الأخبار
منوعات
أنا فنانة وإنسانة غير عادية ..!!..ندى القلعة : مابتحكم في الأسعار و ما بفرض إسمى على التجار ..!
أنا فنانة وإنسانة غير عادية ..!!..ندى القلعة : مابتحكم في الأسعار و ما بفرض إسمى على التجار ..!
أنا فنانة وإنسانة غير عادية ..!!..ندى القلعة : مابتحكم في الأسعار و ما بفرض إسمى على التجار ..!


10-31-2011 07:39 AM
نفت الفنانة ندى القلعة أن تكون سبباً في غلاء الأسعار كما أتهمها بذلك أحد أئمة المساجد أثناء خطبته في صلاة الجمعة في الايام الفائتة.
ودافعت ندى في حديثها عن نفسها قائلة لاذنب لي أن قام معجبي فني باطلاق اسمي على بعض البضائع ,مشيرة إلى أنها لاتتحكم في الأسعار ولا تفرضها على التجار , مضيفة أما فيما يختص بارتدائي للازياء باهظة الثمن فهذا يعود لأننى فنانة وإنسانة غير عادية فأنا أظهر لكل الشعوب وليس شعبي فقط الشىء الذى يفرض على الاهتمام بمظهري و ارتدائي هندام يليق بمكانتي لأننى ملك للناس ولست ملكاً لنفسي.
الجدير بالذكر أن أحد أئمة المساجد شن هجوماً عنيفاً على الفنانة ندى القلعة متهماً إياها بأنها السبب المباشر في غلاء بعض السلع بالأسواق من البضاعة التى حملت أسمها .
من جهة أخرى كشفت ندى القلعة عن السبب الذي دفعها لافتتاح صالون تجميل للسيدات قائله إبان تواجدى فى أى مكان عام او أثناء إحيائي لحفلاتي دائماً ما أقابل بالأسئلة منقبل معجباتى متسائلات عن أشكال الحنة التى اقوم برسمها و (الميك آب) الذى أضعه حتى الاكسسوارات وكل ذلك قمت بفتح صالون تجميل خاص بالسيدات يقدم خدمات متكاملة لمعجباتى , مضيفة أن الغرض الاساسي ليس تجارياً بقدر ماهو تلبية لطلبات جمهورها من النساء لعشقهن لاشكال الحنة و الميك آب الخاص بي.



صحيفة فنون


تعليقات 18 | إهداء 0 | زيارات 15003


التعليقات
#234773 [لا وردي]
3.00/5 (1 صوت)

11-02-2011 06:55 AM
ندوية اخر أبهة حنة و موضة و تياب زينة النسوان ليييييييي حدهن ، ما تشتغلي بالشائعات بس عليك الله و طلعي لينا اغاني منها القيمة . اصلو الزول بيثبت وجودو بي المادة البيقدما ....أكيد التياب و الحنة و الزي منه مهمين بس ياخ كمان مواضيع الغناء زاتا محتاجة تركيز كدا و مخمخة يعني مثلا تعملي مسابقة لي احسن شاعر اغاني نسوان و البيفوز ياخد نصيبو الأدبي و المادي و كل سنة تعملي مسابقة زي دي بدل المشاكل العاملاها لينا مع هيثم و غيرو و زاتك ترتاحي من الكوفير الليلة شغلو تعبان وبكرة منتعش و هكذا . ركزي في المهم و ذي ما قال المعجب سكتي الخشامة و أنزلي في العوازل كي


#234671 [أبو قتيبة ]
4.19/5 (5 صوت)

11-01-2011 10:20 PM
الحق ما عليها الحق علي الحكومة (عاملة برنامج للمغنيين والمغنيات الفاشلين والفاشلات) .. طالما عندهم مساحة اذن بتكلموا حتى النهاية .. قال ندى .. ندى شنو واقتصاد شنو هو في اقتصاد.. هي عارفة حاجة غير مكياجها الفاضح .. اللهم استر العازة ..


#234603 [معجب]
0.00/5 (0 صوت)

11-01-2011 07:59 PM
جننني ياخي العيون عيون ندوية هم اساس الريد والفنون . اقدلي وسكتي الخشامة وانزلي في العوازل كي .


#234506 [عثمان عمر الطيب]
0.00/5 (0 صوت)

11-01-2011 04:48 PM
عسولة يا ندوية


#234046 [عصمتووف]
0.00/5 (0 صوت)

10-31-2011 10:23 PM

والله يا ندويه الككوكيه تضحكي الغنمايه هويا هويا انت يا فنانات العدس وبكره لوبا وام جقوقه حيرتونا


الله يرحمكن يعائشه موسي وفاطمه الحاج ومني الخير فنانات علي سن ورمح لا فيهن شق لا طق

انسانه غير عاديه زعمت يا تري كم شيدي من مشافي او مدارس قولي شفخانه سااااااااااي تهجرن للشريف ما قلتن ليه تعال زورنا واستثمر قروشك دي في بلدنا لو كاااااان بعزكن لكن بحبكن في شينو علي قول السناجك



العيب في الصحف الصفراءءءء التابلويد وهي معروفه لديكم وكيل فنان بجيله وجيله........................................................ والسلام


#234043 [سوما]
4.00/5 (1 صوت)

10-31-2011 10:13 PM
إقتباس (( لأننى فنانة وإنسانة غير عادية فأنا أظهر لكل الشعوب وليس شعبي فقط )). لا حول ولا قوة الا بالله..عليك الله شوف جنس المصائب دي..شوف زي الخلق دي بتقول في شنو...ما عارف اعلق اقول شنو آخير الواحد اسكت عشان ما افتق مصرانو ولا فشفاشو في الفارغ..ربي هون علينا ولا تبتلينا بامثال هؤلاء ;( ;(


#233950 [زول]
1.00/5 (1 صوت)

10-31-2011 07:37 PM
ياريت نقتنع نحن شعب فارق وهايف ياخ لاامام نافع ولاصايع نافع لافن صالح لعنة الله عليكم غطستو حال البلد والدين والفن


#233929 [اوطان]
0.00/5 (0 صوت)

10-31-2011 06:48 PM
الزوله صدقت هى سبب الازمة الاقتصاديه فى السودان وجابت ليها مبررات لتتبرأ من ذلك , يخرب بيتك وبيت الامام الذى لشى فى نفسه جاب سيرتك وبيت صحيفة فنون العملت ليك شنه ورنه وجات تسألك من الموضوع دهز
وهى القرايه لقتها وين اذا ماسكه فى يدها سكين وعايزه تقطع الورق عشان تعمل ليها شكل حنه,
جنس هباله وعواره فى السودان


#233848 [ابراهيم سماوى]
0.00/5 (0 صوت)

10-31-2011 04:09 PM
إقتباس (( لأننى فنانة وإنسانة غير عادية فأنا أظهر لكل الشعوب وليس شعبي فقط الشىء الذى يفرض على الاهتمام بمظهري و ارتدائي هندام يليق بمكانتي لأننى ملك للناس ولست ملكاً لنفسي)).
ما عادية!!! يعنى سوبرومن. مثلا .....شعوب مين يا ولية
شفتو محن السودان وصلت وين
مين الحفظك الكلمتين دول
صحى انتى بتعرفى تقرى


#233844 [ameer]
0.00/5 (0 صوت)

10-31-2011 04:01 PM
تاني مرة ( ندي القلعة يامبتذله )


#233840 [ود ابشر]
0.00/5 (0 صوت)

10-31-2011 03:46 PM
والله منهى الجهل من المدعوة ندى القلعة اقلعها الله من الدنيا ومنتهى عدم الموضوعية من امام الجامع يااخى كان تهاجم لينا الغلاء. الفساد. الاختلاط, الدماء المباحة في دارفور وج كردفان والنيل الازرق والرئيس الراقص و ........
حكاية والله


#233818 [توردمس]
0.00/5 (0 صوت)

10-31-2011 03:03 PM
مرض يمرض السودان الفية ناس ذى ديل غفير المسجد والطقاقة صدقت الوهم والمغفل التانى عمل ليها دعاية


#233748 [SHASHE]
3.00/5 (1 صوت)

10-31-2011 01:22 PM
عسل والله يا ندى


#233721 [معجب]
0.00/5 (0 صوت)

10-31-2011 12:50 PM
كان من باب أولى لهذا الامام توجيه هجومه واتهاماته للحكومة وللنظام بدلا من توجيه

النقد لفنانة __

ولو حضرته يرى أن سبب غلاء الاسعار (ندى القلعة ) تبقى مصيبة

ومفروض يستدعوه ويجلدوه اربعين جلدة لجهله وقذفه للفنانة المحبوبة ندى القلعة

اما شراء الثياب الغالية فههو من حقها لتظهربالمظهر المشرف __ مالكيزان بيشتروا

اغلى الثياب والشالات والعمم __ ماتهاجمهم ياحضرة الامام __

فعلا ندوية ملك عام لكل الناس __ وموت بغيظك انت والعينوك امام____


#233699 [ابو محمد السعودية]
0.00/5 (0 صوت)

10-31-2011 12:32 PM
والله با ندوية حكايتك حكاية تفتحي في الصالونات وتعملي في المكياج والميك اب للمعجبين انت ماهاميك راجلك يعني والشعب السوداني يريد اسقاط النظام ما هو دورك يا فنانة الرؤساء الافارقة خلينا من الوهم بتاعك دا واستغفري لذنبك انه كان غفارا وناسية انو في موت
ندى انت بتعرفي تقري


#233631 [أبوأمين]
0.00/5 (0 صوت)

10-31-2011 11:20 AM
والله ياأنصار السنة فضحتونا مع الجكس.


#233620 [أبوأيمن]
0.00/5 (0 صوت)

10-31-2011 11:07 AM
الناس في شنو .. والحسانية في شنو ؟؟؟؟؟ الله المستعان وحسبي الله ونعم الوكيل


#233592 [k]
0.00/5 (0 صوت)

10-31-2011 10:19 AM
فراغ عجيب العالم مولع نار كثير من النسوة العربيات صرن ارامل وثكالى وانت ومعجباتك تتكلمن عن الحنة والميك اب ......يااااااأمة ضحكت من جهلها الامم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
7.88/10 (15 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة