الأخبار
أخبار إقليمية
إرتفاع جنوني لأسعار الدولار والريال السعودي اليوم
إرتفاع جنوني لأسعار الدولار والريال السعودي اليوم
 إرتفاع جنوني لأسعار الدولار والريال السعودي اليوم


إنهيار مريع للجنيه السوداني
07-15-2017 11:58 PM
الخرطوم - الراكوبة
ارتفاع جديد في اسعار العملات والدولار يسجل قفزة كبيرة

سجل سعر الدولار قفزة كبيرة في السوق الموازي، وفي جولة للراكوبة عصر اليوم وسط تجار العملة ، قال أحد التجار أن سعر الدولار وصل الى (21،420) جنيه، بينما بلغ سعر الريال السودي (5,500) جنيه. في وقت شهدت فيه أشعار السلع الاستهلاكية ارتفاعا كبيراً.
وأرجع متعاملون في سوق الدولار، القفزة الكبيرة في الاسعار الى عدم رفع العقوبات الامريكية المفروضة على السودان،
واشار التجار الى ان الكمية المعروضة من بنك السودان، تعتبر قليلة مقابل الحاجة الفعلية للدولار، مما أوجدت فجوة اسهمت هي الاخرى في زيادة الاسعار.
إلى ذلك، عزا بعض التجار الزيادة في اسعار المواد الاستهلاكية الى ارتفاع سعر الدولار، وعدم توفره، مما جعل الموردين يلجأون الى خيارات اخرى لتوفير الدولار، مثل السودق الموزاري. بينما احجم آخرون عن عمليات الاستيراد في انتظار ما سوف تسفر عنه الايام المقبلة.


تعليقات 19 | إهداء 0 | زيارات 63616

التعليقات
#1671455 [CHOCOLATE]
0.00/5 (0 صوت)

07-17-2017 01:06 PM
أنهيار أقتصادي ويجب اتخاذ القرار السليم في ارسال اي قوات سودانيه لاي جهه

[CHOCOLATE]

#1671124 [مريدي]
2.88/5 (5 صوت)

07-16-2017 08:22 PM
زمان في عطبرة عندنا الكهربة قطعت 3 سنوات وفي الفترة دي طبعا كان في مواليد المهم في طفل رضيع عمروا قريب سنتين كدا بقى يبكي ويبكي ويبكي بصورة مزعجة الجماعة جري ودوهو لاخصائي اطفال كبير الدكتور عمل فحص كامل لقوا ما عندو شي لاطقة عقرب. لا وجع بطن ولا اي شئ الدكتور قال ليهم الحالة دي اول مرة؟؟ قالوا ليهو ايوة قام الدكتور طفى النور الولد سكت وبقى يلعب عادي اتضح انو اتعود علي الكهربة القاطعة ولمن جات الوضع بقى غريب ومخيف دحين نحنا اتعودنا على الحصار الامريكي وكدا كدا متعوديين يعني يالبشير ماتقعد تتفنس وتنبرش نحن اصلا زيتنا طالع ماتخاف علينا الخليجيين ديل ابعد عنهم والله يدمروك ويدمروا بلدنا خلينا مع افريقيا احسن وعادي علاقات معاهم عادية وان ماعجبهم يشربوا من البحر كلهم وايران قاعده وروسيا المخوفاهم قاعده والصديق الحميم الصين قاعده وتركيا قاعدة واثيوبيا قاعده ونحن صبرنا عليكم وعلي الحصار مجموع 28 سنة وبنصبر التلاته شهور وبعد داك ربط حزام جد وكربة حبل بس انت اكرب بيضك.

[مريدي]

#1671085 [عودة ترنتي]
2.07/5 (5 صوت)

07-16-2017 05:46 PM
يعني الدولار فات ( ابو عشرين ) --
و الريال ماشي علي ( ابو ستة ) --
و اليوريو غرق في الترعة الكبيرة الجنب الميجر --
يكون( طه عتمان ) همل ليهم كادوك قبل ما يمشي و يقطع البحر -- يلا يا بلة شوف شغلك -- ما هو دا الاقتصاد زمن الانقاذ دجل في شعوذة --

[عودة ترنتي]

#1670980 [Hassan]
2.57/5 (5 صوت)

07-16-2017 01:50 PM
متي ينتهي مفعول التخدير علي الشعب؟

[Hassan]

#1670978 [اسماعيل]
1.94/5 (6 صوت)

07-16-2017 01:47 PM
واحد يجب الانسحاب من جامعه الدول العربيه وعلان الاتحاد مع اثيوبيا والانفتاح علي افريقيا والصين وروسيا واوروبا ماعايزين العرب نهائي وانحن وقسما بالله عرب واعز منهم وافارقه واطهر منهم نحن العروبه تجري في دمنا والافريقيه تجري في دمنا مامحتاجين للعرب اعلنها ايها الرئيس اسحب الجيش من اليمن واسحب السودان من جامعه الدول العربيه وخلينا في حضن افريقيا وتبعدونا من الشعوب المعقده المتخلفه دي

[اسماعيل]

ردود على اسماعيل
United States [الحقيقة المره] 07-16-2017 10:54 PM
يا سوداني من قال أنك عربي؟؟؟ كفاية أحلام العربي يشرفك
هناك أربع أنبياء عرب عليهم السلام vs كم عدد الانبياء سودانيين
كم عدد السودانني صحابة؟.السودان لم يقدم شيئ بالتاريخ للعرب ولاللأسلام
=====
ماذا لو تم طرد أكثر من 7مليون سوداني بالدول العربية؟
ماذا لو طالبك العرب أعادة القروض والودائع الأن؟
أكثر البنية التحتية بالسودان من تمويل الخليجيين

Sudan [tor aldaba] 07-16-2017 09:01 PM
انت ماكنت في حضن افريقيا وهي تركتك
السوداني من يوم انفصل الجنوب عنه
صار الافارقة ينبذونه ويسخرون منه
واثيوبيا التي عاوز تمشي في حضنها
مستغنيه عنك بعد ماعاملت ابناؤها ازفت معاملة
يااخي بلاش.بلاش


#1670928 [عباس حسن]
2.38/5 (4 صوت)

07-16-2017 11:59 AM
الله يكون في عون المواطن المغلوب على أمره

[عباس حسن]

#1670925 [المريحابي]
1.69/5 (6 صوت)

07-16-2017 11:53 AM
أعتقد التقرير غير دقيق لأنو حتى لو الريال وصل 2500 فإن الدولار يكون ب، 20600 وليس 21400؟!!
يرجى المرجعة.

[المريحابي]

#1670916 [سلوى الجاك]
2.00/5 (5 صوت)

07-16-2017 11:19 AM
بالله منتظر شنو يا عمر البشير ؟؟
منتظرين شنو يا كيزان السجم ؟؟
حذفتوا ثلاثة اصفار من الجنيه وبقت الألف جنيه جنيه واحد وقلنا معليش .. أها الدولار فات العشرين جنيه حقتكم .. منتظرين شنو بلا يحمكم ما يفضل فيكم نفاخ النار ..

[سلوى الجاك]

#1670848 [abdalla]
3.75/5 (5 صوت)

07-16-2017 09:26 AM
انا كسوداني عاوز اعرف السعوديه دفعت كم للبشير والخبيث طه وهل وزير الماليه يعرف وهل النايمين تحت قبة البرلمان يعرفون والجنود الذين ماتوا في حرب اليمن كيف يتم تعويض اسرهم ولا جزو من المبلغ راح لشرا فلل الجميرة

[abdalla]

#1670839 [سامي]
2.13/5 (4 صوت)

07-16-2017 09:06 AM
ناس عطالة اغلبهم شغال سماسرة اراضي وتجار عملة

[سامي]

#1670801 [جبهجي]
2.69/5 (5 صوت)

07-16-2017 08:02 AM
ولو ما جينا كان الدولار حصل 20 جنيه ..

[جبهجي]

ردود على جبهجي
European Union [صالح] 07-16-2017 09:15 AM
20 جنيه كان حسب كلامهم بالفديم الان 20الف


#1670798 [الفحلابي]
3.50/5 (7 صوت)

07-16-2017 07:54 AM
اسحب الجيش من اليمن وكفاااااية ضبابية الموقف الخليجي...وخلي سياستك وااااضحه واعلنها واقف مع قطر الصمود..وسيستقر دولارك اقل شي سيكون عند ال20 ج..ولو لم تسجب الجيش سيظل الاستغلال والاستنزاف ولن ترفع ابدا العقوبات بل ستجدد كل فتره حتي تننهي الجرب اليمنيه وبعدها سيكونوا اكلوك لحم ورموك عظم... وربنا زكرهم في كتابه انهم اشد كفر ونفاق..فلا اماااان لهم.. رجع علاقتك مع..... وقطر والصين وروسيا واتلم علي اهلنا الافارقه ياهم ناسنا ومننا وفينا... وح يجوك جارين زحفا علي الاركاب. فلا اماااان لهم.. لاخير فينا ان لم نقلها.. والحل الاول والاخير والبتر ارحلوا ارحلوا ارحلوا وارحموا الشعب السوداني المغلوب علي امره.. وسترفع الغقوبات ويستقر الوطن الجريخ.

[الفحلابي]

ردود على الفحلابي
[الشعب الضايع] 07-16-2017 03:11 PM
و نسيت إيران يا أبو الشباب ، ديل ناسنا البنعرفهم ، الطريق الحالى طريق ابتزاز ما عنده نهاية ، القطريين رجال وقفوا معانا مواقف رجولية ما عندها حد

[البدون] 07-16-2017 09:08 AM
نعم يجب ان نقف مع قطر ولكن ليس حبا فى معاوية
فقطر سبب بلاوينا بدعمها اللامتناهى لتنظيم الشر وسبب بقائه والسعوديه مرمطت بكرامتنا الارض بتعاليها ونظرتها الدونيه لنا فكلهم سجم فى رماد وكما قيل سابقا كان بامكان السودان ان يكون احسن الافارقة لكنه اختار ان يكون اسوأ العرب


#1670774 [محمد اامكي ابراهيم]
2.13/5 (6 صوت)

07-16-2017 07:07 AM
تنبأت العام الماضي بهبوط سريع لجنيهنا امام الدور حتى يبلغ العشرين جنيهاوبعدها سيحدث انهيار بطيئ يحتسب بالقروش والملاليم ولم تصدق النبوءة في جزئها الاول فقد كان الانهيار بطيئاوظني ان الجزء الثاني منها سوف لن ىيتحقق اذ تدل الدلائل ان الانهيارات سوف تتوالى بوتائر اسرع خاصة اذا استجاب ترامب لاستفزاز الشير واقدم على تصرفات عقابية

[محمد اامكي ابراهيم]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة