الأخبار
أخبار إقليمية
إشراقة تتبرأ من تصريحات بلال وتتعهد بمحاسبته في المؤتمر العام
إشراقة تتبرأ من تصريحات بلال وتتعهد بمحاسبته في المؤتمر العام
إشراقة تتبرأ من تصريحات بلال وتتعهد بمحاسبته في المؤتمر العام


إعتبرت ما قام به أحمد بلال دعوة للفتنة،
07-17-2017 03:38 PM

تبرأت رئيس جناح الإصلاح بالحزب الاتحادي الديمقراطي إشراقة سيد محمود من تصريحات الأمين العام للحزب وزير الإعلام د. أحمد بلال، واعتبرتها دعوة للفتنة، قاطعة بأنها لا تمثل رأي الحزب، ملوحة بمحاسبة أحمد بلال من خلال المؤتمر العام المقبل.

وقالت إشراقة في بيان لها ت : إنها تعتبر ما قام به أحمد بلال دعوة للفتنة، وقالت: "تصريحاته لا تمثلنا، ولا تمثل رأي الحزب الاتحادي الديمقراطي، ولم تجتمع أيّ مؤسسات في الحزب لتأذن له بهذه التصريحات الخطيرة" ، مشيرة إلى أن مؤسسات الحزب مجمدة إلى حين قيام المؤتمر العام، وأضافت: "لو كانت مؤسسات الحزب منعقدة لفصل أحمد بلال من الحزب جزاءً عادلاً على ما ارتكبه في حق البلاد والحزب، وسيأتي المؤتمر العام للحزب ويحاسب بلال علي هذه التصريحات، ونحن باسم الحزب الاتحادي الديمقراطي نتبرأ من تصريحات بلال"

وأكدت إشراقة وقوفها مع وحدة الصف العربي، ودعم مبادرة رئيس الجمهورية المشير عمر حسن أحمد البشير، وأمير دولة الكويت الشيخ صباح الأحمد الجابر الصباح، لافتة إلى أن الحزب سيوفد وفداً شعبياً لزيارة الكويت، ومقابلة المجتمع المدني الكويتي لدعم المبادرة،

وشددت إشراقة على أن الحزب الاتحادي يقف محايداً في أمر سد النهضة، وخاصة أن السودان ليس وسيطاً وإنما طرف أساسي في القضية، مشيرة إلى أن الحزب رأيه معروف في مسألة حضارة السودان ودوره القيادي أفريقياً وعربياً.

الصيحة


تعليقات 29 | إهداء 0 | زيارات 12188

التعليقات
#1671944 [ahmed]
0.00/5 (0 صوت)

07-18-2017 11:59 AM
امرأة جهلولة ليس لها اي فقه سياسي والدكتور احمد بلال منتفع مأفون فلا خير فيها ولا فيه , كان الاجدر ان يهتمو بقضايا الوطن وبلاويه بدلاً عن الاجتهاد والاهتمام بي قضايا لاتعنينا كثيراً خصوصا في هذا الذمن البائس.

[ahmed]

#1671886 [Ahamazole]
0.00/5 (0 صوت)

07-18-2017 10:27 AM
هي يا عشراقة وين انتي ليك مدة ما بنتي

[Ahamazole]

#1671818 [ماسورة]
0.00/5 (0 صوت)

07-18-2017 09:02 AM
اشراقة مالا زعلانة قدر دا !!
مالك يا ام جدوم؟.
يعنى نقد قناة الجزيرة
اصبح فتنة وتصريحات خطيرة !

(الحزب سيوفد وفداً شعبياً لزيارة الكويت)
وآو فكرة حلوة والله يا اشراقة
ومنها تغيرى اثاث البيت وتزورى بت خالتك شيرين

(ولوكانت مؤسسات الحزب منعقدة لفصل أحمد بلال من الحزب جزاءً عادلاً على ما ارتكبه في حق البلاد والحزب)
ما مشكلة يا اشراقة يختى على مهلك .. الدنيا طايرة؟!
بعد ما ترجعوا من الكويت اعقدو المؤسسات
وما تنسي تكلمى وداد تكلم عمر عشان يطردو من الوزارة
ونشوف مرتو الجديدة السمحة المتفلهمة دى ح تسوى شنو ؟

وأكدت إشراقة وقوفها مع وحدة
(الصف العربي)
ونحنا نأكد للحزب وقوفنا فى (صف العيش)
لغاية ما ترجع شوشو بالسلامة.

[ماسورة]

ردود على ماسورة
Netherlands [الداندورمي .] 07-19-2017 11:52 AM
ههههههه جضوم وخشم زي الزرديه
الرشاقه الكتلت إ شراقه .


#1671764 [ABULRAHIM]
0.00/5 (0 صوت)

07-18-2017 07:23 AM
نصحيتي ليكي يا شوشوا اتركي بلال دا ما بتقدري عليهوا لانك بصراحة ما بتغلبيهو دا جاهز للانبطاح والانبراش والتكسير وما في زول يقدر يغلبوا الا اصحاب الضمائر الميتة والرمم

ان بقيتي بتقدري على جنس دا يلا انبرشي ؟ومحل رقيقي تنقطع ..

[ABULRAHIM]

#1671755 [Aola Taha]
0.00/5 (0 صوت)

07-18-2017 05:49 AM
بتلمع دايره ليها كرسي وزاري وشكله عينها علي كرسي بلال اصلا ايام كني ارتحنا من وشها شنو جابه تاني المنافقه

[Aola Taha]

#1671737 [ABDALLA MOHAMED]
0.00/5 (0 صوت)

07-18-2017 02:54 AM
ههه قالت ستقوم بارسال وفد للكويت هو حزبك ده بلاكي انتي و احمد بلال تاني فيه منو؟؟؟ حزب من غير شعبية او ثقل بس كسري التلج عشان تلقي ليكي كرسي في الحكومة

[ABDALLA MOHAMED]

#1671726 [A]
0.00/5 (0 صوت)

07-18-2017 12:41 AM
يا حكامة الجنجويد إنت من الإتحاديين تبع مصر وللا سوريا ؟

[A]

#1671693 [koku]
1.94/5 (6 صوت)

07-17-2017 10:43 PM
كيف حزب سياسي يكون محايد في قضية هامة كسد النهضة لما له من كبير الأثر على حياة المواطنين ولا الأحزاب اصبح دورها كراسي حكم وأكل مال السحت ..!!!!؟؟؟؟

[koku]

#1671634 [والله المستعان]
1.94/5 (5 صوت)

07-17-2017 07:50 PM
مشيتي صبغتي شعرك وبقيتي تكسر في التلج ؟ والله بلال ما يخليها ليكي ولا بمرق من الحكومة دي تاني حتى لو شغلوهو نائب برلماني او مساعد حلة..

والله تشوفها عمى تاني يا شوشو؟ خلاص قطارو عدا يا ناس .. العبي غيرها لانو كتارين التلج بقوا اكثر من التلج وبعد الاربعة وسبعين وزير وستمائة نائب ديل تاني المركب ما بتشيل اكثر من الشالتوا والناس المنتظرين الميري كتار بعد دا امشي اتمرغي في ترابو على رأي المثل (إن فاتك الميري امش اتمرغ في ترابوا) دا لو اصلا لقيتي باقي تراب.

ما شفت ادريس جميل وزير العدل ترك قطر والسعودية وجاي جاري لمجرد مكالمة من صاحبه وابن قبيلته مساعد رئيس الجمهورية ابراهيم محمود ؟

[والله المستعان]

#1671628 [محمد الفاتح]
1.94/5 (6 صوت)

07-17-2017 07:30 PM
مافى فرق بينكم كلكم منتفعين وانتهازيين

[محمد الفاتح]

#1671618 [خواجة]
1.94/5 (5 صوت)

07-17-2017 07:06 PM
خليك فيفا.

[خواجة]

#1671581 [الحولات]
2.07/5 (5 صوت)

07-17-2017 05:37 PM
هو الحولات يا شرقرق شوية في البلد ...لكن الله اخليك انتي يالراسية الراجل جنوب بتطيرو ولو جاها هامد دفره بتقومو ..

[الحولات]

#1671573 [carkapa]
1.94/5 (5 صوت)

07-17-2017 05:22 PM
دايرةةتمخقي عشان تركب كرسي وزارة التعتيم والكضب وتبييض وجة الكيزان الكالح انتي وهو وكل من متمخق في الكيزان انتهازي عدو للشعب

[carkapa]

#1671547 [abdalla]
1.47/5 (6 صوت)

07-17-2017 04:39 PM
الصيد في الماء العكر

[abdalla]

ردود على abdalla
Malaysia [موسى] 07-17-2017 06:12 PM
والله سبقتني فيها يا عبد الله ، لأن ما في شيء نقوله غير هذه الجملة الأدق تعبيراً


#1671545 [كديس افريقيا]
3.75/5 (3 صوت)

07-17-2017 04:29 PM
ايوه كده يا شوشو
دوري الكراكه ووريو دق المفراكه

[كديس افريقيا]

ردود على كديس افريقيا
Saudi Arabia [الشفت] 07-18-2017 11:16 AM
ههههههههههههههه


#1671539 [lgn psk]
1.94/5 (5 صوت)

07-17-2017 04:08 PM
بالغتى

[lgn psk]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة