الأخبار
أخبار إقليمية
شاهد الصور..تفاصيل ليلة زواج أماني وإدريس دبي!!..،،مجموعة من الشاشات كانت تعرض صورا للعروس منذ طفولتها ..شيلة العروس من فرنسا،، المجوهرات بعدد 10 طقوم..الملابس على ثلاث (بكاسي).
شاهد الصور..تفاصيل ليلة زواج أماني وإدريس دبي!!..،،مجموعة من الشاشات كانت تعرض صورا للعروس منذ طفولتها ..شيلة العروس من فرنسا،، المجوهرات بعدد 10 طقوم..الملابس على ثلاث (بكاسي).
شاهد الصور..تفاصيل ليلة زواج أماني وإدريس دبي!!..،،مجموعة من الشاشات كانت تعرض صورا للعروس منذ طفولتها ..شيلة العروس من فرنسا،، المجوهرات بعدد 10 طقوم..الملابس على ثلاث (بكاسي).


01-21-2012 05:44 PM
سهير عبدالرحيم

وسط إجراءات أمنية مشددة بدأت مساء أمس بالحديقة الشمالية لفندق السلام روتانا مراسم زفاف الرئيس التشادي إدريس دبي على الدكتورة (أماني) كريمة الشيخ موسى هلال المستشار بديوان الحكم الاتحادي وكان الحضور الأمني والشرطي بصورة كثيفة طغت على الحضور من ضيوف الحفل، حيث تواجدت أمام مدخل الحفل أكثر من ست عربات من عربات الشرطة وعلى البوابة الرئيسية عدد من أفراد الأمن. ولم يسمح بالعبور للضيوف إلا بعد إبراز كرت الدعوة .

وفي الطريق الى مكان الحفل تنساب اليك الموسيقى الكلاسيكية حيث تمر عبر الحديقة في طريق طويل وضعت الشموع على جانبيه في جو رومانسي حالم. وعندما تدلف الى ساحة الحفل تكتشف أن كل المقاعد ممتلئة رغم أن العروس لم تحضر بعد ؟

وعندما سألت عن العدد الكبير من الناس رغم اختصار الدعوة علمت أن السيد والي الخرطوم والسيد عبد الحميد كاشا عند وصولهم الى مكان الحفل وجدوا أعدادا كبيرة من الضيوف في الخارج لا يحملون معهم كروت دعوة وهنا أمر والي الخرطوم بفتح الأبواب حتى يتسنى للناس الدخول، فدخلت مجموعة كبيرة لا تحمل رقاع الدعوة!

بدأت مراسم الحفل بهدوء يشوبه الحذر، وكانت (كوشة) العرس عبارة عن تحفة من الأضواء حيث صممت في شكل قبة بيضاء منسدلة على جانبيها مجموعة من الستائر وعلقت على سقفها سلاسل من الكريستال فيما وضعت داخلها أريكة بيضاء عليها قماش من الستان ممزوج بالكريستال وعلى أطرافها عدد أكثر من اثنين من الوسادات بلون غامق عن لون الأريكة وعلى طرف الكوشة من الخارج وضعت مجموعة من الورود، فيما كانت مجموعة من القوات الأمنية الخاصة مسلحين بكلاشنكوفات على جانبي الكوشة وفي الطريق المؤدي لها .

علقت مجموعة من الشاشات البلازما على جانبي الساحة كانت تعرض صورا للعروس منذ طفولتها ووضح من خلال الصور المعروضة أن أماني عاشت حياة دعة ونعيم وأنها كانت مترفة منذ طفولتها كما عرضت صورة لها بالحناء والسبحة وصورة أخرى وهي ترتدي روب التخرج فيما كان برنامج العشاء عبارة عن بوفيه مفتوح ضم الروبيان والجمبري و حوى كل مالذ وطاب.

وعند الساعة التاسعة والربع ظهرت على شاشات العرض صورة للعروس وهي تسير في بهو فسيح لوحدها وقطعت العروس مشوارا طويلا وهي تسير على سجادة حمراء وقد أتت من داخل الفندق وليس عبر بوابة الحفل وصعدت على إحدى السلالم وكانت تعاني في الصعود حيث أن الفستان كان ثقيلا وله زيل يمتد على الأرض وبعد وصولها درجات في السلم بدأت عليها المعاناة فهب شقيقها وساعدها على الصعود وطيلة فترة المشوار تخللت الموسيقى أغاني حماسة وأغنية صممت خصيصا للعريس إدريس دبي بصوت الفنانة (انصاف مدني) وبوصول العروس الى ساحة الحفل التف أهلها حولها وتعالت الزغاريد.

وفي تلك اللحظة ظهر والد العروس ( موسى هلال) وعند ظهوره خطف الأضواء واتجهت عدسات المصورين وأنظار الحضور له واتجه نحوه مجموعة من أهله وبدأ كاشا في حالة حماس طاغية وهو يبشر في هلال .

بدأ الحفل الفنان شكر الله وأعقبه بالغناء الفنان احمد الصادق وغني شكرالله أغنية أيضا في مدح إدريس دبي وهي نفس كلمات الأغنية التي تغنت بها إنصاف مدني.

شارك أهالي هلال أجواء الطرب بالرقص والعرضة تارة أخرى .. وفي أثناء الحفل انتحيت جانبا بأم العروس وجلست قليلا معها.

السيدة سعدية والدة العروس هي زوجة هلال الاولى وهي سيدة متزنة ورصينة وتفكر كثيرا قبل أن تخرج الكلمة من فمها سألتها عن رأيها في الزواج فقالت إنها موافقة وليس لديها اعتراض وإن كانت أبدت شفقتها الشديدة على ابنتها التي ستغادرها الى دولة تشاد وقالت لي سأصحب ابنتي غدا الي دولة تشاد وسأسافر معها حتى أطمئن عليها.

وفي تلك اللحظات نادت عليها ابنتها وهي تطلب منها أن تأتي الى مكان العروس لالتقاط بعض الصور التذكارية حيث جلست العروس وبجانبها والدها هلال ثم زوجة هلال الثانية ومن ثم والدة العروس...
اللافت للنظر أن زوجتي موسى هلال كن يرتدين ثوبين يحملن نفس اللون والموديل وإن بدت حركة والدة العروس أقل قليلا من الزوجة الثانية التي لازمت ابنة زوجها كثيرا قرب الكوشة.

ظل موسى هلال ورغم أنه كان يبشر كثيرا ويتحرك داخل أروقة الحفل إلا أنه كان قلقاً بعض الشيء من شيء ما لم أفهمه!!

وقد علمت من سيدة تنتمي العائلة أن شيلة العروس حوت فستان الزفاف والذي جيء به من فرنسا، كما كانت كل الملابس من بلاد النور أيضا. وقد كان عدد الأرياح مايعادل 12 قطعة من كل صنف، والملابس كذلك كما كانت المجوهرات بعدد 10 طقوم وقد جيء بالملابس على عدد ثلاث (سيارات بكاسي) .

يذكر أن الفنانة ندى القلعة كانت قد أحيت حفل الحناء وقد كانت تنهال عليها النقطة بالدولار حيث نقط والد العروس على ندي القلعة دولارات ورق فئة المائة دولار فيما كانت نقطة الحضور من فئة الخمسين جنيه.

وكانت أجواء عقد القران في الرابعة عصر أمس لا تختلف عن أجواء حفل الزفاف، حضور كثيف من كل أطياف المجتمع السوداني والدارفوري على وجه الخصوص دون تمايز قبلي أو إثني..الرئيس عمر البشير كان على المائدة الرئيسية وعلى جواره موسى هلال وعبده أونيقا كرامة وكيل العريس وابن عمه ،

وقد حضر أونيقا ضمن وفد ضم عشرين شخصا من إنجمينا، البشير كان وكيل العروس والمأذون كان شاب وسيم الطلعة لم يتجاوز الأربعين بلهجة شبيهة بلهجة دول المغرب العربي.

السوداني سألت أونيقا عن عدم حضور الرئيس أدريس دبي، رد الرجل بأن دبي مشغول ببعض مهام الدولة، وعندما سألناه عما يثار حول وجود اعتراضات على الزواج داخل تشاد نفى ذلك بشدة وقال (دا كضب ساي)!!

أمير البديات بالسودان الأمير عثمان منمني أبوعشة قال للسوداني إن هذا الزواج سيكون له مردود إيجابي على العلاقات السودانية التشادية وعلى المكونات القبلية المتداخلة بين الدولتين وختم قائلاً (قولوا يا رب الأمور تمشي على خير)!
السوداني

image
العروس برفقة شقيقها حبيب
image

image

image


لمزيد من الصور :

http://www.alrakoba.net/news-action-show-id-41603.htm



تعليقات 61 | إهداء 20 | زيارات 69860


صفحة 1 من 212>
التعليقات
#279983 [صقر]
1.00/5 (1 صوت)

01-22-2012 11:58 PM
أأنتم مسلمون؟؟؟ كيف موسى هلال يزوج إبنته الجامعية للرئيس التشادي إدريس ديبي الذى على ذمته ستة زوجات هن: حليمة ، أَندة ، سعاد ، حواء القرعانية ، زينة وزينة ، هندة و الآن أماني وغداً يعلم الله !!!
إنه حقاً جواز سياسي و مصلحي بحت


#279928 [علاءالدين ]
0.00/5 (0 صوت)

01-22-2012 09:15 PM
الف الفـــــــــــــــــــــــــــــــــــ مبروووووووووووووووك;)


#279921 [جعفر فقط]
3.75/5 (3 صوت)

01-22-2012 08:54 PM
انتو عارفين إدريس دبي دا عينو طايرة
يعني لو شاف ليه اي واحدة سمحة .. حيقول عايز يتزوجها
الظاهر عليه ما شاف مني ابوزيد


#279917 [جعفر فقط]
0.00/5 (0 صوت)

01-22-2012 08:42 PM
النكتة المضحكة: بالصدفة وجدت واحد صحبي ويبدو على وجهه الغضب الشديد
فسالته عن سبب غضبه .
فقال: اماني شوكشتني


#279834 [طز في الكيزان]
5.00/5 (1 صوت)

01-22-2012 04:03 PM
يا البديو كلامك التحت ده ما صاح - حكاية عب و ما عب دي ما ينطق بها الا المتخلفين في السودان الذين لم يصيبوا شيئاً من التنور و ليس العلم- كلنا ابناء تسعة و كلنا اولاد بلد يسرقها الكيزان


ياشباب انا من أبناء دارفور غرب السودان و شكلاً أوجه من الرئيس ديبي ياترى اذا طلبت يد الانسه هلال هل كانت ستوافق ام يقولون لي عــــــــــــــــــــــــب ؟ ثانيا زواج سودانية من اجنبي يتتطلب أخذ اذن من السلطة القضائيه هل فعلت الانسة هلال ام خالفت القانون ؟


#279743 [محمد معاويه]
0.00/5 (0 صوت)

01-22-2012 12:30 PM
زواج سياسى بحت (؟) (؟)


ردود على محمد معاويه
Ireland [kkkkk] 01-22-2012 06:05 PM
الـــــــــف مبروك ربنا يتم بالف الخير ... هنالك اكثر من مصاهرة بين بنطون الرزيقات والزغاوة من كثرة تداخل بعض الزغاوة لا يعرفون لغتهم طغت عليهم العربية وليس هذا الاول الزواج يتم بين قبيلتين كما اخبركم معلومة بان والد موسى هلال خواله من الزغاوة .

France [بخيت] 01-22-2012 01:56 PM
انت جاهل منو قال ليك دبي محتاج لعرب عشان يحمواالظاهر ما تعرف تاريخنا كويس ومنو قال ليك نحن راضيين بزواج اصلا واذا تزوج للريس
بنت موسي هلال معنتو لان هناك نسب قديم معنا ولان موسي هلال شيخ قبيلة واسالو موسي هلال عن حببتو من وين المهم
الف مبارك


#279737 [ابو ايوب]
4.00/5 (3 صوت)

01-22-2012 12:19 PM
انا بس داير أعرف هل الماذون تأكد ان ما في اي موانع شرعية لزواج المصلحة ده؟يعني سمعنا ان العريس على زمته اربعة!!على كل حال عقبال كل عزاب وعوانس السودان وتشاد الما ضاقوا يضوقوه،،وحدوه:لا إله الا الله(الشمرنجي الدولي-ماليزيا)


#279689 [البديـــــــــــــــــــو]
3.00/5 (3 صوت)

01-22-2012 10:37 AM
ياشباب انا من أبناء دارفور غرب السودان و شكلاً أوجه من الرئيس ديبي ياترى اذا طلبت يد الانسه هلال هل كانت ستوافق ام يقولون لي عــــــــــــــــــــــــب ؟ ثانيا زواج سودانية من اجنبي يتتطلب أخذ اذن من السلطة القضائيه هل فعلت الانسة هلال ام خالفت القانون ؟


ردود على البديـــــــــــــــــــو
Sudan [بهجه] 01-24-2012 11:58 AM
اكيد لا عشان انت ما رئيس واكيد حكاية السلطه القضائيه دى ما فايته عليهم

Sudan [bebeeto] 01-22-2012 12:27 PM
دي مشكلتك يا ولد دافور .


#279688 [يعقوب مبارك]
3.00/5 (1 صوت)

01-22-2012 10:34 AM
ياأخوانا دة كلو عرفناهو بس مافى واحد ورانا العريس ديبى بيتناول شنو للمصيبة الراجياهو ...
ياعم ربنا يوقفلك أى حاجة فى اى حتة ياشيخ
بعدين والى الخرطوم دة عرس ابوه عشان يدخل ناس ما معزومين بدون بطاقات دعوة ....فوضى !!!


#279687 [sudani-online]
0.00/5 (0 صوت)

01-22-2012 10:29 AM
يللا ..بلا ادريس دبى بلا نيلة......


#279655 [عزالدين عبدالرحمن]
0.00/5 (0 صوت)

01-22-2012 09:12 AM
من هو موسي هلال هذا ؟؟ هذة الزعامات الدومى ولماذا يدخل الشعب السودانى في كل هذه الاهانات السبب واضح هى السياسة العرجاء من هولاى المفاليس .


#279653 [عبدالله محمد عبدالله]
0.00/5 (0 صوت)

01-22-2012 09:02 AM
الف الف.....مبروك


#279636 [abdelrahim]
0.00/5 (0 صوت)

01-22-2012 08:27 AM
العشاء عبارة عن بوفيه مفتوح ضم الروبيان والجمبري و حوى كل مالذ وطاب.
فعلا الاختشو ماتوا
اهلنا فى دار فور وجنوب كردفان يتضورون جوعا وديل بياكلو ا الروبيان والجمبرى


ردود على abdelrahim
Sudan [بهجه] 01-24-2012 11:23 AM
اسمع يا اخوى الما ادريس دبى قاعد يعمل بوفيه مفتوح وفيه من الاصناف اكتر من كده الظاهر عليك ما قاعد تمشى مناسبات فايف استار عشان تشوف العجب;)


#279615 [شيخ تلب]
0.00/5 (0 صوت)

01-22-2012 07:42 AM
كلام فارغ وشمارات بس . انحنا نستفيد شنو من النكاح ده ؟؟؟؟؟؟؟؟؟؟؟؟؟؟؟؟ غير بعثرة مال الشعب


#279613 [adil]
0.00/5 (0 صوت)

01-22-2012 07:38 AM
يا عمار الظاهر عليك يا دوب دورت

شنو الأسئلة البايخة دة

ياخي الجاب دة لدة شنو ؟

واحد مستشار بالديوان وواحد كان والي

دة أسم على أسم ;) ;) ;)


#279612 [MOHAMMED]
4.00/5 (1 صوت)

01-22-2012 07:37 AM
THEY SAID THAT MUSA HILAL HAS ROOTS WITH BEDYAT TRIBE


#279608 [طارق]
0.00/5 (0 صوت)

01-22-2012 07:30 AM
((( يا أخوانا ))) مالكم عاملين هجوم على (( عمار )) ما عادى جدا اخوان يكون عندهم اسم واحد (((((((( واحد فيهم بيكون ( فرع ) . ويا جماعة ما تتكلمو وتلخبطو فى حتة الزواج دى - وبما انو اهم حاجه وعمود الزواج الاشهار - والشهره هنا ما اعتياديه وعشان كده خليكم انتو اعتياديين -- واللهم بارك لهم واجمع بينهم على خير

والسلام


#279595 [الكردفاني]
0.00/5 (0 صوت)

01-22-2012 06:47 AM
عليك الله ثورة الأنقاذ دي ما المسيح الدجال ذاتو...تاني فضل لينا شنو ماااا ألا يشربو موية النيل دي ويقولو لينا اي زول داير حاجة يجي يركع لينا حتي ندي جقمة...والله أوكامبو لو شاف الموضوع ده دبي ذاتو يخش مع الجماعة ...رشاوي علي عينك ياااتاجر أما الفناننين زي ناس ندي الفلقة ,احمد الكاذب وهلمجرجراجرا ديل ...الله اداهم ( الله يرحم المساكين في المجانين) طيب دبي ده مااااكان يعرس ليهو فرنسية مرة واحدة جايب الشيلة من باريس ومخلي العروس هناك لي شنو...والا نسي انو في يوم من الايام القوات الفرنسية دي حاحت ليهو من نسابتو ديل ذاتهم...هذا زمانك يامهازل فامرحي هذا زمانك ياااامهازل فامرحي ...اخونا شيخ الترابي مالو ماااطلع لينا فتوي في الزول القابضة المرة من ايدا وراجلا مااافي دي ...ده زواج طرد ولا شنو ...طيب ماااوضحتو لينا الزول السايقا من ايدا ده ...أخد كم مقارنة بالعشرة طقوم دهب فرنسية والشيلة البارسية بالبكاسي في اول الالفية(2012)...يااااداب قروش البترول بقت تظهر وكمان فندق روتانا وتحرسهم كلاب الامن ده عرس ولا جلسة في مجلس الوزراء..يوم القيامة البحرسكم منو والله الا كلاب جهنم عشان مااافيكم زول يشتت...طيب انا عيز اعرف حاجة الجنجويد ديل ما مسلمين ولا شنو ماااعارفين انو أقلهن مهراً..اكثرهن بركة نعم صدق المولي عز وجل حين قال( إن الاعراب أشد كفراً ونفاقاً) صدق الله العظيم...عليكم الله موسي هلال ده ومااا ادراك مااا موسي هلال مش يمشي محكمة العدل والله ده خازن النيران في اليوم بيكون شرك ليهو أكتر من سبعين مرة ....انتو عارفين الناس ديل دخلتهم اكيد تكون في دبي بضم الدال لأنو دبي بكسرالدال تصير الكلمتين جناس تام للفسوق والعصيان في توالي سياسي لاحكام العلاقات بين السودان وشاد لمنع التفلتات الامنية في الجانبين علي الصعيد الامني والاجتماعي بالمصاهرة التامة بين القبائل العربية وقبيلة الزغاوة لنفي ان هنالك تطهير عرقي ومجازر في الاقيلم المجاور لتشاد المسمي بدارفور أيذاناً لبداية علاقة مشبوهة بين المدعو دبي والنظام الفاشل في الخرطوم يحكمها النسب والمصاهرة الباطلة ...وده كلو علي حساب الشعب السوداني المغلوب علي أمره وده كلو علي حساب الشعب السوداني المغلوب علي امره.....


#279592 [احمد تاج]
0.00/5 (0 صوت)

01-22-2012 06:34 AM
الموضوع إستعراض في إستعراض كحال بنات السودان اليوم كل همهم المنظرة

موسى هلال ايها المجرم قاتل الأطفال والنساء والأبرياء في دارفور لك يوم تحاسب فيه

وهؤلاء الفنانين النكره مثل شكر الله و احمد الصادق \"وغني شكرالله أغنية أيضا في مدح إدريس دبي هم اشباه اهل هدا الزواج الصفقة .

نحمد الله انه لم يتغنى من فنانينا الأصيلين في حفل هدا المجرم الدى لن ينسى له التاريخ ما فعل في اهل دارفور ،،،،،،،،،،


#279582 [ابو امنة ]
0.00/5 (0 صوت)

01-22-2012 05:05 AM
النقطة بالدولار يا مفترى يا حرامى ياقاتل النساء والاطفال وبعدين هوا منو ادريس دبي عجوز متصابى اكبر منك سنأ يعنى بمثابة جد لابنتك لعنة الله عليكم فى الدنيا والاخرة يا حسالة البشرية شعب البلدين جعان وانتو تآكله فى الروبيان والجمبرى امشى المحطة الاوسطى شوف كيف عايشين المشردين والاطفال اليتامي والارامل بل شوف الشعب السودانى كله بقى يآكل وجبة واحدة فى اليوم وبعد ده عايز ربنا يبارك زواج ابتك على زير النساء ادريس دبى لعنة الله تغشاكم


#279580 [كوم حله اسماعيل ادم]
0.00/5 (0 صوت)

01-22-2012 04:08 AM
ودبي مالو ما جاء ما قال بيجى !!!!!من اول يوم عايزة تتعود على يوم هى ويوم المرة التانيه ولا ... لمن اموت البشير قاعد اصلوا هو تخصص سكن هاند شوف اخر ونسه مع ابو العروس


#279579 [betamna]
0.00/5 (0 صوت)

01-22-2012 04:02 AM
ماذا يضيف زواج ابنة الجنجويدى هلال للشعب السودانى ومن تزوجت دبى ؟هذا المعتوه, انها زيجة المصالح دبى يحتاج لهلال ضد معارضيه فى ناحية الغرب وهلال يحتاجه للدفاع عنه ضد الجنائيه (مع اصحابه الفرنسيين ) ويبو ان الضحيه هى ابنة هلال


#279576 [abubakr]
3.00/5 (1 صوت)

01-22-2012 03:38 AM
ماذا نجني نحن من هذه الزيجة المسخرة يا استاذة سهير وهذا التفصيل في مقالك؟ وبالمناسبة العروس ليست دكتورة ووالدها ليس بشيخ وايه دخل كاشا وعبد الرحمن الخضر في هذا الزواج؟


#279570 [النور]
0.00/5 (0 صوت)

01-22-2012 02:54 AM
يا عمار يا جاهل! كيف يكون موسى هلال اخو موسى كاشا... ما شايف الاسمين ديل مختلفين؟ يا اخي موسى هلال ده هو من عرب زريقات محاميد بتاعين جمال في شمال دارفور بينما عبدالحميد موسى كاشا من عرب زريقات بقارة بتاعين بقر في جنوب دارفور . اما عن الزواج واحد ولدنا من تشاد تزوج واحدة بنتنا من دارفور وانتهت الحفلة شنو الحشرية وقليل ادب؟


#279549 [مستنى الفرج]
0.00/5 (0 صوت)

01-22-2012 12:53 AM
هل تصدقو يخوانا ؟؟؟
انا طبيب مبعوث من الوزاره الاتحاديه بتفريغ بالراتب فقط لاننى اخترت تخصص غير موجود بالسودان انا فى جنوب افريقيا ,,,, كنت اتقاضا مرتبى يحول اى بالويسترن يونين وكان يكفينى بسعر الدولار 2.77 كان يكفينى لتسديد الايجار والمصاريف الاكل والشرب كنت بجازف اشتغل نهاية اليوم فى مركز تجارى يومين فى السبوع وبقية الايام اذاكر ,,,عندما حصل شح الدولار اصدرت الحكومه ولا ادرى من الذى اصدر القرار بعدم تحويل ولا سنتيم للخارج ,,, اخبرنى قريبى بان ارسل خطاب يفيد باننى ادرس على نفقتى الخاصه بمرتب فقط وارسلت الخطاب من سفارتنا فى جنوب افريقيا ,,,, منذ شهر سبتمبر وماذال يساسق لى بنك السودان ,,, واخيرا اخبروه بان لايضيع وقته فتحويل دولار الى خارج السودان اصعب من تحويل جبال الامتونج الى حلفاء!!!!! اصبت بالياس خاطبتنى الجامعه بان اسدد الرسوم ولم اسددها وقامو بتجميد الدراسه سنه كامله على امل ان يسمح لاهلى بتحويل الرسوم ولكن هيهات هيهات ,,, اتصل بمعارف قالو لى شوف ناس من الموتمر الوطنى بحلو ليك اشكالك شفت ناس من بلدتى من الجزيره موتمر وطنى كل واحد اطرح له مشكلتى مابرد لى تانى مره عندما تصل به كل القروش البلقطها راحت تلفونات والان اجمع فى تزكرة العوده الى بلادى . اسالونى هل خاطبت وزارة الصحه بالمشكله نعم ارسلت 15 خطاب لادارة التدريب ولم اتلقى اى رد كان عشمى بس يخاطبو مدير بنك السودان يقولو ليهو عندنا الطلبه الفلانيين فى بلاد كذا وكذا عايزنك تسمح لينا بتحويل راتبهم فقط اكرر راتبهم فقط وليس منحنه بسعر البنك ,,, واعزرونى يا اخوتى فقط اردت ان الفت نظركم ,,, وعلى الله قصد السبيل منها جائر ولشاء لهداكم اجمعين صدق الله العظيم


#279545 [مونتى الثائر]
0.00/5 (0 صوت)

01-22-2012 12:47 AM
قال سيف جنجويد قال والله ياود هلال وريتنا البييييييييييييييع عديل كده:D



#279530 [عثمان ادم ]
0.00/5 (0 صوت)

01-21-2012 11:42 PM
بالله تحبو ادريس ولا تكروه موسي هلال ده موضوع بخصكم ...ادريس يعرس أماني هلال و لا يغير رأيه ده شي يخصو ...امني تبقي المرأة الاولي في تشاد ولا الاخيرة في السودان ...ده كلو فارق في فارق وكلوا عالم انتهازي ابتداءا من موسي هلال ومرورا باماني هلال وانتهاءا بإدريس دبي ...الرئيس المزواج ...

لكن كلامي للناس الـــ بعلقوا والواحد فيهم ما بــ عرف ابسط قواعد اللغة ...بالله اكتبوا بــلغاتكم او اي لغة ترونها مناسبة وتفهمونها جيدا ....انا لا اقصد تميد العرب او اسخر من العجم ....ولكن اللغة تبقي لغة مهما اختلفنا مه ناطقها الاصلي ...بالله إرتقو بينا او ريحونا شوية ....


#279527 [baba]
0.00/5 (0 صوت)

01-21-2012 11:31 PM
يا جماع ما تشولو هم دى تمشى تشاد تكلة بعوض وتجي ماشة كادارى


ردود على baba
Qatar [طماشه] 01-22-2012 10:59 AM
انا المحيرني الحفله دي كانت رابه حتى الواحدة منتصف الليل وبحضور اخونا الراقص الفنان وحقاتنا نحن الغبش يوقفوها لينافي نص الطريق يعني الساعه حداشر ولا الغريب اولى منناولا يمكن تكون زيادة خير من اهل التمكين للعلايس وكده لزوم الكرم السوداني ادوهوا معاها تلاتة ساعات اضافيه بختك يا دبي الحكم ما شاف الفاول

Qatar [mohad] 01-22-2012 09:41 AM
موسى هلال
موسى كاشا
موسى كوسا
حليل موسى يا حليل موسى



#279519 [Zingar]
0.00/5 (0 صوت)

01-21-2012 11:07 PM
أمير البديات بالسودان الأمير عثمان منمني أبوعشة قال للسوداني إن هذا الزواج سيكون له مردود إيجابي على العلاقات السودانية التشادية.

إنتهى

أسألك يا سمو الأمير ولو إنى عارف الأجابه بالله عليك وأمانه تقطع إضنيك ما هو المردود الأيجابى المرجو من دولة زى تشاد.

تخريمه
لأول مره فى حياتى أرى إسم السودان متقدما فى كلمة العلاقات السودانية التشادية ...أما إذا الموضوع عن أم الدنيا فدائما نكتب السودان فى المؤخره....عقده وشعور بالدونيه نقول شنو.


#279518 [نوف محمد]
0.00/5 (0 صوت)

01-21-2012 11:00 PM
عمار يا عسسسسسسسسسسسسسسسسسل


#279506 [ema]
0.00/5 (0 صوت)

01-21-2012 10:32 PM
ههههههههههه يعنى الاخوين اسمهم موسى غايتو قصة عجيبة


#279505 [سمير هري]
0.00/5 (0 صوت)

01-21-2012 10:29 PM
مبروك ادريس دبي هتنو ,,,,مبروك اماني لكن مهما حصل سوف تكون نصيب موسى هلال الاعدام حتى الموت والي الجحيم,,,,,, والقائد ادريس يستمتع في سنوات عسله ونحن نصفي كل الجنجويد بي زواج بناتهم واعدامهم من جه اخرى الكل يعلم من هسى دي اغتصاب باوراق ثبوتية .

يا عمار والله انت غريب جدا عليك الله ليك كم سنة في الغربى

اقراء الاسماء كويس الاول زعيم عصابه وقاعد عام جنجويد دارفور والتاني كوز لكن متواضع نوعا ما بل قيل انه مستقيم الي حد ما تجة شعبة دي اخر تصريحات من ناس نيالا

موسى هلال
موسى كاشا

في اخويين في الدنيا دي لديهم اسم واحد
يا خوي خلي الغربى وتعال عشان نجازف عشان نرحل فرعون عمر وهامان وجنودهما الفاسدين خلي بلد العرب العويرين تعال الي قلب افريقيا النابض الثائر .

الايام القدمة تحمل في طياتها مفاااااااااااااااااااااجات من العيار صواريخ اسكوت غراد

رحمك الله رحمة واسعة الشهيد البطل الدكتور خليل ابراهيم محمد الي جنات الخلد انشاء الله


#279504 [ابوحميد]
0.00/5 (0 صوت)

01-21-2012 10:23 PM
انت يا عمار بتحشش ولا شنو كيف يعني موسى هلال اخو موسى كاشا في إخوان يكونو الاتنين اسمهم موسى...صحصح يا فردة


#279503 [بابكرعوض الشيخ]
3.00/5 (1 صوت)

01-21-2012 10:17 PM
والله شيء جميل يسر كل إنسان هذا التزاوج فاتحة خير لأهل السودان وتشاد أقرب جارين وهو تكامل طبيعي سوف تكون له ثمرة وفوائد جمة لكل شعوب أفريقيا الحرة
نتمنى لهما السعادة وألف ألف مبروك


#279501 [مشكاح]
0.00/5 (0 صوت)

01-21-2012 10:12 PM
اه اه اه مفارقات وظلم وفساد عندما اعدمت الانقاذ الشهيد مجدى بسبب الدولارات القلائل التى وجدت عندهىبعد قيام الانقاذ الشؤم وكذلك اعدام جرجس القبطى بهذا السبب الان وفى قلب الخرطوم موسى هلال زعيم الجنجويد والمطلوب للمحكمة الجنائيه الدوليه تحميه الانقاذ بتنصيبه مستشارا بديوان الحكم المحلى وبنقط دولارات فى حنة ابنته للفنانة ندى القلعه والدولار الان صار يعادل خمسه الف جنيه (جنيه ما قبل الانقاذ)وخمسه جنيه حقت الانقاذ......فساد السلطه يا ناس وارواح راحت هدرا بمبررات غير شرعيه ولا علاقة لها بالاسلام وتعاليمه ....حاسبوا انفسكم قبل ان تحاسبوا .


#279498 [bedr]
0.00/5 (0 صوت)

01-21-2012 10:04 PM
ابدا ما هنتا يا سوداننا يوما علينا
اصبح الصبح فلا السجن و لا السجان باق
الكيزان سبقواالاولين و الاخرين نرصدهم فى حلهم و ترحالهم
الزوجه الخامسه شرع الله مثنى و خماسى وسداسى و عشارى و تمساح عشارى


#279491 [ABDALLA]
0.00/5 (0 صوت)

01-21-2012 09:43 PM
ان شاء الله ما تنفعو


#279488 [سودانى اصيل]
0.00/5 (0 صوت)

01-21-2012 09:34 PM
ارجى الراجيك


#279472 [سودان جديد ]
0.00/5 (0 صوت)

01-21-2012 09:02 PM
عبد الحميد موسى كاشا
موسى هلال
اي اخوان بس اخوان مسلمين
(؟) (؟) (؟) (؟) (؟) (؟) (؟) (؟)


#279468 [moha]
5.00/5 (1 صوت)

01-21-2012 08:59 PM
:D :D :D ودبي مالو ما جاء خجلان ولا هي الخجلانة طيب لزوم التحشيش بالود الشاب الصغير ده شنو ما كان تشوف ليها واحد في سنها ! او قريب ليها انشاء الله يكون فرق عشرة سنة لانها اصغر من بناتو اخخخخ الدنيا مصالح !


#279456 [ودامدرمان]
5.00/5 (1 صوت)

01-21-2012 08:46 PM
اضحك الله سنك ياعمار

( )



وانتى يلجبتي الشمار بلتفصيل
الله يخليك لي جنس دا
عالم ماعندها شغله


#279452 [sabeel]
0.00/5 (0 صوت)

01-21-2012 08:39 PM
مشاءالله على العروسة لكن اكبر بكتير من العشرينات


#279448 [faisa]
0.00/5 (0 صوت)

01-21-2012 08:32 PM
اخونا عمار والله انت راجل بهجه..........سالت واحد دارفوري نجيض فال لى موسى هلال جنجويد وموسى كاشا محاميد


#279447 [ابو الليل]
0.00/5 (0 صوت)

01-21-2012 08:32 PM
انت يا عمار انجليزى ولا شنو بتقرا من الشمال لليمين


#279446 [بخيت العفريت]
0.00/5 (0 صوت)

01-21-2012 08:30 PM
مبروك للعرسان وماعلينا- المهم الحفله تستمر للساعه واحده بعد منتصف الليل لماذا- هل هى خرق للقانون لانو الرئيس قاعد وينطط لحدى بعد الساعه واحده متخيل نفسه العريس ولاشنو وذلك فى غياب ديبى العريس فى ظروف غامضه -اذا عملوا تصريح من الشرطه يلا يا الطاهر ساتى جيب لينا منه صوره واذا اصلا فى تصاريح مايدوها لاى عريس الذى مرات يدفع حق الصاله والفنان ويادوبك اغنيتين الحفله يفرتقوها -


#279439 [حبيب محمد صالح]
5.00/5 (1 صوت)

01-21-2012 08:07 PM
الله يجازيك يا عمار ضحكتني


#279438 [مجنون]
0.00/5 (0 صوت)

01-21-2012 08:06 PM
رشوة للرئيس دبي عشان يسد فلة دارفور ولا شنوا ؟


#279433 [سودانى]
0.00/5 (0 صوت)

01-21-2012 08:03 PM
لا ده اخو موسى الزومه


#279429 [عادل]
0.00/5 (0 صوت)

01-21-2012 07:56 PM
اشجع مثل هذه الزيجات وودت لو تزوج موسى هلال بزغاويه مليحة.دعكم من التهميش ومفرداته فالسودانيون في التهميش سواء. المحرك الرثيسي لكل الحروب في السودان هو الإستعلاء الإجتماعي أو الدونية التي يعاني منها البعض نتيجة رفضهم و عدم تزويجهم.


#279428 [shah]
0.00/5 (0 صوت)

01-21-2012 07:56 PM
يا علماء السلطان لا أسكت الله لكم حسا ما عندكم قولة فى البدع دى وله السكوت من دهب؟


#279425 [كركاب]
0.00/5 (0 صوت)

01-21-2012 07:53 PM
يعني نحن بنستفيد شنو من العرس ده
افرض انو عرس موسي هلال وكاشا والبشير ذاتو يعني شنو


#279424 [الثوار السودانين]
0.00/5 (0 صوت)

01-21-2012 07:51 PM
عسل والله عسل يا بت الجنجويد ابوكي عرف الثوار لمن يدخلو الخرطوم انتي حتكوني عروسي لاكين ابوكي الكلب عرف الحاصل شنو الايام دي البلد عشان كدا قال احسن يوديكي بعيد عرفنا اماني وديتة تشاد والاولاد توديهم وين يا موسي هلال يا كلب الله لا اداك العافية انت و البشير وكل معرسين الكيزان مرض الله يمرضكم
ياربي لو ادريس دبي مات عمر البشير بعرس اماني هههههههههههههههههههه


ردود على الثوار السودانين
Sudan [بهجه] 01-24-2012 11:37 AM
تعليقك بايخ وماسخ وعمر البشير ارفع من ذلك


#279423 [جهاد ]
0.00/5 (0 صوت)

01-21-2012 07:50 PM
الف رحمة ونور عليك ياشيخ اسامة بن لادن اسال الله تعالي ان يتقبلك في عداد الشهداء 300 مليون دولار في سبيل الله الله اكبر ولله والحمد دنيا فانية سبحان الله المسلمين ماتوا من شدة الجوع والفقر في انحاء الارض ناهيك عن الصومال وغرب السودان وبين قوسين الاخوة في فلسطين فالله لن نخلد فيها يوما ما سنقف بين يديه سبحانه وتعالي


#279421 [جعفر فقط]
0.00/5 (0 صوت)

01-21-2012 07:48 PM
والله لو حكومة تشاد دى سقطت محل ما تمشو ماتلقو
الطعم الحلو دا بعدين مر مابتلقو
اهلنا قالو الطموح الزيد بيقتل سيده



#279420 [الو هاشم]
0.00/5 (0 صوت)

01-21-2012 07:44 PM
ما ديل اولاد العم حسن فاصوليا


#279412 [حسن اوشي]
0.00/5 (0 صوت)

01-21-2012 07:32 PM
لا غز بار علي المناسبه نسال الله لهم التوفيق والسداد نتمني ان ياطر العلاقه بين الدولتين ويقوي النسيج الجتماعي والترابط الاخوي بين الشعبين مااستفز الشعور تلك النقاطات بالدولار بينماالبلاد تمر بشح في النقد الاجنبي حفظ الله البلاد والعباد من شر الفتن


#279403 [عجيب المانجلك ]
4.00/5 (1 صوت)

01-21-2012 07:13 PM
قادر الله ..
الدديكتاتور ديبي ، (يرشي) قائد الجنجويد هلال من مال الشعب الشادي الفقير بـ 26 الف دولار ليأتي والد العروس دون حياء ليبعثرها تحت اقدام (مغنّيه) ، وما خفُي (أزرط) .
سبحان الله ..
في عاصمة الزعيم الازهري والمحجوب ، الشاويش ديبي ، يرقد في جاكوزي فندقه مسترخياً ، و جنرالات جيشنا (جيش الهنا) ، تأّمن وجوده حتي يقضي (وطره) من كريمه المستشار هلال .

عجيب أمرك يا خرطوم ..


#279394 [nadus sun]
0.00/5 (0 صوت)

01-21-2012 07:00 PM
بهذة الطريقة ضمن الكيزان دولة تشاد بكاملها فى جيبهم المتسع من خلال اغراء الرئيس التشادى المولع بالنساء دا زواج سياسى و لا عزاء لاهل دار فور .


#279383 [Ismail Ibrahim]
0.00/5 (0 صوت)

01-21-2012 06:39 PM
الله يبارك لزواجهم والاحتفاظ بها وآمنة في كل وقت. أنا فخور جدا لهذا النوع من الزواج من خارج الحدود، وآمل أن يجلب السلام وشكرا


ردود على Ismail Ibrahim
Germany [ودالضعين] 01-22-2012 09:33 AM
سلام ده بيجيب سلام انت مابتعرف سلام ولا شنو دي عباره عن فوضه واقسم بالله الزواج ده ما على سنة الله ورسوله ( دعوها الايام كفيله توريكم )

Norway [تميسيح] 01-22-2012 04:24 AM
والله ذكرني شريف مي دوغري طلع دبي دغري اكتر وبيان بالعمل
الشريف دا جنوا غنا وما عرس ولا واحدة ديبي عرسة وغنية

ليت الزواج بين كل مكونات الشعب السوداني يكون هكذا لا لون لا قبيلة
زواج رئيس ببنت خارج الدولة ستكون وائده محصورة في الاسرتين ودونكم التعليقات الشامتة والشاتمة احيانا والفوائد هذه يُخشى على ذهابها بذهاب السلطة

ولكن الزيجات بعفوية وبين عامة الشعب تموت العصبية وتندثر العنصرية التي لا ينكرها الا من كان على بصيرته غشاوة
(واذا اتاكم من ترضون دينه وخلقه فزوجوه ) (ويا أيها الناس انا خلقناكم من ذكر وانثي وجعلناكم شعوبا وقبائل لتعارفوا ان اكرمكم عند الله اتفاكم ........)


#279381 [الرمنتـــــــوج]
0.00/5 (0 صوت)

01-21-2012 06:35 PM
لا أخو موسي الزومــــة :D :D :D :D



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
3.88/10 (58 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة