الأخبار
مختارات من ارشيف مكتبة الأخبار
شاهد الفيديو - مهزلة نافع على نافع بجامعة الخرطوم
شاهد الفيديو - مهزلة نافع على نافع بجامعة الخرطوم
شاهد الفيديو - مهزلة نافع على نافع بجامعة الخرطوم


12-12-2011 08:34 PM
في لقاء اقامه التيار الاسلامي التنظيم التابع لحزب البشير - بجامعة الخرطوم خاطبه د.نافع على نافع ، اتيحت فرصة للمهندس محمد حسن ، فشن هجوما عنيفا على نافع وقال له أنت مقتنع في داخلك بأنك أسوأ من وطأت قدماه الثرى وأكثر من ضيع الحقوق في هذا البلد ،ووجه تحية للشهيد محمد عبد السلام ..وأنهى حديثه الملتهب متسائلاً "بلد بتديروها انتو ح تكون محترمة ؟

شاهد الفيديو :

http://www.alrakoba.net/videos-action-show-id-902.htm


تعليقات 98 | إهداء 37 | زيارات 74225


صفحة 1 من 212>
التعليقات
#268496 [ulv]
4.00/5 (2 صوت)

01-04-2012 03:26 PM
انا للة وانا الية راجعون حسبنا اللة ونعم الوكيل


#261943 [صديق]
4.00/5 (1 صوت)

12-24-2011 07:00 PM
ياليت لو كان الكلام في الحكومة ما لها وما عليها وفي ادارتها للبد


#257288 [Fat7y Alja3ly]
5.00/5 (1 صوت)

12-16-2011 12:08 AM
Human rights organization and united nation should check the safety of this man everyday ..because he will be killed by national congress party members


#257192 [forsudan]
0.00/5 (0 صوت)

12-15-2011 07:06 PM
http://www.facebook.com/pages/ظƒظ„ظ†ط§-ط§ظ„ظ…ظ†ط§ط¶ظ„-ظ…ط*ظ…ط¯-ط*ط³ظ†-ط¹ط§ظ„ظ…-ط¨ظˆط´ظ‰-/244813095585390?ref=ts



صفحة للتواصل المباشر مع الشاب البطل محمد حسن عالم شريف صاحب الفيديو على الفيس بوك


#257147 [saida]
4.00/5 (1 صوت)

12-15-2011 05:06 PM
طبعا ما متزوج بدليل العطالة لبتجي اوظيفاشالله ونشوف زواجك
تحية وسلام
واية اقول ليك هو اج فعلا ما قصر في الي بيعمل فيهو ايو ممنت تهاجم لاكين مااا قدر دة


#257103 [جعفر عبدالكريم ]
1.00/5 (2 صوت)

12-15-2011 03:15 PM
الدكتور نافع اشجع سياسي موجود الان لانه لايخشي تطاول الصغار ، من هو السياسي الذي يستطيع لقاء معارضيه علي الهواء غير نافع وهو رد علي الشاب المذكور فماكان من الحضور الا التصفيق للحجة والبرهان التي رد بها الدكتور نافع . وهكذا هي الديمقراطية التي لايعرفها الكثير من الغوغاء .


ردود على جعفر عبدالكريم
Saudi Arabia [abusafarouq] 12-15-2011 07:44 PM
عفوا أبو العفين لو سمحت دكتور ده عندك براك وبعدين فعلا هو أسوء سياسى ورجل وطأ أرض السودان دى حقيقة لاينكره إلا مكابر مثلك وكلمة دكتور صاحبه محترم شهادته العلمية مقدر لكن أبو العفين الاسم الصحيح فى هذا الرجل اللئيم فى كل ألفاظه تجاه شعبه . ده لوكان عندو شعب وهو موظف فى حكومة الشعب والتعالى على مين على أسياد نعمته هم الشعب ما يلفظ من قول إلا شتم وكلمات نابية
وإستخفاف بالجماهير المعارضة إنتظر وشوف مايلقى جحر ضب يندس فيه والعملو فى المعارضين هو عارف جيدا من تعذيب وقتل وتشريد للعقول وحتى الان يمارس تلك المهنة القذرة
والطوفان جاى ما تستعجلو عامل وقت ليس إلا ...


#257078 [عبدالواحد00 ]
2.00/5 (1 صوت)

12-15-2011 02:34 PM
(بص00شوف00المهندسين00بيعملوا آيه يا عثمان ميرغنى!!)00مش نوع كلامك المابيسوى الحبر البتكتب بيه كلامك ((المدغمس)) 00المهم00 هسع المهندس الجد00جد/المصير الآل ليه شنو؟!! ما ظنيتوا رجع لاولاده بكرعينو!!البعرف عنه حاجة يطمنا وإذا لا قدر الله حصل ليه مكروه وهذا هو الارجح فى ظل نظام يرتجف فزعا أرجو إفادتنا لكى نجهز له تمثال ليؤمه ثوار العالم العربى والاسلامى ولنضع على صدر التمثال لوحه تكتب فيه كلماته الشجاعة الصادقة التى اتمنى أن تكون البداية لكلمات أشد قسوة يجب تأتى و تقال فى وجه كل سلطان جائر !!وسوف نعد الميادين لوضع التماثيل وحتى لو إتملاءت على سعتها0


#257077 [نيو لوك ]
0.00/5 (0 صوت)

12-15-2011 02:28 PM
سو ف تندلع الثوره من ولا يه النيل الا بيض بقيا ه النزير طا ل الا ما المهدى علو م حا سوب والمناضل محمد على الشيهير بنيولوك


#256991 [معتصم]
0.00/5 (0 صوت)

12-15-2011 12:18 PM
يارشيد صفنى كما تشاء لكن اعلم انك من معك خاماكم الفرحة ونشوة الموقف لكن اسالوا قيادات احزابكم التى تنتمون اليها خلوها تحلل ليكم الموقف دا من منظور سياسى تلقوا الكسبان فى النهاية هو نافع وحزبه مش انتوا حتلقوه مرسل ليكم رساله لم تفهموها فى وقتها ولن يفهما الا صاحب بصيره وحكمة سياسية ههههههه


ردود على معتصم
Saudi Arabia [الفاروق] 12-15-2011 08:06 PM
ولن يفهما الا صاحب بصيره




يا ربي بصيرة ام حمد حقت الكيزان !!!!


#256968 [السودان الفضل]
0.00/5 (0 صوت)

12-15-2011 12:02 PM
لقد أعطيتنا درس في الشجاعة ياباش مهندس لا فض الله فوك وسلمت يارجل والرجال قلائل


#256954 [yagoub]
0.00/5 (0 صوت)

12-15-2011 11:43 AM
الكلام وراء كلام بلا نتيجة والسودان فى كل ثانية زهيب الى الهاوية ونحن فقط اصبحنا رجال الكلام حد ما فعلينا الانتظار الثورة النسائية الى متى ستبدا وتدوم لنا الحرية


#256868 [حزين جداً ]
0.00/5 (0 صوت)

12-15-2011 09:26 AM

يا أولاد أمي ... الراجل أبو إضنين كبار دا .... بقي يحنني .... كر علي !!!!؟؟


#256683 [Saleh]
1.00/5 (1 صوت)

12-14-2011 10:30 PM
الجامعة جامعة حرة و نافع يطلع برة
الجامعة جامعة حرة و نافع يطلع برة
الجامعة جامعة حرة و نافع يطلع برة
الجامعة جامعة حرة و نافع يطلع برة


#256675 [basuma]
0.00/5 (0 صوت)

12-14-2011 10:09 PM
ياسيدى محمد حسن عالم .. ظننت ان الرجال ماتو فى كررى وهؤلاء حاملى الاقلام ليس لديهم السنه يعملون فى وضع صامت وانا مثلهم حتى اتيت واتى معك كل ماهوجميل فانت رجل بن رجل ووالدتك ادعو الله ان اكون مثلها فهى نعم المربيه ..حفظك الله يا اخي ودمت لنا وللوطن.


#256633 [Tarig Abdallah]
0.00/5 (0 صوت)

12-14-2011 08:32 PM
افضل الجهاد كلمة حق عند سلطان جائر 0 نريد نترجم هذه الاقوال الى ثورة حقيقيه فيها تصحيح شامل لمشاكل السودان والنهوض به وازاحة حكومة البشير والمعارضه التقليدية المنتفعه 000


#256618 [zizoo]
0.00/5 (0 صوت)

12-14-2011 08:15 PM
و الله أنت بطل و شجاع ربنا يحفظك لينا لما بعد قيامه هذه الفئه الظالمه و أظنها قررررربت قيامتهم تقوم باذن الله


#256507 [ali alfred]
0.00/5 (0 صوت)

12-14-2011 04:50 PM
يسلم فمك يا استاذمحمد حسن. واستثمر الدين أبشع استغلال وجيـّر، وأولت كل نصوصه وتراثه فيما يخدم الكهنوت الحاكم وليس الصالح العام والشارع العريض. كلها شعارات وعناوين رنانة تجدها فى صفحات الجرائد أما فى الواقع فكل الثروة الوطنية تتركز بيد فئة ضيقة جداً تصرفها وتنفقها بدون الرجوع إلى أية بنود قانونية إذ لا يوجد برامج إنفاقية وطنية،مدن العسس واللصوص وال****اءات واللحى التي تخفي وراءها كل إجرام البشرية،ترفع رايات التوحيد عالياً، جنباً إلى جنب مع رايات الدولار والعم سام، وتتغنى بنعمة الإسلام،الوساخات والقباحة والوجوه المتجهمة والعابسة والمكشرة، والعياذ بالله، والتحريم والزجر والمنع والتشاؤم والحزن والسواد, المحسوبيه والدعاره وقتل المعارضيين والفساد المتفشي في السودان,والإبادة الجماعية.
كما لا يمكن لأي قاتل ومستبيح ومحلل لدماء النس، وتحت أي تبرير وحجة، أن يكون حضارياًوحامل مشعل حضارة ومؤمن بحق وقدسية الحياة، بل همجياً ومتوحشاً وسادياً مدمراً ولن أن نحصي ما تحمله ثقافتهم من ترويج وعشق للموت واحتقار للحياة والروح والإنسان. إذ كيف لمن يستسهل ويسترخص حياة ودماء الآخرين، أن يدعي بأنه حضاري؟ ألا نرى لليوم كيف يصدرون وبمنتهى السهولة والاستسهال فتاوى الموت والت******** والتأثيم والتخوين ذات اليمين وذات الشمال ، وكيف يحتقرون ويزدرون كل آخر محتلف، ومن دون استثناء


#256429 [mowatin nazeeef]
0.00/5 (0 صوت)

12-14-2011 02:41 PM
انتو يا جمااعة الكتل الطالب محمد عبد السلام منو ؟؟؟ و هسى معتمد دا ؟؟؟؟؟ افضحوهم انشروهم ولى زمن الهزايم الانترنت هسى بتورى كل شى .... قولو لينا منو عليكم الله لانو فتشنا بى قوقل و لقينا انو فعلا هو هسى معتمد و عرفوهو لانو الكان جاريهو هو مؤتمرجى اعرج .... عشان كدا عرفوهو .. العارف اسمو ينزلو لينا باللهى ... الكتل طالب عشان مرتبة فى سكن الطلاب

عار عار عار عليكم يا الكيزااان .


#256422 [محمد ]
0.00/5 (0 صوت)

12-14-2011 02:35 PM
المهندس الغالي : محمد الحسن
عايز اقول ليك كلمتين بس :

انت ارجل سوانى وزى مابقولوا تسلم البطن الجابتك


#256419 [الشمالي]
0.00/5 (0 صوت)

12-14-2011 02:28 PM
محمد الحسن عالم عرفته جسورا لا يخشي لومة لائم في قول الحق وهو من أبناء دلقو المحس ويقطن المايوما محطة عشرين .لقد أصبحت رمزا لهذا الشعب الصابر.لك كل التقدير


#256396 [AZHARI]
0.00/5 (0 صوت)

12-14-2011 01:50 PM
التحية لمن خاض المخاطر وضحي بشبابه من أجل شعبه و كلمة حق أمام رجل جاير ترك تعليم الاجيال من أجل أن يتعلم كيف يعذب شعبه باحضار تكنولوجيا تعذيب خلق الله من دولة إيران الشيعية بدلاً من تكنولوجيا تطوير الزراعة التي تعلمها . فيا شعب المهندس محمد ما تونس ومصر وليبيا عنكم ببعيد ونحن من أزال الطقاة من عهد الاستقلال ونحن من ناضلنا في اكتوبر وابريل وقبلها الاستقلال فلا يمكن أن يغلبنا شرزمة متهافته في بيع السودان وتقسيمة وزواج النساء والرقص والطرب على جثث شعبهم . الى الامام وإن ينصركم الله فلا غالب لكم ;(


#256348 [عبده]
0.00/5 (0 صوت)

12-14-2011 12:54 PM
عفارم...والله رجال.


#256194 [ali]
0.00/5 (0 صوت)

12-14-2011 09:51 AM
؛رساله للشعب السوداني البطل ؛؛
صباح الخير ياشباب يازينين ليكم التحيه والود ؛؛ حقيقه انا شاكر كل الوقفو معاي وشجعوني بالاتصال المباشر او برساله اوعبر الفيس اوعن طريق التعليق علي الفيديو في المنتديات ؛ بالجد انا عاجز عن شكركم ؛ ووالله وقفتكم جنبي دي تاج علي راسي واكيد حتكون لي دفعه لي قدام ودافع لمزيد من النضال بجانب كل الشعب السوداني صفا واحدا من اجل اسقاط نظام الجوع والفقر والمرض ؛؛
اخيرا انا شايف انو في بعض الناس بقولو الزول ده في السجن وله بكون اتقتل ؛ عايز اطمئنكم واقول ليكم انا نصييييح وماعندي اي عوجه ؛ لأنو اكيد زول وراهو ناس زيكم مافي زول بقدر يمس شعره منو؛؛

وتقبلو خالص تقديري وودي ؛؛
محمد حسن
(بوشي)


ردود على ali
Saudi Arabia [قرفان خالص] 12-14-2011 09:25 PM

تحية وتعظيم سلااااااااااااااام للمناضل بوشي بيننا في الراكوبة ..
قف..
شعب الراكوبة وشرفاء بلادي جميعهم معك ..
لن يمسك سوء وانت من تحدثت نيابة عن كل المقورين والمظلومين في بلادنا .. في كل شبر من اشبار ما تبقى من الوطن الغالي في الجنينة وفي الفولة وفي الضعين وفي جبل مرة وفي الدلنج ورشاد وابو جبيهة وفي الدمازين وباو وسنجة وفي القضارف وكسلا وسنكات وفي مدني ورفاعة وبري وبحري ودامر المجذوب وفي مروي وابو حمد وكرمة وكريمة وفي حلفا ج وش وعبري ..
سر وعين الله وعين الشعب ترعاك..
انتظر نجاح ثورتنا لنكرمك التكريم اللائق بامثالك من الابطال والشجعان..


#256176 [abusafarouq]
0.00/5 (0 صوت)

12-14-2011 09:29 AM
تبا لك يانافع تبا لك يانافع تبا لك يانافع تبالك يانافع
ثم تبا لك ينانافع


ردود على abusafarouq
Sudan [الضي الضي] 12-14-2011 04:46 PM
شي عجيب مافي كلام


#256053 [القلم الحاد]
0.00/5 (0 صوت)

12-14-2011 03:15 AM
قال صلى الله عليه وسلم : ( أفضل الجهاد كلمة حق عند سلطان جائر ) ولا أراك إلا سليل فوارس ولسان حالك نذير صدق ...قد نصحت لقومي بمنعرج اللوى ** فلم يستبينوا النصح إلا ضحى الغد ..... لقد قلت فيه أصالة عن نفسه ووكالة عن الخمسة قولاً بلييغاً لو يفقهون ويفهمون ... لقد سطعت شموس الحرية من حولهم ... فتهاوت عروش التسلط والقهر ... وانداحت الحرية تجري سلسبيلا وارتفعت مزن الكرامة تظلل الجيران ولكنهم يرون ذلك اليوم بعيداً ... وإن شاء الله نراه قريباً ... هؤلاء حيروا مفكرينا وأدباءنا وصدق فيهم الطيب صالح : ( من أين أتى هؤلاء؟) . كل شعاراتهم التي رفعوها لم يفشلوا في تحقيقها وحسب بل حققوا نقيضها تماماً ... رفعوا شعار الفضيلة فرتعت الرذيلة كل مرتع .... رفعوا شعار الصلاح ... فاستشرى الفساد في كل شبر ... رفعوا شعار التعليم ... فعربد الجهل والتجهيل في سوحنا ..رفعوا شعار الصحة للجميع ... فلبس الفقراء وشاح المرض ... وهل من غني في السودان غيرهم ....حتى الرياضة تلقفت أفواههم وجيوبهم ريع مدينتها لتظل شاهدة على فسادهم وأطلالها شامخة شموخ الشهود العدول على خراب الذمم... رفعوا شعار الإقتصاد والنماء ...فرزح البلد في التردي المشهود .... قالوا أتينا لإنقاذ الجنيه في مواجهة الدولار فقد بلغ الدولار 17 جنيهاً ... فتردوا وتردى جنيههم معهم حتى تحزم الدولار الواحد بأربعة آلاف وخمسمائة جنيه .... رفعوا شعار التآخي فأنجبوا لنا القبلية المقيتة .... رفعوا شعار التراحم فكانت قلوبهم كالحجارة بل هي أشد قسوة .... رفعوا شعار وحدة السودان ففتتوه وشرذموه .... رفعوا شعار الديمقراطية ... ولكنهم أحالوها بيوتاً وأوكاراً للأشباح ....لقد صدعت بالحق فهل منهم من يبصر أو يلقى السمع وهو شهيد ؟ لقد أسمعت لو ناديت حياً ** ولكن لا حياة لمن تنادي ....ولو ناراً نفخت فيها أضاءت ولكنك تنفخ في رماد ... هؤلاء لا يحسون فجلودهم تخينة كجلود التماسيح وهم كذلك ... رفعوا شعار العلاقات الدولية ... فوجدنا بلدنا منكمشاً على نفسه ... ورأسهم لا يستطيع أن يطل برأسه إلا مسافة تقدر بامتداد ظله ... يلف حولها ويدور ... شطبوا بيوت المال العالمية شطبوا منظمات التربية والثقافة والعلوم والفاو والصحة العالمية شطبوا ... مؤتمرات القمم الكبرى وهل يجرؤ مطلوب على حضورها ... شطبوا التعاون الدولي لننزوي في علاقاتنا مع دول تعد على أصابع اليد ... ولكن يبقى الرجال ويبقى الأمل الوثاب ... فإذا الشعب يوماً أراد الحياة فلا بد أن يستجيب القدر ولابد لليل أن ينجلي ولابد للقيد أن ينكسر .. مصداقاً لقوله تعالى في سورة الرعد ;( إن الله لا يغير ما بقوم حتى يغيروا ما بأنفسهم ) ... وتلك شرارة قدحت من هذا الجريء ... فهل يفهمون ؟؟ أم ينتظرون ذلك اليوم الذي ينطقون فيه بمثل ما نطق به نظيرهم (دابا فهمتكم !!) ولله في خلقه شئون !!!!!!!! .


#256041 [محمد حسن احمد]
0.00/5 (0 صوت)

12-14-2011 01:13 AM
والله ورب الكعبة إن كان هناك رجل واحد في السودان فهو أنت والله الواحد مهما كتب وسطر من الكلمات والتعابير فإنه يعجز عن إيفائك حقك ووصفك الذي تستحقه في هذا الزمن الذي فقد فيه جل شباب السودان نخوة الرجولة وصاروا مجرد أبواق لترديد أحاديث هذا الحمار وغيره من حيوانات الوثني
والله لقد أعدت لنا الأمل الذي أغتاله بلة ورفاقه من شباب رفع الأصبع أعدت لنا الأمل الذي بدده أولاد السيدين إننا مطمئنون على ماتبقى من الوطن طالما أنه ينعم بك وبأمثالك من الشباب الشرفاء الذين تصدوا أيضاً بالأمس لأحد كلاب الوثني في عقر دار أحد مساعدي الحلة الجدد
ربنا يوفقك في الدنيا والآخرة ويسدد خطاك على طريق الحق ويمتعك بالصحة والعافية


#256017 [ياسر]
5.00/5 (1 صوت)

12-13-2011 11:56 PM
ياجماعة محمد نافع كاتب في صفحته في الفيس بوك انه الكلام ده دبلجة وماحصل ههههههههههههههه الفاشل تبرريه زي هندسته


#256015 [النورس]
0.00/5 (0 صوت)

12-13-2011 11:55 PM
انك تسمع اذ ناديت حيا ولكن لاحياة لمن تنادي .. هذا الحقير ختم الله على قلبه فلا يعي انه احقر عند الشعب السوداني من كعوب نعالهم .. وعشت يا باشمهندس انت فخر لهذا الوطن الجريح


#256010 [روجا]
0.00/5 (0 صوت)

12-13-2011 11:37 PM
انتهى زمن السكوت &&&&& لم يتبقى لنظام الانقاذ سوى ايام معدودات &&&&&&& تسلم محمد حسن ;)


ردود على روجا
Sudan [روجا] 12-14-2011 02:05 AM
صفحة‏ ‏محمد‏ ‏حسن‏ ‏في‏ ‏الفيسالاسم‏ ‏محمدحسن‏ ‏بوشي‏‎ ‎الايمل‎ ‎boshy1581‎@hotmail.com


#255986 [doly]
0.00/5 (0 صوت)

12-13-2011 10:28 PM
الذي أكثر من تكسير الثلج في هذا البرد ما هو الا مداهن عرف روع صاحبه،
\"الكلمة السرية المقصودة بين الحروف\"


#255979 [doly]
0.00/5 (0 صوت)

12-13-2011 10:08 PM
المهندس اذا كان الآن في بيت أحد الأشباح فهو بدون شك جيفارا السودان فطوبى له ، أما اذا كان لا يزال طليقا فهو غواص بجدارة أو double agent والله عليم بالظالمين


#255906 [فاطمة علي]
0.00/5 (0 صوت)

12-13-2011 06:54 PM
لمن لم يسمع جيدا كلام الباشمهندس محمد حسن عالم من الفيديو، هاكم نص كلامه:

(( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى).


#255877 [mustafa]
0.00/5 (0 صوت)

12-13-2011 05:27 PM
مع احترامي الشديد لقدرات حسين عوجلي كباحث متوفر علي فنون الغناء السوداني الا انه قد اذهلني في مقاله الذي انتقد فيه تكوين الحكومة الجديدة
لان التكوين الجديد لم يشمل فرسان الحركة الاسلامية في السبعينات مثل
1- ابن عمر محمد احمد
2- بكري عثمان سعيد
3- وغيرهم
فادركت حينها ان الحركة الاسلامية في االسودان لم تخرج من جامعة الخرطوم ولم تستفيد من المكتسبات الثرة التي افاءت عليها به هذه الجامعة العملاقة
ولهذا لم استغرب قيام الاخ مساعد ريئس الجمهورية بمؤازرة منسوبيه في هذه الجامعة
وكل ماريد قوله هو نذكير الاخوان المسلمين في جامعة الخرطوم باعادة قراءة مقال الراحل جعفر محمد علي بخيت الذي وصف حالهم بهذه الكلمات
لو قراتهم كاتبين اوسمعتهم متحدثين ماكشفت احاديثهم اوكتاباتهم عن جامعيتهم والله المستعان


#255855 [فاضل الفاضل]
0.00/5 (0 صوت)

12-13-2011 04:39 PM
دايرين لينا واحده لسعاده المستشار مصطفى عثمان اسماعيل والذى فى اجمل واقوى تعليق على كلامه الاخير واحد قال ليهو عامل وشك زى الحبن فى ابلغ وصف لانه وصفه ظاهرا وباطن- والحبن هو الخراج الملئ بالصديد


#255852 [معتصم]
0.00/5 (0 صوت)

12-13-2011 04:35 PM
ياجماعة القاعد قدام دا مش نافع والزول دا المهندس الركب مكنة شرف والاسد دا مش حر طليق طيب انتوا بتكوركوا مالكم مافى حرية تعبير مافى ديمقراطية البلد فيها كبت للحريات ماهو بشهادتكم المهندس اساة الدكتور باغلظ العبارات وماحصل ليه شئ اعترفوا بالحرية الموجوده وين نحن الان من زمان


ردود على معتصم
Belgium [Rashid] 12-14-2011 12:24 PM
يامعتصم.. يظهر إنك جبهجى ..مدسوس ...الديمقراطية ليها معانى ماديه حرية الكلام والتعبير مش منحة من سيدك المهان دكتور نافع لكنها أنتزعت إنتزاع بالدم والتضحيات ..المهندس محمد حسن كشف الغطاء عن خواء نافك المانافع مستعملاً عنصر المفاجئة ولو ملك نافعك المانافع فرصة لقرضه بأسنانه ...الديقراطية فى يامعتصم زهقت فيه آرواح وضحى الكثيرين أمثال المهندس محمد حسن ...من أجل شعبه ...ومن شروطها غير الحريات العامة تقدر تقول الحقوق المادية ...هل وجد المهندس محمد حسن حق العمل ؟؟؟ كما حرق البوعزاوي يأساً نفسه ..أمام بلدية تونس ..هاهو المهندس يتقدمنا بجسارة يحسد عليها ....لينزع ديمقراطية التعبير إنتزاعاً... ليفوز بيها الإنسان السودانى........


#255831 [زهجان ]
0.00/5 (0 صوت)

12-13-2011 03:22 PM
الله الله على كلام المهندس اوفى فى القول وكانة يتكلم عن ملاين السودانيون والحق يقال كنت اظن ان الامهات لم ينجبن لاكن حواء السودانية مازالت حبلى والرجال امثال المهندس لايظهرون الا ساعات المحن يرعاك اللة من طقمة النظام وزبانيتة والحين الحين الشرارة بدات


#255824 [hammota]
0.00/5 (0 صوت)

12-13-2011 03:14 PM
هذا هو الرجل المناضل الذي لايعرف الا الحق في وجة اكبر اللابالسة في السودان اصحاب المتاجر الدين اللة اكبر لك ومن حولك \\\\\"اذهبو وانتم الطلقا \\\\\"وهي من تباشير الديمقراطية التى سوف تعم كافة السودان ........احمد حسن عالم من مواليد دلقو المحس هو من احفاد بعانخي وترهاقا والبطل سيد فرح ووووو...........عودونا اجدادنا لحق و نفتخر بهذا البطل الذي قال من لايقو له احد في وجه المتغطرس نافع ...... له التحيه والاجلال شاب يقول الحق ولايخاف من اي كان من كان..


#255823 [ابو عبدالله]
0.00/5 (0 صوت)

12-13-2011 03:14 PM
فعلا هو ادخل الفرحه فى قلب الشعب السودانى زى ما قال اخونا محمد بس يد واحده ما بتصفق ودى زمن ثورة الشباب


#255821 [hammota]
0.00/5 (0 صوت)

12-13-2011 03:13 PM
هذا هو الرجل المناضل الذي لايعرف الا الحق في وجة اكبر اللابالسة في السودان اصحاب المتاجر الدين اللة اكبر لك ومن حولك \"اذهبو وانتم الطلقا \"وهي من تباشير الديمقراطية التى سوف تعم كافة السودان ........احمد حسن عالم من مواليد دلقو المحس هو من احفاد بعانخي وترهاقا والبطل سيد فرح ووووو...........عودونا اجدادنا لحق و نفتخر بهذا البطل الذي قال من لايقو له احد في وجه المتغطرس نافع ...... له التحيه والاجلال شاب يقول الحق ولايخاف من اي كان من كان..


#255815 [أبو احمد]
0.00/5 (0 صوت)

12-13-2011 02:56 PM
تعبير بليغ ينطبق علي الكيزان الان
كبلو ليه المويه في جحرو اذا رفض الخروج غرق ومات واذاطلع هلك ومات ايضا
في داخل السودان سوف يقضي عليم الشعب السوداني ويصادر اموالهم واذا طلعو خارج السودان اوكامبو في انتظارهم يقبض عليهم ويجمد ارصدتهم


#255810 [wedhamid ]
0.00/5 (0 صوت)

12-13-2011 02:39 PM
( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم..


#255809 [العاليابي]
0.00/5 (0 صوت)

12-13-2011 02:29 PM
أيها المهندس الصنديد قلبك حديد بقدومك ننتظر عهد جديد ثورة مع هذا الشعب العنيد للإطاحة بأمثال هذا الرعديد وحكومته الاوغاد المناكيد ..... لمن لا يعرف هذا اليافع يكفي أنه أساء الادب مع إستاذه بالجامعة وقام بتعذيبه بشتي أنواع العذاب ... أما المعلق المدعو ( شخلول ) أنت مجرد شخص نكرة ومجهول ألا تستحي مما تقول ؟؟؟؟


#255802 [سوداني ون]
0.00/5 (0 صوت)

12-13-2011 02:21 PM
موضوع عادي جدا في اي دمقراطية ونافع ماظاهر في الصورة والمتحدث ضيع قضيتة بزكرة الحزب الناصري ومالاقي وظيفة لو هم قادرين يوفرو وظائف كان في واحد اباهم دول الخليج ماعارفة توفر وظائف الشقلة كلها بايظة


#255798 [srio]
0.00/5 (0 صوت)

12-13-2011 02:13 PM


#255777 [ميمو]
0.00/5 (0 صوت)

12-13-2011 01:35 PM
والله هذا الساقط الحقير ان كان به ذرة من كرامة واحترام لنفسه كان استقال من ليلته بعد ان عرف رأى الشعب فيه ،لكن من اين له بالكرامة والاحترام فهو الذى اتعود على الاهانة (ومن يهن يسهل......الخ) مرة جلدة فى لندن ومرة صفعة من البشير ومرة من الباشمهندس وهكذا....
فالله عز وجل اذله فى الدنيا قبل الاخرة وهو غافل على قلبه غشاوة. وسوف تظل الاهانة واللعنة تلاحقه اينما حل سوى فى السودان او فى لندن او فى مصر او السعوديه ، قطر او حتى جامعة الخرطومسيظل حقيرا محتقرا الى ان يدخل قبره.

كل الذى ارجوه من المعلقين ان يحذوا حذو هذا الثائر وتعالوا ننظم صفوفنا ونخرج على هؤلاء الانجاس الفاسدين الغرباء الدخلاء لننهى عهدهم الملوث.
هيا فقد اضعنا كثير من الوقت ولن يتبقى وقت آخر لنضيعه
سألتكم بالله ان نخرج عليهم حتى تفرح بنا امهاتنا واخواتنا وننتصر لكرامتنا وكرامة ابآئنا وامهاتنا واخواتنا.


#255761 [alrian]
0.00/5 (0 صوت)

12-13-2011 12:37 PM
لى الناس مستغربه لانو نحنا جبنه عشان كده فرحانين بظهور الراجل القدر يقول الكلام الجوا اى زووووووووووووووووووول


لسودان يعانى من ازمة ضمير حاده ونتيجتها تكون الجهويات الاسريه التى لاتراعى الا

مصالحها ومصالح مريديها على النطاق الاسرى والمنتفعين وللاسف فقد الشعب الثقه حتى فى نفسه ولم يعد ينصلح الحال لان المواطن نفسه اصبح ضائعا مشتتا قى من يضع فيه ثقته
ومعروف ان الشعب وضع ثقته فى الانقلاب الغادر ليس طوعا ولكنه باركه لا لشىء الا وانه كان يحمل اسم الاسلام ولايخفى الطابع الدينى فى نفوس الشعب وبعد فشل النظام الاسلامى وظهورهو بمظهر الشيخ المتدين الملتحى والجلباب الابيض ولكن عندما تقدم الزمن وبدا الرداء يضيق بما تحته من الفساد والرائحه المزكمه للانوف فجميعنا نتزكر حيران الترابي واتحدى اى واحد يقول انه فى ايام الترابي لم يكن متعصبا للشيخ الزى كانت كلمه واحده ضده كفيله باطاحة الرقاب حتى ازا ما ظهر الاختلاف بينهم بقى عليهم مثل لم يروهم يسرقون ولكن شافوهوم يختلفون وظهرت سلسلة الاتهامات التى لاتصب فى مصلحتهم ولكن الله ازا اراد كشف العبد فيجعله يتحسس الريشه على راسه
وبعد كل هزا الزخم من السنوات العجاف والقهر والتسلط بالراى الواحد يظنون انهم مازالو زلك الشيخ المتعمم الطاهر ونسوا ان القناع سقط من زمان ولكن العجيب فى الامر انهم مازالو يصدقون كزبتهم وهو ابتلاء الهى فجعل الله شيخهم وعمودهم يعوى كلالكلاب الضاله وماواهو السجون نعم انه عقاب الدنيا قبل الاخره اما من لازال يتشبث بفرع السلطه فنسي ان مسالته مسالة وقت بعد ان فرط فى اهم مولرد الحياه ودعك من الاخلاق الان يتباكون على الاقتصاد وهو سيكون سبب زوالهم دون ان يرمى الشعب سهم واحد فهم سيهربون باموالهم وابنائهم بعد ان زال سبب بقائهم وهبرهم والله فى عون شعب نسا الله فانساه نفسه والله المستعان


#255759 [الغاضبة]
0.00/5 (0 صوت)

12-13-2011 12:34 PM
الشاب المهندس محمد حسن الشجاع ، عقيت منك يا باني ربنا يحفظك من الأشرار القتلة، أثلجت صدورنا.....


#255744 [ابو احمد]
0.00/5 (0 صوت)

12-13-2011 11:33 AM
ستكون أنت وحدك أمام الله سيسألك عن هؤلاء الذين ماتوا فى سجونك وأولئك الذين قتلهم رجالك وقراراتك وقوانينك وعن ملايين الجوعى من شعبك وعن الفقراء محدودى الدخل الذين اضطرتهم فترة حكمك للفساد والرشوة حتى يطعموا أطفالهم، وعن سرقة مال الأمة وعن موالاة اليهود والأعداء وعن صحة شعبك التى اعتلت وعن وباء الفيروس سى والتهاب الكبد فى عصرك وعن السرطان والسموم التى زرعها رجالك فى غذاء عباد الله وعن ماء تلوث وعن غرقى وحرقى وعن وطن تخلف وعن منافقين تحلقوا حولك وبطانة سوء وشر تمكنت من شعبك واحتلت قصرك ( وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ شُفَعَاءَكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد تَّقَطَّعَ بَيْن َكُمْ وَضَلَّ عَنكُم مَّا كُنتُمْ تَزْعُمُونَ ) \"الأنعام :94\"

من مقال إبراهيم عيسى للرئيس مبارك ( إنك ميت وإنهم ميتون) كان ذلك قبل سنوات ولم يتعظ الفرعون المحمول


#255743 [Sami]
0.00/5 (0 صوت)

12-13-2011 11:32 AM
لمثلك من الشجعان يا فتى يفتح التاريخ ابوابه على مصراعيها. بمثلك من يحملون هم الضعفاء في مواجهة الظلمة الفجار، تنمو وردات الأمل في صحاري اليأس والخنوع.
وتشرق الانوار في نهاية نفق الظلم الطويل
بمثل كلماتك ترتجف عروش الطغاة،



#255738 [سودانى ناصح ]
0.00/5 (0 صوت)

12-13-2011 11:14 AM
كلمة حق فى وجه سلطان جائر

الشعب السودانى فيه الابطال وهولاء النفعيين لهم يوم .
فالحكومة التى اعلنها نافع هى حكومة لاتعرف معاناة الشعب السودانى هذا النافع يعلن عن 66 وزير ومازال العدد فى زيادة ( وزراء لاكثر من 22 عاما هل حواء لم تلد اخير منهم).
هذه الكلمات القوية والحجة الواضحة التى قال هذا المهندس الشجاع هى بداية نهاية الطغمة الفاسدة التى افسدت الزراع والنسل .
فليتهيا الشعب السودانى لانطلاق الثورة فى بداية العام 2012 الذى سوف تعلن فيه الحكومة زيادة البنزين بدون خجل وسوف يصفق نواب البرلمان لهذه الزيادة ما تسعموا مسرحية النواب معترضون هذا زمانك يامهازل فامرحى .


#255717 [عبد الإله زمراوي]
0.00/5 (0 صوت)

12-13-2011 10:34 AM
ولسان حاله يقول (إني ثائرٌ في وجهك الدميم)
يا فخر هذا الجيل يا إبني الثائر الغاضب



ألهبتُ حَنْجَرتي
بأصداءِ الرُّعودْ
كحَّلت أحزاني
بمِرْواَدِ الصُّمودْ
وسبَابتي أغمدتُها
في عينِ جبَّارٍ حَقُودْ!

يا أيُّها الباغي الذي
جاسَ خلالَ الدَّارِ
أفسدَنا وأوْرثنا القُعُودْ!

يا أيُّها الظَّالمُ والجاهلُ
والشِّريرُ والكاذبُ
يا أيُّها الجلاًدُ والراجفُ
والمثليُ والشيطانُ،
تلميذُ الجحودْ !
قم نلتفي وجهًـا
على قرعِ الصمودْ
قم نلتفي ثكلتْكَ
لعناتُ الجُدودْ!

لم تبايعْكَ الجماهيرُ
التي مزَّقتَ لُحمَتَها
ولسوفَ لنْ ترتاحَ
بعدَ اليومِ
من لطمِ الخدودْ!

أقْسمتُ إنِّي ثائرٌ…
ثائرٌ في وجهِ
من خانوا العهودْ!

أقسمتُ إنِّي ثائرٌ
في وجهِ
مَنْ بَاعُوا الحُدودْ!

أقسمتُ إنِّي ثائرٌ
في وجهِ
مَنْ باعوا الدِّيانةَ
بالدَّراهمِ والنُّقودْ!

أقسمتُ إنِّي ثائرٌ
في وجهِ من شادوا
الأرائكَ بالجماجمْ،
ثائرٌ في وجهِ
مَنْ شادوا السُّدودْ!

أسمعتَ أنِّي قدْ غفوْتُ
على النضالِ
على الصمودْ ؟!
ها قدْ غفوتُ
على النضالِ
على الصمودْ!


#255716 [ابوالكبش]
0.00/5 (0 صوت)

12-13-2011 10:34 AM
الان بدأ فرح السودان وزغردي يامهيرة القديمة بان وليداتك جوا تارين وراجعين بحق وحقيقة - من اتيت يا مهندس هل من السودان او من خارج السودان ولقد كنت اطن ان السودان عقم لكن الان الام السودانية والده وتسلم البطن الجابتك فشيت الغبينة ياولد كلامك ده ياولد رد لينا العافية وكلامك بس كفاية اليوم اتفشينا وانتعشنا شديد ياحبي الله يحفظك ده السودان دي الرجولة


#255674 [عبد الله ودالجزيره]
3.00/5 (1 صوت)

12-13-2011 09:29 AM
تسلم البطن الجابتك والله وررررررررررررررراجل والله مغبون من الصباح فشيت غبينتي نهايي ود حلال والله ومربي بلقمة حلال ,وطن بخير جد وما نخضع لحكم الفرد نبنيه يمين سودانا موحد ,وتسلم الجميله ومستحيله صانع الابطال وقاهرة المتسلقين باسم الدين


#255671 [Elaab Elazrag]
0.00/5 (0 صوت)

12-13-2011 09:27 AM
I salute this man,but I\\\\\\\\\\\\\\\\\\\\\\\\\\\\\\\'m really concern about his safety,so I\\\\\\\\\\\\\\\\\\\\\\\\\\\\\\\'m asking the human rights organizations in Sudan to watch for his safety.


#255670 [sudania]
0.00/5 (0 صوت)

12-13-2011 09:25 AM
والله جسمي قشعر من حماس ورجولة هذا الشااب ..ما اقول غير الله يحميك ويحفظك

من غدر وظلم ناافع واكيد هو يخطط ليك في مصيبه


#255656 [السيف البتار]
0.00/5 (0 صوت)

12-13-2011 09:02 AM
تسلم تسلم تسلم محمد اخوى لقد اثلجت صدورنا و تسلم البطن الجابتك و ارفع راسك فوق و قول قولة الحق و امام الشافع على الشافع ؟
تمنيت ان ارى وحهه فى تلك اللحظه و ما هو رد الفعل و لكن الحضور ذادونا سرور و بتلك الضحكات و السخرية من هذا الشافع الذى اعتاد على السخرية من الغير و كلام الشماسه الذين عاش وسطهم فى شبابه و استعوبهم فى الجهاز للفتك بالبشر انتقاما و مقابل الحياة الرغيده التى وفرها لهم هذا الخسيس .
الله يحفظك و يحميك من ذبانية النظام وقدرهم و الشافع اللعين سوف يترصدك و سوف يسعى جاهدا للتخلص منك و القتل و الاغتيال من سمة هذا النظام و لا يحق لاى مواطن شريف الانتقاد و على مراى و مسمع من الناس و المصيبة الكبرى بين مليشياته الطلابيه و فى عقر دارهم و للاسف جامعة الخرطوم احكموا سيطرتهم فيها و اصبحت منبرا للانقاذ و مرتع لضلال و النفاق .


#255648 [عبد الله]
0.00/5 (0 صوت)

12-13-2011 08:49 AM
مهزومة انتى لن تتزوجى حتى تلدى مثله او اسؤا منه


#255641 [سوداني]
0.00/5 (0 صوت)

12-13-2011 08:43 AM
ده الشغل ده الشغل ايوا عاوزين شباب ذي ده يواجة الفساد والظلم من امثال نافع من غير من شيل سلاح مواجهة وفضح الفساد في اي موقع لانو السلاح غير يدمر البلد ويقتل شباب البلد ما بفيد عاوزين شباب صادق وشجاع يواجه بالكلمة الفساد وامثال نافع الضار الذي هو اسواء ما انجب المؤتمر الوطني والعزة للسودان


#255635 [حزين جداً ]
0.00/5 (0 صوت)

12-13-2011 08:38 AM
المهندس الغالي : محمد الحسن ...

أنت شجاع .... شجاع ....

ويكفيك فخراً أن كل الإخوة والأخوات الذين مروا على هذا البوست أثنوا عليك ....

ماعدا الإسطنبولي ....بيقول دا غلط .... باين عليك يا إسطنبولي منتفع ....

زي صاحبك أبو إضنين كبيرة ....

تعرفوا لما الزول يبقي ما عندو دم وما عندو إحساس تبقي مصيبة ...

90% من الشعب غاضب ...غاضب من نافع علي ما نافع ...لماذا لا يستقيل هذا الثقيل ؟؟؟؟

ونعرف أنو منتفع جداً بحلال وحق وثروة الشعب السوداني والمغلوب على أمره ... ولكن صدقني ليك يوم أسود .... أسود ...اسود ...

وكيف تنام والشعب السوداني غير راضي عليك ؟؟؟؟

الا رحم الله سيدنا عمر الفاروق ...والذي لا تسوي أنت أسفل نعله ....

إنقلع عنا يا شيخ ....... بس حزين لعدم الشعور والإحساس ....


#255613 [مهزومة في بلدي]
0.00/5 (0 صوت)

12-13-2011 07:57 AM
عافية منك اريتك ولدي وتسلم البطن الجابتك....... رموز النظام لو عاقلة تاني ما تخاطب ليها اي تجمع لانه خلاص حاجز الخوف اتكسر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
8.35/10 (393 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر.
علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة