيا فريا
فبربك.الاتخجل.الا.تستحي.فالصحافة كانت حرة ومحترم لكن مقالك جني علي صحافة وصحفيين وتبا.لك من يشتري بالفلوس.انة العهر الصحفي

[ودابوقوتة]

#1658028 [ربع الرطل الملا القزازه]
1.89/5 (23 صوت)

06-19-2017 05:48 PM
هذا المتلون ينطبق علية وصف منصور خالد لاحدهم

(توافر على القليل من الادب والكثير من قلته )

**
اقسم باالله سيودبك قراء الراكوبة ومعلقوها

[ربع الرطل الملا القزازه]

ردود على ربع الرطل الملا القزازه
[حرية وطن] 07-08-2017 01:00 PM
الفاتح النوبي = صلاح عووضه (قالو البرقص مابغطي دقنو )

ماعلينا لكن لوكنت صلاح عووضه ولا غيره الفيك اتعرفت الراكوبه جريده الكترونيه فيها كتاب يعف لسانهم عن الرد علي امثالك والبذأه من طبع الكيزان والمؤلفه قلوبهم حتي تثبت اقدامهم في خط التنظيم الشيطاني لابد ان يكيلوا الشتائم للشعب المكلوم وانا اعتقد انت منهم ( الله يعوض علي والدينك ويرحمهم برحمته )

اقتبس هذه الابيات واهديها لك ياعووضه ولكل المنتفعين والمدافعين عن هذا النظام البائس

و الصمت عن جاهل او أحمق شرف و فيه أيضا لصون العرض اصلاح

اما ترى الأسد تخشى و هي صامته و الكلب يخسى(الرمي بالحصى) لعمري و هو نباح.

[الفاتح النوبي] 06-29-2017 09:34 AM
من اسمك ظاهر عليك انك مؤدب وابن ناس محترمين .
اذا كان قراء الراكوبة ستادب صلاح فقط لانه كتب راي مخالف فكيف بكم لو حكمتم السودان


#1658009 [متدثر]
3.37/5 (23 صوت)

06-19-2017 04:51 PM
هسه يا عووضه ال 16 الف القرو العدد ده من الركوبه شيخك الخال الرئاسى بيحلم بيهو فى يوم من الايام ؟؟ ههههه ولسه العداد شغال ... عوير انتا ياخ .

[متدثر]

#1658002 [مغبون]
1.85/5 (25 صوت)

06-19-2017 04:26 PM
معقول يا عوووضه الجماعه اكلوك ولا شنو

[مغبون]

#1657994 [Idrees]
1.94/5 (24 صوت)

06-19-2017 04:04 PM
اكعب حاجة الزول يسبح ضد التيار. واتتا با بعووووصة....ولا عوووضة ما عارف بس الأصح بعوووضه....انتا سابح صد التبار لكتابتك الغبية عن موقع الراكوبةوالأغبى في كتابنك عن برنامج أغاني وأغاني.وللماقراهو البعوضة هذا أياء للبرنامج ولمقدمهاااستاذ السر قدور ووصف الفنانةهدى عربي بأوصاف لا تصدر إلا في الأنادي ولا من النشاطات.يا بعوووضه، موقع الراكوبةبغض النظر عن محتواهو الذي تسطره أقلام تتقاصر بجانبها كل الاقلام التي تسود صحف جهاز الأمن وغيرها المحسوب عاي النطام.ااأقلام التي تكتب في الراكوبة راقية شكلا وموضوعاوتكتب بصدقيه وحربة ولا تيبح بحمد فرعون وازلامه بل تصدح بالحقيقة مجردة من كل مصلحة ذاتية.ديدنهم رفع عثرة هذا الوطن الذيابتلاهو المولي بالمتاسلمينوالدين يسمون نفسهم زورا الحركة الإسلامية السودانية وكأن إسلام السودان نزل عليهم من دون أهل السودان ،اهل التقابة واللوح والدواية.الراكوبة يا بعووضة موقع السودان الأول علي الشبكة العالمية رضيت ام ابيت والأكثر زيارة من أي موقع سوداني آخرواذا ما مصدق أسأل اليكسا.دا لو عارف هي شنو.وأيضا برنامج أغاني وأغاني سواء عجبنا تم يعجبنا يطل وغصبا عنك يا بعووضة من أكثر البرامج مشاهدة في السودان ان لم الاكثر دون منازعويكفي الكم الهائل من الإعلانات المصاحبة.انت يا صلاح بعووضة اما قلمك مأجور او واحد من أعداء النجاح ابنما وجد.ااكتابة الصحفية رسالة وليست ردحي وحيي ووب. المواطن السوداني العادي بعرف يقيم كل شي وبموضوعية للأسف لا تتوفر للبعووضة العامل نفسو صحفي، الصحافة ليس ايفاف وكلام خفاف بل التزام بالأدب في وقت وحالة الاختلاف.اا اربد الإطالة ويؤسفني ان ارد عليك بأسلوبك، كتابتك عن الراكوبة كذوبة وانت كادب وكمان مفتري وفاكيها في روحك ونوع كتابتك زي مكاناصحف الإثاره الرخيصةيا رخيص، لان كا إناء بما فيه ينضح ولداخله يفضح.....

[Idrees]

#1657991 [السوداني]
3.61/5 (22 صوت)

06-19-2017 03:46 PM
دي آخرتك يا عووضة سبحان الله

[السوداني]

#1657988 [متدثر]
2.20/5 (24 صوت)

06-19-2017 03:40 PM
هسه يا عووضه ال 16 الف القرو العدد ده من الركوبه شيخك الخال الرئاسى بيحلم بيهو فى يوم من الايام ؟؟ ههههه ولسه العداد شغال ... عوير انتا ياخ .

[متدثر]

#1657986 [الفاتح يوسف]
1.84/5 (25 صوت)

06-19-2017 03:32 PM
والله يا باعوضة دي قلة أدب عديلة منك انت

[الفاتح يوسف]

#1657978 [الجاك عمران]
1.85/5 (24 صوت)

06-19-2017 03:27 PM
هل تعلم يا عووضة ان مقالك قد حقق الرقم القياسي في عدد التعليقات منذ انشاء موقع الراكوبة ان لم أكن مخطي؟ .. وهل تعلم أن كل المعلقين تقريبا قد وقفوا ضدك ولم يتفق معك شخص واحد ؟.. وهل تعلم انك قد ارتكبت خطأً جسيما حين فكرت أن تهاجم الراكوبة دون موضوع ؟ دقست يا عووضة وحقو تعتذر

[الجاك عمران]

#1657955 [حسكنيت]
2.15/5 (25 صوت)

06-19-2017 02:45 PM
بتكتب في صحيفة خال الرئيس نتوقع منك اكثر من كدة .....الشي البيغظ امثالك ويحقدو علي الراكوبة لانو ما فيها مطبلاتية وكسارين ثلج ... الراكوبة صحيفة الحقائق.....الراااااااااااااااااااااااااااااااااكوبة صحيفتنا .الما عاجبو يطرشقك

[حسكنيت]

#1657939 [مغبونة]
1.86/5 (24 صوت)

06-19-2017 02:25 PM
غايتو شر البلية ما يضحك

لمعلوميتك قلة الادب دي حكومتك كانت موظفة ليها واحد مخصوص اسمه الرائد يونس عشان كل يوم يتكلم ويشتم في الراديو انت نسيت ولا شنو؟ بعدين انت فاكر نفسك صحفي علشان تحكم على الصحف الاخرى كمان؟ يا راجل لغاية يوم الليلة انت بتكتب عمودك في شكل نقاط زي شفع الابتدائي البتعلموا في الكتابة يا دوب ده طبعا غير اللغة الضعيفة بتاعتك

لو بتعرف تكتب صاح يلا اكتب لينا مقال كامل من البداية للنهاية زي باقي الصحفيين ولو ما يتعرف امشي اتعلم من ناس عثمان شبونة ح يعلموك الكتابة وحاجات تانية اهم كتير ان شاء الله تكون فهمت

[مغبونة]

#1657938 [الطيب]
1.85/5 (25 صوت)

06-19-2017 02:25 PM
ليك وحشة! نحترم رأيك ولكن نريد من جهاز الأمن أن ينفي ما أوردته عنه الراكوبة والتي بدورها ستقوم بنشره.

[الطيب]

#1657910 [صفرجت]
1.85/5 (25 صوت)

06-19-2017 01:54 PM
الكيبورد شال حسني مبارك يا بعوضه لو الما الكيبورد دا مجنن الأمن والكيزان ما كان عملوا مراكز مراقبه ليهو ( جداد اللكتروني ) وما كان جابو احدث اجهزة لمراقبه النت والفيس عموما وكمان مكاتب امنية داخل شركات الأتصالات لمراقبة النشطاء

قربت تصفرج خلاس ابرد شوية

[صفرجت]

#1657901 [دافووووووووووري]
2.82/5 (20 صوت)

06-19-2017 01:49 PM
( ولا ندافع عن الإنقاذ هنا.....ولا عن جهاز الأمن .. )

* كدي قول كلام غير ده ..!!!!




( بل حين طال انتظاري قلت لنائب مدير الإدارة (أنا ماشي)..
و(مشى) معي إلى باب المبنى وهو يعتذر....بأدب.. )


يا راجل ؟؟؟؟؟؟؟!!!!!

[دافووووووووووري]

ردود على دافووووووووووري
Spain [SD2000] 06-19-2017 09:16 PM
هذا الرجل غير انو حاسد كمان طلع كداب..........الامنجى اعتذر ليك و كمان بأدب و الله دا الا اكون امنجى صينى.........Parasite


#1657889 [عبدالله]
1.84/5 (25 صوت)

06-19-2017 01:27 PM
الله يقرفك يا عووضه ياخ والله خجلتنا ، سب فوقك .

[عبدالله]

#1657884 [حامد عابدين]
2.34/5 (24 صوت)

06-19-2017 01:18 PM
كنا نشك في سقوطك منذ أمد بعيد ، والأن تأكد لنا ذلك ياعووضة
لم يترك لي المعلقون ما اقول ، واكتفي بردودهم

[حامد عابدين]

#1657876 [محمد سوريبا]
1.90/5 (25 صوت)

06-19-2017 01:03 PM
الاخ صلاح عووضة.. كدي قبلما نمشي بعيد .. خلينا نسألك سؤال .. الراكوبة بيكتبوا فيها كتاب مثل فتحي الضو ومولانا سيف الدولة وعبدالرحمن الأمين .. كدي في زمتك عاين للأسماء دي وشوف انت بتنفع صبي عندهم؟ ما من حيث الموقف والبسالة والشجاعة .. لا يا روح أمك .. من حيث جزالة الاسلوب والصياغة اللغوية .. اخير ليك ترعى بي قيدك وناس الانقاذ ديل لو كسرت رقبتك ما ببقوك ملحق اعلامي لأنهم بقت عينهم نجيضة وما بركبوا معاهم ناس فضائح زيك

[محمد سوريبا]

ردود على محمد سوريبا
[الجاك عمران] 06-19-2017 03:38 PM
الأسماء الذكرتها دي خليها ممكن يقول ليك ديل برة ،، اها يا عووضة شوف ناس جوة ،، وابتدي ليك من محجوب محمد صالح رحمه الله ومرورا بسعاد إبراهيم ويوسف صديق وفيصل محمد صالح وأحمد خيرالله وغيرهم وغيرهم من الصحفيين الشرفاء الشجعان ،، فأنت يا عووضة أين من هولاء ومن أين أتيت ؟


#1657868 [RAYYAN]
1.84/5 (25 صوت)

06-19-2017 12:50 PM
انا ماشي. . ههههه.. ماشي نيالا ولا حلة كوكو

[RAYYAN]

#1657865 [شليل]
1.88/5 (23 صوت)

06-19-2017 12:48 PM
اكييد بعوضة اصيب بلوثه في عقله ؟؟؟

[شليل]

#1657863 [عبد الواحد العاملا فى روحو من الضحك على الكيزان!!]
1.85/5 (24 صوت)

06-19-2017 12:43 PM
هذا العووضه الباعوضه لا يستحق منكم غير ضرب الشبشب القديم يا شباب وليست هذه هي المره الأولى التي يتجاسر فيها على موقع الراكوبه وكتابها والمعلقين فيها فذاكرة إرشيف موقع الراكوبه بها مخزون من كتاباته الغثه وهذا المأفون لم يك ليعرفه احد إلا بعد أن اشتم عبير حرية الكتابه في الراكوبه ومن خلالها عرفه الناس ولم يك من قبل شيئا مذكورا والاهطل اوهم نفسه وظن أن أصحاب الفطره السليمه يتابعون كتاباته في الصحف التي فشل في تثبيت نفسه فيها وظل يتنقل فيها كما (الكدندارا) وينسب تنقلاته على مواقف بطوليه وهميه !! عليكم بالشبشب القديم وهذا اقل ما يستحقه في هذا الشهر الكريم ويا ود عووضه نبهناك كثيرا (كل شيء إلا الراكوبه..إلا الراكوبه ..إلا الراكوبه) ولكنك لم ترعوى فذنبك على جنبك !!.

[عبد الواحد العاملا فى روحو من الضحك على الكيزان!!]

#1657861 [سوداني حر ما رخيص]
2.26/5 (23 صوت)

06-19-2017 12:43 PM
قال راكوبة قال :]
استغرب فيمن يستغربون مواقف هذا الرخيص !!
هذا العووضة لم يكن مناضلاً في أي يوم من الأيام ، فمواقفه لا تقوم على المبادئ ولا حتى على الزبادي ، بل على اللحم والثريد ، فكلما جاع كتب "مفنوساً " وكلما شبع تنمر على سيده لذا لا يستقر على صحيفة واحدة ، فهو كالعاهرة وأسوأ كل شهر بفراش .
ثم تطبيله لجهاز الأمن ليس غريباً عليه فقد أدخله قبل ذلك ضابط الأمن "المخنث" محمد حامد تبيدي في إتحاد الصحفيين وقبض وشبع ، ثم ما ان اسست الحركة الشعبية صحيفة لها حتى صار يصفق ويطبق لأولياء نعمته الجدد ويكتب ويداقع وينتقد ويشتم أعداء الحركة الشعبية وخاصة الخال الرئاسي الطيب مصطفى ، وعندما توقفت الصحيفة ووقف الدرب الذي يغذي شرايينه الميته كقلبه عمل مع الطيب مصطفى صاحب صحيفة (الصيحة) وأصبح الطيب مصطفى ولي نعمته يطبل له ويداهنه وبدأت شتائمه تنهال على الحركةولية نعمته القديمة!
انا لا استغرب دفاعه عن جهاز الأمن فمن يقرأ العمود - اعلاه - يعرف انه عمود مدفع الثمن .. ويعرف بان الرجل الآن في حالة جوع فهكذا هو ..
اما (الراكوبة) فيكفيها فخرا انها تغضب (العاهرات) عديمات الشرف من أمثال باعوضة الرخيص .

[سوداني حر ما رخيص]

#1657860 [عبدالله]
1.86/5 (25 صوت)

06-19-2017 12:41 PM
" أكاذيب مناضلي الحواسيب الذين يتخفون وراء أسماء (وهمية)...ويبثون (الوهم).. "
انت والله قديم قدم ههههه ياخى الكى بورد الليله هو المحرك كل العالم ... الم تكن تدرى ؟

[عبدالله]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة