الأخبار
أخبار إقليمية
عبد الرحيم حمدي: (الجماعة ديل بغشونا وما تسمعوا كلام الاستقرار الاقتصادي)
عبد الرحيم حمدي: (الجماعة ديل بغشونا وما تسمعوا كلام الاستقرار الاقتصادي)
عبد الرحيم حمدي: (الجماعة ديل بغشونا وما تسمعوا كلام الاستقرار الاقتصادي)


07-16-2017 12:13 PM
الخرطوم: سعاد الخضر

لوّح القيادي بالمؤتمر الوطني، وزير المالية الأسبق عبد الرحيم حمدي بإمكانية مغادرته للحزب، ووجه انتقادات للقطاع الاقتصادي بالحزب الحاكم لتمسكه بسياسة تقليل الاستهلاك.
وقال حمدي في منبر مركز طيبة برس أمس، (الجماعة ديل بغشونا والاقتصاد عملية عقلانية، وليست هناك خيارات)، وأضاف (ما تسمعوا كلام الاستقرار الاقتصادي)، واستهجن تمسك القيادات بذلك في أضابير السياسة، وشدد على ضرورة تغيير السياسات لضمان دخول اموال المستثمرين وخروج أرباحهم، ووصف الخيارات التي اختارتها وزارة المالية لسد العجز بالسيئة، ولفت الى اعتمادها على الضرائب غير المباشرة بنسبة كبيرة.
وفي رده على سؤال حول استفادة منسوبي النظام الحاكم من عمولات صفقات احتياجات البلاد بسبب الحصار، قال حمدي (نحتاج لتضحيات كبيرة كمؤسسات)، وتابع (والكومشنات هذا هو القطاع الذي سير البلاد)، وأردف (عملوها المضاربين وديل المشّو الإقتصاد).
وسخر وزير المالية الأسبق من الانتقادات التي تعرض لها بسبب هجومه على الحكومة باعتباره قيادي في الحزب الحاكم، وذكر (نحن نقول آراءنا داخل الدوائر الحكومية، ولولم يعجبهم ذلك يرفدونا)، وزاد (لو ما سمعوا كلامنا حنمشي)، وكشف عن عدم دعوته للمشاركة في الحوار الوطني، وقال (مافي زول اتذكرني في موضوع الحوار والحمد لله).

الجريدة


تعليقات 9 | إهداء 0 | زيارات 11611

التعليقات
#1671382 [ود الأسد]
1.94/5 (5 صوت)

07-17-2017 10:16 AM
انت ما كنت عراب اقتصاد الجبهة ودمرت الاقتصاد عامل فيها الان رايح بعد أن كنزت فلوس البلد .

فعلا الكلمة التي وراء ظهرك في الصورة hedging أو التحوط تعبر عن وضعك . فقد تحوطت كثيرا بجدارات صينية ضد أي تقلبات وما عندك أي مشكلة.

[ود الأسد]

#1671165 [alhor]
1.94/5 (5 صوت)

07-16-2017 11:00 PM
الشينة منكورة , السودان ليس لديه خبراء والا ماكان يتصدر الدول الفاشله

[alhor]

#1671082 [السودان الوطن الواحد]
1.86/5 (11 صوت)

07-16-2017 05:41 PM
وقال (مافي زول اتذكرني في موضوع الحوار والحمد لله).

خاتنك اسم بس ومستشار وقت الحاجة إليك / طيب أنت رجل اقتصادى بهذا الحجم وتعلم أن اقتصاد دولة يعامل معه كأنها شركة خاصة وعبارة عن مكاتب سماسرة ما تدخل السلعة إلا بأمرهم واستلام عمولاتهم ووزراة التجارة عايمة فى هذا الطفح الآسن .. إيه البخليك يا عبدالرحيم تستمر فى هذا الحزب؟

[السودان الوطن الواحد]

#1671079 [[email protected]]
1.85/5 (12 صوت)

07-16-2017 05:36 PM
ما دعوك لانك واحد من تاريخهم السيئ وعورتهم الوسخة

[[email protected]]

#1671063 [Mta Tahtadoon]
1.85/5 (11 صوت)

07-16-2017 04:54 PM
اللى يحيّر موش هو كلام حمدى(الجماعه ديل بيغشونا)لآكيين والله اللى فعلن يسغرب المخ هو انو ما فى زول(اقتصادى او زول الله ساكت ما ليهوش فى دنياالمال والاعمال )استفزاه "هكذا كلام" واثار حفيظته وتسبب فى ارتفاع ضغطو واحس باستحمار حمدى له وان الوزير السابق لا يزال وما ينفكّو يضحك على عقله مما يحفّزه ليسارع الى كتابة تعليق على ما طفح به لسان رئيس تحرير "الميثاق" وعرّاب اقتصاد الانقاذ!
هىّ حصّلت.. حمدى يا حماعه آخرتا يقول ليكم: "الجماعه ديل! بيغشّونا! ما تسمعو كلام الاستقرار الاقتصادى!" والله انه لآمر عجاب(ألا اذا قصر فهمنا عما قاله السيد "عبرحيم بن حمدى" او نتساءل "هل نحن جنّينا ام عقولنا نُصاح"
*اولا الحماعه ديل منووو؟.. تانيا بيغشونا! (نا) نحن منووو؟..وكمان ما تسمعو! هم منو المطلوب منهم ما يسمعو؟ تصورو!الى اى حد وصلت درجة الاستخفاف بعقولكم والضحك على دقنوكم يا من لم تكونوا لها من المُرسِلين مع تخفيف الشوارب!
* يا قوم اليس بينكم من رجل رشيد! هل وصل بكم حمدى الى هذا الحد من الاستخفاف وخرج اليكم فى ثياب الواعظين منبّها ومرشدا.. بالله "التنبيه" دا موش من علامات ومهام "الساعه" (سواءكانت ساعة يد او ساعة جِيب (كفعل امر بمعنى ادفع وانت صاغر او ساعة حائط) موش هو دا ذاتو حمدى اللى ضحك عليكم لما شاف "ريالتكم" سايله و قال ليكم ادخلوا معناالاسلام من جديد وذهب بكم الى التعامل بالريال "المجيدى" بدلا من جنيهكم ( اللى كان بيساوى 3 من الدلالير)!
*مصيبتكم يا ناس "يِعَزّو فيها" وكمان حقو ينهال على رؤوسكم التراب اللى كنتم بتلعبو فيه لما كنتو سّغااار ولا تزالون زى ما شافكم حمدى كِبِرتو بجهلكم..وعّمّال لسّ منتظرين امبيكى والحبيب رّمز يلقى ليهو طريقه يخارج بيها الحكومه من ورطتا اذا ربّها هداها! والآ حينزّل ليكم"السودان البديل" بعد ما تتوافقو على المهديه تلبية لنداء المخلّص.." او كما قال!

[Mta Tahtadoon]

#1671046 [Hassan]
1.91/5 (11 صوت)

07-16-2017 04:03 PM
بيغشونا في كلمة بيقولوها.

[Hassan]

#1671002 [متسكع]
1.85/5 (11 صوت)

07-16-2017 02:37 PM
انت اول من بدأ بتدمير الاقتصاد
بنظرياتك الفاشلة والان تتباكى
لقد اتضح بأن اقتصادي الجبهة
الاسلامية افشل من مروا على السودان
لماذ لانهم لم يهتموا لا بأنفسهم
نتيجة للطمع والسرقة يا لص

[متسكع]

#1670964 [Nubary]
1.93/5 (11 صوت)

07-16-2017 01:22 PM
من هم الجماعة ومن انتم؟؟؟؟؟؟؟؟

[Nubary]

#1670956 [صفرجت]
2.27/5 (9 صوت)

07-16-2017 01:06 PM
انت قول المزعلك عدم دعوتك لحوار الطرشان ما تحنك فى فى البيش ما يغشوكم وماف استقرار اقتصادي المواطن عااارف


اها انت فى بنك لرواد حقك فى عمله صعبه ولا ماف ولا قفلوا البلف منك عشان كدا بتعلي صوتك

[صفرجت]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة