الأخبار
مختارات من ارشيف مكتبة الأخبار
الفساد ينخر بيت الرئيس البشير
الفساد ينخر بيت الرئيس البشير
الفساد ينخر بيت الرئيس البشير


09-29-2010 05:37 PM
بعد انقلابه على استاذه الترابى فى العام 1999م قام الرئيس البشير بجمع مجموعة من الصحافيين من بينهم محمد طه محمد أحمد و أحمد البلال الطيب ليبرر ما قام به من غدر وخيانة تجاه ولى نعمته و من إتخذه مطية للإنقلاب على الديمقراطية... و قد أغلظ البشير الايمان يومها بأن كل ما يملكه هو مرتبه كضابط بالجيش و قدره 350 الفا فقط لا غير...

قبل فترة قليلة خرج علينا البشير فى لقاء صحفى و قد صرح بأن بنت أخيه تسكن معه فى منزله و لاتجد عملاً و هو لا يستطيع أن يتوسط لها كى تلتحق بأى وظيفة...صورة الشخص الزاهد المتواضع المحب للشعب كانت هى ما يروج له البشير كذبا و زوراً، و نفاقاً كلما ما أتيحت له فرصة...و لم تنطلى كل أكاذيبه على أحد اللهم إلا إذا كان يصدقها هو نفسه كيف لا و هو عسكرى...لكن لأجدادنا حكمة كبيرة عندما قالوا " حبل الكضب قصير "...فها هى الأيام تكشف عن مدى كذب و تضليل البشير وكم أنه يكذب ويتحرى الكذب حتى أصبح منافقاً هو حتى النخاع...

فلنبدأ بكشف القناع عن نفاق البشير و نتابع ثروات أهل بيته واحداً واحداً و لنبدأ بالاخ الأكبر محمد حسن أحمد البشير أستاذ اللغة العربية بالمدارس الابتدائية...قام محمد بتصديق قطعة أرض بكافورى ليبنى عليها مجمعاً للمدارس و تحور الحلم فجأة بقدرة قادر و تحول من مجمع مدارس لمجمع سكنى فخم ..!! تم نقل كل أقرباء الرئيس من قرية حوش بانقا للإقامة فيه و هو معروف الآن باسم حوش بانقا وسط سكان كافورى القدامى...محمد هو مؤسس و صاحب مؤسسة معارج الخيرية و التى يتخذها ستاراً ليمارس نشاطاته و التى كان أخرها الإنجاز الإعجوبة وهو مركز سناء للتسوق بما يعرف سابقاً بإسم مجمع العارف بالله احمد حسن البشير (والد الرئيس) وتم تغييره لاحقاً لإسم مجمع النور...حيث ان أول ما تلاحظه بذلك المجمع إنه بنى لآل الحظوة حيث أن مواقف السيارات تفوق مساحتها مساحة المسجد أى أن المسجد صمم لاشخاص يقدمون إليه على صهوة فارهات و ليس على الأقدام كغالب أهل البلاد...

المسجد فخم بصورة مبالغ فيها..مسجد مترف لايشبه فقراء بلادى و لا أحسبه يقبل عند الله فى بلاد جاعت كلابها..!! عند دخولك أسوار المسجد تلاحظ لافتة موضوعة على إستحياء على الطابق الأرضى منه مكتوب عليها مركز سناء للتسوق و المركز أحدث من مركز عفراء مول بشارع المطار...من أين لمحمد استاذ اللغة العربية بالمدارس الابتدائية كل هذا..؟!! هلا جلس فى بيت أمه و أبيه و نظر أيهدى له أم لا...

بعد تكدس الثروات لدى محمد طفق يجرب حظه بالكتابة و التأليف فطبع كتاب " يوميات تلميذ بالمدرسة" يحكى فيه عن طفولتهم الفقيرة و يعتز بما كنزه من ثروات من عرق جباه فقراء بلادى و بالنجاح الذى أصابه لانه أخ الرئيس.....

أطرف ما يحكى عن العباس أخ البشير هى قصة الضباط المعتقلين بسجن كوبر و المعروفين باسم "الدرجو العباس"... حيث أرادت شركة عربية شراء أراضى مملوكة للجيش جنوب المستشفى العسكرى بأم درمان و لكن هؤلاء الضباط مسئولون عما يعرف حينها بصندوق دعم القوات المسلحة...طلب البشير من هؤلاء الضباط إكمال صفقة البيع و أن "يدرجو أخيه العباس معهم"...إلتفتت المجموعة للأمر الأول و نست الثانى فقاموا ببيع الاراضى و تحصلوا على مليارات ادخلوها لجيوبهم الخاصة و فى خضم الإنشغال نسوا وصية البشير و لم يدرجوا العباس...وعندما علم الرئيس بذلك تم القبض عليهم وتمت محاكمتهم وإسترداد جزء من المال العام منهم و القوا بسجن كوبر...و هم موجودين هناك لمن أراد الزيادة...

العباس أول أخوان البشر سعياً وراء الثراء الحرام فهو عضو مجالس إدارة العديد من الشركات التى تنقده الملايين كل شهر لتوفير الحماية لها و لأعمالها...العباس أثرى ثراءً فاحشاً حين أصبح المزود الوحيد لأسمنت سد مروى وفرض بعدها سيطرته على كل أسواق الأسمنت ليرفع أسعاره متى شاء ويخفضها متى إقتضت مصالحه ذلك... ومنذ دخول الرجل سوق الأسمنت لم تشهد أسعاره إنخفاضاً قط...فمن زيادة لأخرى حتى وصل سعر الطن اسعاراً فلكية مقارنة بدول المنطقة...(الآن السوق تحت سيطرة علي كرتى)...العباس سافر على رأس كل الوفود التجارية الحكومية...العباس ترأس كل وفود المشتريات المسافرة للخارج لشراء مستلزمات تقنية و فنية...العباس ترأس حتى وفود الجيش التى سافرت لشراء الاسلحة والمعدات العسكرية..كل المؤسسات الحكومية أدرجت العباس بلا كلل و لا ملل.. حتى أصبح أخصائيا لا يشق له غبار في مجال المشتروات الحكومية الخارجية ووسيطا شهيراً بمنطقة الخليج...

الدكتور عبدالله حسن أحمد البشير و أخوه علي سارا على نفس خطى العباس و اثرياء ثراء سريعاً...فهم أيضا يوفران الحماية للعديد من الشركات بالبقاء بعضوية مجالس إداراتها..

القائمة التالية تحتوى على بعض تلك الشركات...و يقوم الرجلان بفرض أتاوات على الشركات الأجنبية بل وفى بعض الأحيان يشترطان أن يصبحا شركاء فى رأس المال وإلا فلن تحصل الشركة على وساطتهما أو حمايتهما...و هو ما تم مع العديد منها..

عبدالله و علي حسن احمد البشير أخوي عمر البشير وعبدالعزيز عثمان و عبدالباسط حمزة و غادة ساتى و مندور المهدى و آخرين:

1/ مجموعة زوايا
2/ عفراء مول
3/ روتانا السلام
4/ مصنع زوايا للطوب
5/ مصنع الراوابى للألبان و العصائر
6/ مجمع رهف السكنى
7/ زوايا للمعولمات و تقنية الاتصالات
8/ زوايا الهندسية
9/ زوايا للخدمات
11/ زوايا للصناعات الغذائية
12/ زوايا للخدمات الطبية و البيطرية
13/ نهر شاري
14/ شركة لاري كوم السودانية
15/ سودابل

على حسن أحمد البشير و عبد الله حسن أحمد البشير شقيقا الرئيس:

هاى تك

تتبع لها شركات كبيرة مثل شركة

1- هاى تك للبترول
2- هاى تك كيميكال
3- هاى تك للخدمات الهندسية المتقدمة
4- مجموعة التقنية المتطورة (هاي تك قروب) ـ العمارات شارع 31
5- هاي كوم
6- هاى كونسولت
7- شركة السودان للسكك الحديدية الحديثة
8- هاى كوم (شركة اتصالات)
9- بشاير فيما بعد اريبا ثم MTN
10 - شركة الفاركيم للصناعات الدوائية
11- شركة التعدين المتقدم
12 -شركة التجارة و الكيماويات المتقدمة
13- مدينة جياد الصناعية ـ ولاية الجزيرة
14- شركة جياد لإنتاج السيارات والمركبات الثقيلة
15- شركة جياد الصناعية ـ الخرطوم عمارة بشير محمد سعيد
16- شركة بتروهلب للنفط الرياض
17- شركة رام للطاقة المحدودة الرياض شارع المشتل
18-شركة الأعمال التجارية والكيميائية المتقدمة المحدودة
19-شركة اتكوكو لصناعة الجوالات البلاستيكية
20-مصنع ابن حيان للصودا الكاوية
21- أتكوكو لصناعة الأسمنت
22- شركة أتكوكو لأعمال السكة حديد
21- اسهم بكنار تل
للاطلاع على القائمة الكاملة لشركات الكيزان الرجاء زيارة مدونتى:
ncpboycott.blogspot.com/

يقوم على الصديق حسن احمد البشير المزارع البسيط بقرية صراصر و قريب البشير بإستلام مبلغ مئتى مليون جنيه شهريا من القصر الجمهورى لا لشئ إلا لينفقها على بعض المقربين و أهل الحظوة بمسقط رأس البشير...قرية صراصر...و هى قرية صغيرة جداً تقع على الطريق بين مدينتى طابت و الحصاحيصا...و لكن لأنها مسقط رأس الرئيس فقد تمت سفلتة شوارعها الداخلية فى بادرة تنم على محسوبية بالغة حيث أن كل القرى حولها لم تنل شرف سفلتة و لابوصة بما فى ذلك المدينتين اللتين حولها..
المسافر على طريق الاسفلت الى طابت غرب الحصاحيصا يمر على القرية و يجد عند مدخلها لافتة خضراء مكتوب عليها كلية البشير التقنية و لا يجد شئيا بعدها إلا الأرض الخلاء...يقول البعض ان محمد البشير و بعد ان ينتهى من مجمع العارف بإلله احمد حسن البشير بكافورى سيوجه موارد الدولة لبناء تلك الكلية ويقول آخرون أن الكلية ما هى الا لافتة نصبها أخ الرئيس محمد أحمد البشير و ذلك لخداع أهل المنطقة فى إنتخابات ابريل 2010 و ذلك لأن خصمه عن المؤتمر الوطنى وقتها هو الشيخ رجب الذى جلب دعماً إماراتيا لسفلتة شارع طابت و كان محمد محتاجاً لإنجاز يرفع من قدره ليتأهل لمنافسة الشيخ رجب...ولما فشل فى إقناع أى أحد آثر الانسحاب من المعركة الانتخابية...و تركت اللافتة معلقة على الطريق...

زوجة البشير الأولى فاطمة خالد ركبت الموجة و عملت منظمة أم المؤمنين و هى على حسب ما هو معروف عنها هى منظمة خيرية.. و ما لا يعرفه أحد أن تمويلها يتم من حسابات حكومية و يكفى ان زوجها على قمة مجلس إدارة بنك أم درمان الوطنى لذا فكل أموال البنك تحت تصرفها...

الزوجة الثانية وداد بابكر ركبت الموجة وعملت منظمة إسمها منظمة سند الخيرية و التى تضخ لها الأموال من بنك أم درمان الوطنى بلا حساب...المعروف أن البنك الدولى كان قد طلب من السودان توفيق أوضاع البنوك و ذكر بنك امدرمان تحديداً و ذلك للفوضى الضاربة باطنابها فى أضابيره و إجراءاته التى تتم فيها صرف مليارات بمذكرة صغيرة...السيدة وداد معروفة فى مجال الكومشينات و البيزنس و يكفى إنها اول إمراة سودانية تتلقى عمولة و قدرها مليار جنيه سودانى و هى صاحبة فيلا اولاد المرحوم الشيخ مصطفى الامين حاليا ...

المجرم البشير قال : نريد من المواطنين أن يدعوا لنا في الدنيا ويشهدوا لنا في الآخرة...كيف يدعو لك المواطنيين و أنت و اهلك تـأكلون لحمهم و تشربون عرقهم نهاراً جهاراً دون حسيب أو رقيب. وهل تحسب أنك بحاجة لشهادة أكثر من السجل الإجرامى لأهلك و أقربائك..!!

ونقول له .. قال الرسول صلى الله عليه وسلم: " لو أن فاطمة بنت محمد سرقت لقطع محمد يدها."...لقد سرق آل بيتك وولغوا فى الحرام حتى تكوّرت أجسادهم من شحم السحت...

شوقي حسين
[email protected]


تعليقات 156 | إهداء 233 | زيارات 164229


صفحة 1 من 3123>
التعليقات
#221645 [magdi]
2.34/5 (17 صوت)

10-06-2011 10:11 PM
ياجماعة بطلو حسد ...........


#182770 [hassan naser]
2.63/5 (10 صوت)

07-23-2011 03:35 AM
في الدول المتحضرة والراقية كما قال محمد السني دفع الله ، يهتم رئيس الدولة بالرد علي هكذا مقالات قد تكون صحيحة او لا فلماذا لا تسود مثل هذه السلوكيات الراقية والتي يتعلم منها الناس كيف يتعاملون مع بعضهم البعض نتني من السبد الرئيس الرد عبر مكتبه الصحفي حتي يعلم الناس حقيقة هذه الأمور


#170381 [ولد السودان]
1.33/5 (7 صوت)

07-01-2011 07:38 PM
كلامكم دة لا بجيب ولا بياخر انتو ابقوا رجال ونسوان وانشاء الله اعملوا قروب زى المصريين ديل وانشاءالله الناس تتحدو والناس المعلقين على الموضوع دا كتيرين بس بقولوا الخواف ربا عيالوا والسودانيون عمرهم ما يطلعوا مظاهرا


#121370 [محمداحمد الاغبش]
2.00/5 (4 صوت)

04-03-2011 09:21 AM
والله لهم حق لانو الشعب السوداني اعطاهم فرصه اكثر بكثير واستكانووبقو زي القطيع


#117814 [ام الرجال ]
2.50/5 (4 صوت)

03-27-2011 11:14 AM
يااخي بتنا لا نعرف اين الحقيقة ؟؟؟؟ ولكني اريد ان اسالك سؤال اذا قمنا بغلب النظام واتت الحكومة التي تريدون ماهو ضمانك انهم سيكونوا صادقين نزيهين شرفاء كسيدنا ابو بكر وعمر الذي نام تحت شجرة ياتي فيها كل زي حاجة دون حرص او بوضي قارض ؟؟؟؟ صدقني لن ياتي حتي ولو كنت انت صاحب المقال اتي بك الله رئيسا يااخي انت لو جابوك معتمد اول حاجة حتفتش عليها العربية ة الحرص .. فصدقني لن يكون هناك رئيس مثالي وان صلح هو فسدت بطانتة ... فماذا الحل ؟؟


#111862 [صلاح]
3.25/5 (5 صوت)

03-15-2011 02:52 PM
والحل شنو ؟ اذا كان الناس البدعو لاسقاط النظام هم اول المتخاذلين


#98909 [khalid]
2.25/5 (5 صوت)

02-20-2011 09:26 PM
دى لو مملكه ملكها ماكان عمل كده اتقوا الله الشعب جعان


#98473 [ابو كاهل]
2.75/5 (3 صوت)

02-20-2011 08:22 AM
وكل ما ازنقوا اوكامبو يرفع شعار الشريعة


#97056 [قرفنة]
3.00/5 (3 صوت)

02-17-2011 12:50 PM
طيب يا جماعة ، ما تتحركوا ، و ثورة مصر اثارتها فتاة في الثمامنة عشر من عمرها ، اطلعو الشارع يا ايها الشباب إلى متي ؟؟؟؟؟؟؟؟؟؟؟؟؟؟؟؟؟


#89166 [hatim]
3.30/5 (7 صوت)

02-02-2011 02:12 AM
لا اعرف من اين ابدا ولاكني لست متفاجئا لهذه المعلومات فهذه هي اجازات الدكتاتورية واسموها بهذا المسمي نتيجة لذلك فالدكتاتور قديما كان هو الفرعون وهو واهله فقط هم اهل الحظية او ازبدة بتاعت البلد وفرعون السودان هذا الراقص الذي يدعي الورع الذي يبني في المساجد من المال العام كان احوج ان يبني مستشفي لعلاج الامراض المستعصية اوكان يبني مدرسة وكما قال حميد ربنا بنعبدو في اي حتة مابالضرورة في مسجد سناء ومركزالعارف بالله التجاري ياشعب السودان لو مفتكرين انو مثل هذا الرئيس بحس او بشعر بيكم تبقو تستاهلو ان يحكمكم مثله وهو يتقن التمثيل خلونا نخلي الدين ده في المساجد والعبادة والايمان حقت الناس في قلوبها وخلينا نجنب الدين من السياسة عشان ماتختلط الامور بانو الحاكم او عمر البشير هو صوت الله في الارص اوالسودان هو مجرد شخص مثله مثل الناس جميعا مخلوع بالسلطة وفجاة افتكر نفسو هو مالك الملك وهو بالنسبة للجبابرة القبله شنو قيصر الروم كسري قارون وفرعون المثل وهو مجرد حشرة دخلة التاريخ بالليل وليل مظلم وثقيل وبارد علي اهلنا وسوف ياتي الصباح هكذا يعلمنا التاريخ والجرسة التي كباها زين العابدين التونسي ويكبها الان مبارك وغدا البشير ونقول لهم جميعا ال البشير من نسائه واخوانه وبقية العقد الفريد من طقات السودان ابوالعفين والثعلب واوريالة وكلب السلطة والخادم المطيع والعقد الفريد نحنا جينا ويوم الحساب ليس ببعيد وسوف لن تسعكم الارض ولن تستطيعو ان تهناو بجنيه سرقتوه من اطفال السودان فسوف تصل نيرانا بنفس دينكم هذا وسنحاكمكم به نفسه ولاكن رئيسكم لن يكون هنا فهذه الارض الطاهره لن يدفن هنا سوف يدفن مع الكفار والصليبين في بلاد عمره ماشافها وهو رئيس وسوف يذهب لها بالكلابش وسوف يكون رقاصة سجون لاهاي الشهير ببشبش وهذا مصيره وسوف يكون راحة السجناء اما البقية فنحن سوف نتكفل بهم وسوف نتبول علي قبورهم كما فعلناونفعل في قبر السابق نميري كل يوم هذا هو السناريو فالحرامي علي راسو ريشة دائما


#88955 [alansary]
2.00/5 (2 صوت)

02-01-2011 04:47 PM
مليار جنيه عمولة ؟ حسبى الله ونعم الوكيل
ديل يكونوا باعوا كردفان ودارفور ونحن ما عارفين وقاعدين نرقص فى حماك ربنا


#87118 [ايمن محمد]
2.50/5 (2 صوت)

01-30-2011 08:04 AM
لمتين لمتين وبلدنا بقت بلدين


#85817 [طارق]
1.19/5 (5 صوت)

01-27-2011 12:59 PM
يا جماعة الناس ديل كيزان والكوز ، كوز سبيل


#67582 [ادم عبدالقادر ادم ]
3.32/5 (5 صوت)

12-29-2010 12:39 AM
يا اخوي شوقي امثال هذا الرئس وحزبة يقتلون الواحد ويمشوا في جنازتو اللهم يكفينا شر هولاء ان هذا الشعب لا يستحق امثال البشير هذا الانسان اصبح رجل كذاب لايعرف سواء الرقص و الكذب والترويج هذا الشعب يستاحل لانة لايتعز من الابر عشرون عام من الخداع والكذب لسة جارين وراه و يسفقو لية لانهم بصراحة هولاء الشعب جعان كل ما زارهم بنسو ا بقولوا يمكن تبعة اتخير يا اهلي الحنان الجبل تبعة ما بتخير شيفوا ليكم حل من هذا النهاب الذي نهب جميع خزائن السودان هو الاخر يوجد بحسابة تسعة مليارات دولار مش بس اخوتة ;) :o


#66559 [ابوطلال]
3.19/5 (6 صوت)

12-27-2010 03:12 PM
أيها الأحبة .. هنالك مقولة مشهورة : (الماشفته في بيت أبوك بخلعك) .. والجماعة ديل لو كانوا أصلاً نشأؤوا في بيت عز لما بلغت بهم السفالة والانحطاط إلى هكذا أعمال .. اللهم أغننا بحلالك عن حرامك ..


#66333 [عبد العليم عبد الرحمن]
3.63/5 (4 صوت)

12-27-2010 10:05 AM
الاخ شوقي اذا لم تحدد بداية كل شهر قرابة 10 شركات أو مؤسسات تجاريه ووضع اسمائها وبداية المقاطعه لن يستطيع احد حفظ جميع الشركات وبالتالي يصعب المقاطعه .
والا نظل بالخارج ولا نرجع السودان لان السرطان انتشر
وعند تحديد تلك المصالح يجب ان تنشر متتاليه كل شهر فالشهر الاول مثلا عشره ، ثم تزيد الشهر الذي يليه وهكذا
واقترح البدايه بالشركات الكبيره والنشر عبر الفيس بوك .


#65772 [ابو محمدين]
3.93/5 (7 صوت)

12-26-2010 01:59 PM
والحل شنو يااخوانا ...


#61185 [خخخخخخخخخخ]
4.14/5 (8 صوت)

12-19-2010 08:04 AM
هههههههههههههههههههههههههههه واخرين ههههههههههه لص لص


#60823 [احد ضحايا الالغاز]
4.07/5 (6 صوت)

12-18-2010 03:08 PM
في معلومة ما ذكرت وهي ان مبنى مستشفى الامل الوطني في كوبر مستاجر شهريا من مالكه شقيق الرئيس بمبلغ ثلاثمائة مليون ج بالقديم


ردود على احد ضحايا الالغاز
Saudi Arabia [بابورجاز] 12-20-2010 07:22 AM
أخي الكريم.. الله يهديك إنت كمان لو عندك فلوس أمشي أجر فندق شهرزاد ..مفيش حد منعك ..بس فالحين في الكلام الفاضي فلان سوا فلان عمل ...إتقو الله في أنفسكم


#60680 [ابو عرب]
4.07/5 (6 صوت)

12-18-2010 12:37 PM
الهم لااعتراض فى حكمك يارب اللهم يارب وقع الظالمين فى الظالمين واخرجنا منهم سالمين كيف يمشى اقتصاد البلد الى الامام مادام كل هذه الاموال تحت ايادى معينه امثال هؤلاء الشرذمه


#36256 [محمد كسلا]
1.00/5 (4 صوت)

10-19-2010 09:38 AM
يمهل ولا يهمل


#34268 [mazen]
1.00/5 (1 صوت)

10-14-2010 08:45 AM
اتمنا من صاحب المقال ان يطمأنا على نفس وانه مازال حرا طليقا
وان يخبرنا من اين تحصل على هذه المعلومات الدقيقة...


ردود على mazen
United States [الحامد الشاكر لأنعم الله] 10-17-2010 07:07 PM
فتن كقطع الليل المظلمة ستنهال علي رؤسنا هكذا اخبرنا الحبيب (ص) ولتكتمل مثل هذه السناريوهات لابد ان يمرو علينا اقواما يحملون اسواطا كأذناب البقر يضربون بها الناس0
اخي كي تسلم من مثل هذه الفتن فر بدينك إلي الله واعتزل السياسة وأهلها- اني لك ناصح امين-
وابتعد عن امعرفة الكزيد في كنه الامور التي اعتقد انك في غني عنها


#34262 [أبوالشيخ]
2.00/5 (3 صوت)

10-14-2010 08:38 AM
الذي نظر إلى ورقة بيضاء بها نقطة سوداء ويترك الورقة البيضاء بأكملها ويرى ققط النقطة السوداء فهو إما متشائم أو أعمى وأظن الكاتب لا يرى الطرق والكباري الحديثة في السودان


ردود على أبوالشيخ
Saudi Arabia [ابومحمد] 12-18-2010 06:04 PM
الاخ ابوالشيخ الكباري والطرق التي تتكلم عنها ليس من مال البشير انها من اموال الشعب المسكين وما تبقي من دخل البترول كما البشير بتوزيعه علي أهله وكم من مريض وكم من جاهل وكم من لا ماوي له ينتظر البشير لمساعدته لا لأنه من اةلياء الصالحين لكنه استولي علي الحكم لأنقاد المساكين لا الضحك عليهم

United Arab Emirates [الخانق] 12-18-2010 12:57 PM
يعنى إنت يابتاع الكبارى والجسور !!! شان الكبارى دى مافى مشكله الزول يختلص وينهب ده فهم شنو ليك؟ الإ كان إنت ليك مصلحه فى واحده من المجموعات دى


#32115 [منو؟]
3.75/5 (3 صوت)

10-09-2010 01:14 AM
والله مافي ناس فرعنوا البشير وخلوه ىعيث في السودان الفساد الا هؤلاء المنافقين المطبلاتيه


#32114 [منو؟]
4.00/5 (3 صوت)

10-09-2010 01:04 AM
دى مش تسمي المصالح الحكوميه بل المفاسد الحراميه انا قبل كده ناس مفسدة الجمارك سرقوني مبلغ وقدرو في عفش بيتي


ردود على منو؟
Saudi Arabia [بابور جاز] 12-20-2010 07:15 AM
الاخ شوقي حسين من أين لك كل هذه المعلومات ....وبعدين المحلات والمصانع والشركات ..دا كلو حقهم ..إنت بالذات كنت وين لحدما يعملو دا كلو ليش ما عملت حتي بقالة لي نفسك ..بس تحسد للجماعة وقاعد ... مافيش حد منعك تعمل دكان وتنصب علي الناس.. سوئ الي تبي


#31982 [ابوفيصل]
1.00/5 (1 صوت)

10-08-2010 02:18 PM

الاخوه المعلقين...

اذا لم نقل باَن هنالك فساد يبقى نحن من المنافقين والكذابين. يوجد فساد فى كل مراكز الدوله ويوجد محسوبيه فى كل مراكز التوظيف.


ونساَل الله ان ينتبه الرئيس لهذا الفساد والمفسدين اذا كانوا من الاصدقاء او اهل الدار
فهذه مسؤولية الراعى على رعيته.


يوم الحساب اتى وسيساًل كل راعى عن رعيته. فاستعدوا لسؤال يوم الحساب قبل فوات الاوان.......


#30128 [عثمان عمر الطيب]
2.50/5 (2 صوت)

10-03-2010 05:48 PM
نردد كلام الاخ الكاتب القدير الاخ ثروت قاسم للبشير وأخوته عصبة الشر ( نعم الله الواحد الاحدوالبشير وأخوته فساد مل ليه حد وعبد الواحد البطل المناضل لم يأكل حق أحد وثانيأ انتظروا يالبشير يوم الحساب مع الواحد الاحد


#30097 [saad]
1.00/5 (2 صوت)

10-03-2010 04:12 PM
president albashi said he did not get free education in sudan...how can any person believe him after that....


#30016 [ابوالقاسم معتصم ]
2.25/5 (3 صوت)

10-03-2010 01:24 PM
لا نقول سوى حسبنا الله ونعم الوكيـــــــــل ,,, ولكل من كانت له يد في الفساد فحسابه عند الخالق عز وجـــــــل ,,, ولكن السيد / عمر حسن كان له فضل بعد المولى عز وجل في ما شهدته البلاد من عمران في الفتره الاخيره


ردود على ابوالقاسم معتصم
Sudan [سجيمان] 10-13-2010 11:56 AM

اننا دولة افريقية غنية بكل شى ...معادن .. ماس .. دهب ..بترول..زراعة ..حرامية..جربندية...مطبلاتية...كل شى موجود عندنا ويا بختنا...

اخوانى الكرام...تقدر تقولو لى من هو الذى حكم السودان ومات وهو نظيف...اللهم الا قلة لا تتجاوز اصابع اليد الواحدة..ولذلك الفساد موجود موجود يا ولدى...

طيب ان اراد البشير ان يعمل ما عمله صدام حسين فى التخلص من الحرامية لقالو انه دموى وعنيف وان اغمض جفنه فهو ادارى فاشل...ماذا يفعل

Saudi Arabia [قرفان خالص] 10-03-2010 04:44 PM
((كلكم راع وكلكم مسؤول عن رعيته، فالإمام راع ومسؤول عن رعيته، والرجل راع

في أهله ومسؤول عن رعيته، والمرأة راعية في بيت زوجها ومسؤولة عن رعيتها،

والولد راع في مال أبيه ومسؤول عن رعيته، والخادم راع في مال سيده ومسؤول

عن رعيته، وكلكم راع وكلكم مسؤول عن رعيته)).

(((لو عثرت بغلة فى العراق لسئلنى عنها الله لما لم تمهد لها الطريق يا عمر?

ولى)))

يا ابا القاسم تذكر بان الله سائلك عن هذ النفاق فسيدك/ عمر البشير مسئول امام الله

اولا وامام الشعب عن كل هذا فبشيرك هذا حسابه عند الخالق عز وجل في يوم لا ظل

الا ظله وقبله حسابه عسير وكثير عند شعبنا في الدنيا..

أخخخخخخخخخخخخخخخخخ


#30000 [الحافظ المعراج ]
3.50/5 (3 صوت)

10-03-2010 12:56 PM
يمكنك ان تأخذ كاميرا وتذهب وتتحقق بنفسك في كافوري وفي كل الشركات الوارده اعلاه ..ان كان الأمر يهمك من جهة البحث عن حقوقك كمواطن ، والدفاع عن حقوق اهلك وجيرانك وكل مواطن سوداني..
اما اذا كان همك الدفاع عن النظام فلا نعتقد انهم في حوجة اليك ، فوجودك او عدمه لا يضيف اليهم شيئاً.


#29983 [بانقا جاهوري]
2.25/5 (3 صوت)

10-03-2010 12:27 PM
في ذمتكم بلاد الكفر نحن ولا اوربا....فيييييييييييييييييي ذمتكم


#29949 [3aber sbeel]
1.00/5 (1 صوت)

10-03-2010 11:26 AM
حاضر
ولك التحية


#29912 [مجتبى محمد أدم]
1.50/5 (3 صوت)

10-03-2010 10:10 AM
ست الشاي أشرف


#29904 [حقاني]
1.00/5 (1 صوت)

10-03-2010 09:57 AM
وين القاتل زبير الجبهة وينو المجرم شمس الدين.


#29879 [معتصم]
3.00/5 (2 صوت)

10-03-2010 09:24 AM
لعلم الاخوة الشرفاء إن (ابوكوج والمعلم وابواحمد وطلب سريان ونادر وابوالشيماء ) من ابناء المؤتمر الزين تدفع لهم مرتبات للرد على الشرفاء إنم غد لناظرة قريب


#29847 [الاشعرى]
1.00/5 (1 صوت)

10-03-2010 08:07 AM
الاخوة بالراكوبة التى ذادت معرفتنا بالكثير عما يحدث من فساد بواسطة حرامية الانقاذ نرجوا من الشرفاء منكم وليس المنتفعين وحارقى البخور والذين يدعون الوطنية الانقاذية وليست السودانية ان يكتبو لنا عن فساد هولاء االجماعة الفاسدة الفاشلة
كما اقول لناس ابوكوج والمعلم وابواحمد وطلب سريان ونادر وابوالشيماء وغيرهم ان يتقو اللة فى دفاعهم المستميت عن هولا المفسدين الحرامية
وانا متاكد لن يدافع عنهم الا منتفع والطوفان قادم


#29835 [yuram]
1.00/5 (1 صوت)

10-03-2010 06:53 AM
حرامى حرامى بشو حرامى
بالطول و العرض بشو حرامى و بس
الشريعة يا ريس
الشريعة يا بشبش اب شبشب
وين علماء الدجل و البهتان افتونا يا ناس
النقط نقط
يا ابوكج و المعلم و ابو الشيماء شكلكم
كده من حوش اهل الريس
وين الكرامة و الشرف



#29820 [mohammed mustafa]
2.50/5 (3 صوت)

10-03-2010 03:57 AM
يا اختي الكريمة اللة يكتر امثالكِ الي الحقيقة يا اشرف نساء الكون و شكراً


#29788 [وطن الجدود]
1.00/5 (1 صوت)

10-03-2010 01:05 AM
؟


#29769 [السم النقع]
3.00/5 (2 صوت)

10-02-2010 11:47 PM
دعاء على دعاء الله يا الله علينا الدعاء وعليك الاجابة اللهم ياحنان ويامنان كل من حكم السودان وكل من أتمن على مال مواطينين السودان من رئيس او وزير او حتى غفير وكل من خان امانته وحنث بقسمه ولم يجعل المواطن السوداني اكبر همه وخدم على راحته وهيئ له اسباب راحته ورفاهيته وسكت عن فساد من حوله و من اخذ مال من مواطن سوداني سواء والي او حاكم او حتى رئيس لجنه شعبيه بغير وجه حق اللهم اجعله صغيرا في عين نفسه وأهله وعشيرته والسودان قاطبه اللهم ارينا فيه عجائب مقدرتك اللهم اجعل الزل في من ورثهم والمرض والفقر بناصيتهم والله يالله نسألك ياملك الملوك كل من اراد ان يحكم السودان من اجل مصلحته او مصلحة حزبه او عشيرتة دون راحة المواطن السوداني ورفاهيته وعزه اللهم رده خائب وارسل له كل المصائب ومن كل انواع العذاب الواصب اللهــــــــــــــــــــــــــــــــــــم آآآآآآآآآآآآآآآآآآآآآآآآآآمييييييييييييييييييييييين يـــــــــــــــــــــــارب العــــــــــــــــــــــــــــــــــــــــــــــــــــــــــــــــــــــــــــــــــــــــالمين.


#29725 [هرون]
2.63/5 (5 صوت)

10-02-2010 09:14 PM
البشير لما إستولى على الحكم قال لو سمنت حاسبوني
والآن وييين وييين ثراء فاحش والشعب المغلوب على امرو
تعبان وجوعان وهلكان
أنظروا بس لظروف الغلابا في برنامج رانيه هرون ناس معدمين
يعيشون على عرق جبينهم ورزق اليوم باليوم يصادروا بضاعتهم
وناس ما لاقية شغل وحسب علمي إن كثييير من إنتخبوا البشير
في الانتخابات الأخيرة لماذا ايها السادة؟؟؟؟؟؟؟؟
الكل يقول البشير الكل يقول الشجرة
أصحوا ايها الشعب
لايغير الله ما بقوم حتى يغيروا ما بأنفسهم
تحركوا تحركوا


#29681 [زول]
5.00/5 (2 صوت)

10-02-2010 06:48 PM
اميييين ناس الضياع الوطني افتكهم يارب انهم قتلوا ابي ظلما عارف باالله ياحرامي ياقاتل منكم لله لو القتل ماحرام ان انتقمت بطريقتي وابي ب 100 منكم ومن اهل يابديري يامتهور


#29679 [دكتور.علي عبدالله]
0.00/5 (0 صوت)

10-02-2010 06:43 PM
نرجو من الاخوة في الراكوبة الجريدة اللكترونية الاولي في سودان الجميع مش سودان الموتمر المقسم ان يعرضوا او يثبتوا هذاالمقال في البداية الي ان يرحل هولا الشياطيين وحسبنا الله ونعم الوكيل


#29674 [ام محمد]
5.00/5 (1 صوت)

10-02-2010 06:28 PM






يا ناس دعوا الخلق للخالق.......فلا علم لكم بالغيب والارزاق الا الله سبحانه وتعالى.....

وبعدين اذا بديتوا برنامج السؤال والمحاسبة ومن اين لك هذا...فليبدأ كل منكم بسؤال

نفسه اولا وما فيش حد بيقيف على دخل واحد ولا مصدر رزق واحد كل الناس بتسعى ومش معلم الابتدائية وحده اللي بيسعى ......ولا علشان هو بقى اخو ابونا عمر البشير تحاسبوه وتسالوه؟؟؟؟؟ياخي ستات الشاي صاحبات املاك وسيارات....بس قولوا الفلس حارقكم والكسل قتل قلوبكم وكسر مروتكم وكمل عافيتكم

اتقوا الله يا مؤمنيييين


ردود على ام محمد
Saudi Arabia [abusafarouq] 10-03-2010 06:15 AM
يا أم محمد الناس فى شنو وأنتى فى شنو . الناس قالو الحكومة أكلت البلد وتقولى ستات الشاى عندهن سيارات ده من عرق جبينهن مش عرق الشعب الغلبان وبعدين توفر قوت عيالها بمراوقة مع كلاب الانقاذين إنتى أتق الله فى نفسك يا مؤتمرجية شغالة ديمة الناس ما لاقية حق الاكل من التهميش والتشريد من الوظيفة وتتكلمى فى كسل الناس ووظائف الدولة كلها أملت بنساء القبلية والجهوية والمحسوبية وست الشاى دى أشرف واحدة لأنها متعلمة لكن ماعندها حظ وظيفة فى ظل حكومة الانقاذ الفاسد وبعدين أنتو 21 سنة فى وظيفة حكومية أصلحت وضعكم وأهليكم دون الاخرين من الشعب لماذا تتباكين علينا وتتهميننا بالكسل لأن الشغل وجدت لكم من دون الاخرين أمرهى يا أختاه وغدا لناظره غريب الله يصلح حال أهل السودان جميعا دون تفريق وأتقين الله دعينا فى همنا منتظرين فرج الله بإذالتكم من جذوركم

Saudi Arabia [abusafarouq] 10-03-2010 06:10 AM
يا أم محمد الناس فى شنو وأنتى فى شنو . الناس قالو الحكومة أكلت البلد وتقولى ستات الشاى عندهن سيارات ده من عرق جبينهن مش عرق الشعب الغلبان وبعدين توفر قوت عيالها بمراوقة مع كلاب الانقاذين إنتى أتق الله فى نفسك يا مؤتمرجية شغالة ديمة الناس ما لاقية حق الاكل من التهميش والتشريد من الوظيفة وتتكلمى فى كسل الناس ووظائف الدولة كلها أملت بنساء القبلية والجهوية والمحسوبية وست الشاى دى أشرف واحدة لأنها متعلمة لكن ماعندها حظ وظيفة فى ظل حكومة الانقاذ الفاسد وبعدين أنتو 21 سنة فى وظيفة حكومية أصلحت وضعكم وأهليكم دون الاخرين من الشعب لماذا تتباكين علينا وتتهميننا بالكسل لأن الشغل وجدت لكم من دون الاخرين أمرهى يا أختاه وغدا لناظره غريب الله يصلح حال أهل السودان جميعا دون تفريق وأتقين الله دعينا فى همنا منتظرين فرج الله بإذالتكم من جذوركم


#29656 [جنوب الخليج]
2.50/5 (4 صوت)

10-02-2010 04:57 PM
حدثني من اثق فيه ان المركز الذي اقامه البشير للعارف بالله والده حسن احمد البشير قد كلف مبلغ يمكن ان ينشئ 100 مستشفى واكثر من 1000مدرسة..

ادعو معي :امممممممممممممميييييييننننننننننن

اللهم يا حنان يا منان أخسف بمن قتل الشعب السوداني وشرده وبدد امواله بالحرام
اخسف به الارض

اللهم زلزل الارض من تحت اقدامهم ودك عروشهم كما اذاقونا الويل والعذاب

اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك

نتضرع اليك يا رب العزة والجلالة ان تقتص منهم في الدنيا قبل الآخرة وتجعلنا نشهد ذلك بعيوننا نحن قبل اولادنا..


#29604 [ام طارق]
5.00/5 (3 صوت)

10-02-2010 02:49 PM
حدثني من اثق فيه ان المركز الذي اقامه البشير للعارف بالله والده حسن احمد البشير قد كلف مبلغ يمكن ان ينشئ 100 مستشفى واكثر من 1000مدرسة..

ادعو معي :

اللهم يا حنان يا منان أخسف بمن قتل الشعب السوداني وشرده وبدد امواله بالحرام
اخسف به الارض

اللهم زلزل الارض من تحت اقدامهم ودك عروشهم كما اذاقونا الويل والعذاب

اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك اللهم ارنا فيهم عجائب قدرتك

نتضرع اليك يا رب العزة والجلالة ان تقتص منهم في الدنيا قبل الآخرة وتجعلنا نشهد ذلك بعيوننا نحن قبل اولادنا..


#29540 [عثمان عمر الطيب]
5.00/5 (1 صوت)

10-02-2010 12:55 PM
خلاص قضى الامر لكل من يؤمن ويعتقد بالبشير ويصدقه انه رجل ثعلب يعرف كيف يضحك على عقول الشعب السودانى البسيط هل فكر البشير وأخوته والعصبة الحاكمة يومأ بالعجزة والمرضى الزين يموتون يوميا فى معسكرات الزل والهوان فى دارفور لعدم توفر الدواء والعلاج المناسب هل فكر البشير وأخوته وعصبة الشر يوما فى ايجاد الماء الصالح للشرف فى الشرق وكردفان هل فكر البشير واخوته وعصبة الشر يوما من الحوداث المميتة التى تحصل لأهلنا البسطاء فى الولاية الشمالية بسبب وعورة الطرق وعدم الاهتمام الكافى بتحسينها او اعادة سفلتتها هل فكر البشير وأخوته والعصبة الحاكمة يوما فى عدم توفر ادوية الملاريا والسل فى جنوب السودان وهو الزى ينتج البترول السبب المباشر فى ثرائهم الحرام هل فكر البشير وأخوته وعصبة الشر يوما فى توفر الكهرباء المناسبة لأهلنا فى ولاية الجزيرة من اين لكم هزا اخوان البشير الا تستحوا من الشعب السودانى وانتم كنتم قبل عشرين عامة فقط حفاة شبه عراة بغض النظر ممن كان طبيبا اوخلافه اما زال البعض يؤمن ويصدق بالمؤتمر المتواطى والبشير بعد اكلهم اموال الشعب السودانى بالباطل هل سأل احد من اخوة البشير نفسه هل كان سوف يكون مليارديرأ لو ان اخوهم البشير لم يصبح رئيسا من اين سوف تهربون من حساب وسؤال الله سبحانه وتعالى ام حسبتم ان البشير سوف يتوسط بينكم وبين الله لانه الرئيس والله أن الله سبحانه وتعالى هو العدل الجبار القوى العزيز لا يوجد مخرج او مفر لكم زلك اليوم اللهم دمرهم وشتت شملهم اللهم أرنا قدرتك وعزتك فيهم اللهم اجعل كيدهم فى نحرهم اللهم أزقهم الزل والهوان بقدر ما أجرموا بحق الشعب السودانى البسيط العفيف الشريف أن الشير استخف قومه وشيعته من المؤتمر الغير وطنى فأطاعوه فأصبحوا الان نادمين وصلى اللهم على حبيبنا وسيدنا محمد عليه أفضل الصلاة والتسليم القائل(لو ان فاطمة بنت محمد سرقت لقطع محمد يدها ) لانه يعرف تماما ان ربك لن يظلم احدا ولا نامت أعينكم أخوة البشير وكل أبالسة ولصوص وحرامية المؤتمر الواطى


#29518 [عبد الله]
0.00/5 (0 صوت)

10-02-2010 12:22 PM
لست فى حاجة لاثبات اقامتى بجدة0 الذين استنكرو وجود حافلات اتحداكم ان نلتقى اليوم فى باب شريف شارع الدهب 0 لن اصف احد بما وصفنى اذا انا مثلة0 يوجد خط المكرونة بافيل يوجد خط كيلو 14 يوجد خط الرويس0 وانا ايضا ياسومى العسل كلما اجد لك تعليق لازم اكتب حتى اثبت بانه لا علاقة لك بالعسل


ردود على عبد الله
Saudi Arabia [قرفان خالص] 10-02-2010 07:44 PM

يعني عايز تقنعني يا عبد الله انو اخو البشير ركب حافلات جدة المهترئة!!

يا عمك الحافلات دي ما بركبوها الا البنغالة والهنود والناس المنتهين نهاية مرة ..زي

ما قالو ليك ود جدة وجار ود جدة ...

ياخي خاف الله ربك .. يا راجل

اكاد ان اجزم بانو مافي سوداني مقيم في جدة بركب حافلات جدة مهما كان وضعه

لانو اي سوداني مقيم بمتلك سيارة حتى ولو كانت كهنة وخردة والما عنده سيارة

بركب لموزين او دباب لانها رخيييييييييصة !!

وصاحبك اخو البشير دا معقولة ما عندو قرايب ولا معارف في جدة عندهم سيارات ..!!!

وقسما وعظما انت اكبر كضااااااااااااااااااااااااااااب .

أخخخخخخخخخخخخخخخخخخخخخخخخ


#29484 [ابــــوعــــــــمــــــــــر]
0.00/5 (0 صوت)

10-02-2010 11:23 AM
اين انت يا عمر بن البشير من عمر بن الخطاب او عمر بن العزيز ؟؟
لك الله يا وطنى ولكم الله يا مواطنى الوطن .. اصبح الناس فى الاونة الاخيرة يدعون على الانقاذيون الذين اكلو حق البلد وخيراتو بس نرجع نقول مين الفرعنك يا فرعون يقول ما لقيت البحوشنى ... كل الشعب طبل ونافق للانقاذ فالكل يريد ان ياكل عيش حتى ولو على حساب غيرو .. والكل بقول مالى ومالهم نفسى نفسى واصبح كل المال الحايم فى السوق مال حرام و الكل بقا ياكل منو بحجة ( احسن اكلو انا من ياكلو غيرى ) يا حليل زمان وايام زمان قالو الشيخ فرح ود تكتوك جاهو واحد قال ليهو يا شيخنا انا ببيع لبن ومافى زول بشترى منى الشيخ قال ليهو زيدو موية وبالفعل زادو واتباع كمية تانى يوم واليوم التالت ملا الوعاء كلو موية وشوية لبن واتباع بسرعة خيالية ورجع الراجل للشيخ فرح وقال ليهو لييه اتباع بسرعة رد عليه فرح لانو القروش الفى السوق كلها حرام وما بختلط الحرام والحلال يذهب الحرام حيثما اتى ،، وفى عهد نميرى رحمه الله عندما كان الوزراء اشراف وكل موظفى الدولة ياكلو الحلال وعندما خططو مدينتى الرياض والمنشية لم ياخذ ولا اى شخص منها قطعة ارض وللان من خططو هذين المدينتين لا يمتلكون فيها مترا واحدا ،، يلا تعالو شوفو الانتقاذيون الواحد بشترى الاراضى كلها وبخططها وببيعا للمواطن كما فعل المتعافى الحرامى بالجريف شرق عندما جاء بها كبرى المنشية اشترى هو واخوانه كل الاراضى وتم بيعها بعد الكبرى باضعاف اضعاف اضعاف سعرها الحقيقى ( للمعلومية ، فى بيوت بتاعت وزراء وكيزان كبار من ضمنهم كرتى ووالى كسلا و و و و بيوتهم فى الشارع بتاع الكبرى وجاتهم قرارات ازالة عشان الشارع يكون مستقيم ولكن رفضو ) ونرجع ونقول كل مننا نحن الطلعناهم فى راسنا

لله درك يا وطن
لله درك يا عمر يا من اتيت الى الدنيا ولم تجد مجانية التعليم والصحة وال..... وال .. وال

سودانى مغبوووووووووووووووووون

ابوعمر


#29457 [مجاهد ]
5.00/5 (1 صوت)

10-02-2010 10:20 AM
يمكنك التحقق بنفسك فيما ورد


#29439 [ود السائح ]
3.00/5 (1 صوت)

10-02-2010 09:47 AM
؟


#29401 [ابناء صراصر الشرفاء]
0.00/5 (0 صوت)

10-02-2010 08:39 AM
سلام جاكم من بلد النضال والصمود
اولا كنت اريد ان ارد علي موضوع فساد ال البشير ولكن زميلي صراصر لم يقصر
وانا الان احب اضيف قليلا عن تلك القرية الحمراء التي تعد من احد القلاع الحمراء بالسودان وليس بالجزيرة
صراصر حافلة بالتاريخ الذي يرفعها في مناص القري بل والمدن , تاريخ من زمن ود حبوبة الذي ناضل ضد الانجليز في منطقة الحلاوين وهي علي بعد كيلومترات من صراصر ( ذكر في كتب التاريخ المدرسية وليس من عندي ) ان هناك مناضل اسمهو ( موسي ود مختار) وللتوضيح اكثر هو جد كل من الاستاذ / محمد بله والاستاذ / بابكر بله , مرورا بعدد من نضالات اهل القرية ضد الانجليز حيث كان مزارعي اهل القرية لا يرضون الظلم والاتهاض من انجليزي مر عليه بالمزرعة وامره بامر يمس كرامته فكان ذلك المزارع بعد يوم او يومين كان قد دفن ذلك الانجليزي في ارضه ولا احد يعلم ذلك سوا المقربون من اهله ( لا خوفا من الموت ولكن خوفا علي اهله واولاده من بطش الانجليز ) .
مرورا بحكم عبود تم تعذيب كل الشرفاء بالقرية وعلي فكرة لم يكونو عدد يستهان بهم .
اذا بدات اتكلم عن تاريخ صراصر لاحجت الي كتيب , ولكن نحن ابناء صراصر الشرفاء نوعدكم عن ذهاب حكم الطاغوت واهله سوف تجدون كتيب وموقع اكتروني فيه كل التاريخ الذي يشرفنا .
وعلي فكرة جد انا بشكرك علي ذكر اسم صراصر في فساد ال البشير , وذلك لتوضيح بعض الحقائق التي تخفي علي الناس وذلك للفترة التي حكمها نميري الـ 16 سنة كانت خصم من تاريخ صراصر والان حكم البشير 21 سنة .......................................................اهههههههههههههههههههه ( الحمد لله ) .
علي اي حال احب اقول للكاتب والقراء يا ريت لو ما عاوزين تقروا عن صراصر اسالو فقط وسوف تجدو الردود التي تاكد نضال وشرف وبطولات تلك القرية الصغيرة . وعلي سبيل المثال لا للحصر اسالو الاستاذة / فايزة عمسيب والدكتور / عمر خالد ( صحة وعافية ) والاستاذ الموسيقار/ محمد وردي لانو تغني لها في حفلة بناء او اكتمال او حفل خيري لدعم نادي صراصر وذلك في زمن بعيد خالص ما اذكرو التاريخ بالضبط ولكن تقريبا في السبعينيات


ردود على ابناء صراصر الشرفاء
Qatar [سوداني مغبون] 10-02-2010 11:15 AM
من هذا المنبر----نحي كل ناس صراصر الشرفاء---

معا يد واحده لزوال الطغاه---

ان الفجر لات--وان الفجر لقريب


#29381 [العطبراوي]
5.00/5 (3 صوت)

10-02-2010 07:57 AM
يجب التحقيق مع هذا الشوقي - للوقوف على هذه المعلومات فان اصبحت زورا وبهتانا - يجب ان يقدم الى محاكمة علنية يشهدها القاصي والداني حتى يعلم الناس ان تكون معارضا ليس لك الحق في ان تقدح في نزاهة الحاكم أو عدله - أما ان كان ذلك حقيقيا - وأشك في ذلك - فليقدم البشير كذلك الى محاكمة علنية امام الشعب - فهل من مجيبب


ردود على العطبراوي
Ukraine [احمد] 10-02-2010 11:48 AM
حقه تقيف في زورك انشاءالله وانا لسه بقول انوا النظافه لمن تجي مفروض الناس تبدا بالزيك ديل لانهم عاله علي العباد ...وهم اخير ميتتهم من حياتهم

Saudi Arabia [قرفان خالص ] 10-02-2010 10:35 AM
يا عطبراوي يا حليلك وحليل عطبرة النضال ...

انت عايز تحاكم شوقي عشان قال الحقيقة المعلومة للقاصى والداني !!!!

معناة كلامك انت عايز تحاكم الشعب السوداني كله عشان عارف الحقائق المرة دي

((وما خفي اعظم ) ..

وبعدين انت بتشكك في الحقيقة دي وبتقول لو كانت كذلك فليقدم البشير لمحاكمة !!

البشير بتاعك دا خليهو يتفكفك من اوكامبو في الاول ولو خرج بالسلامة خليهو يجينا

نحن عشان نحاكمو باقي المحاكمات ..

أخخخخخخخخخخخخخخخخخخخخخخخخ



#29363 [ebraheemshreef.]
0.00/5 (0 صوت)

10-02-2010 06:10 AM
ماهي اصلها بلدماعندها وجيع اجيها اي وضيع وابقه شريف نسال الله السلامة وربنا يخلص حق المواطن المسكين ده وده ملف واحد وين باقي ملفات باقي العصابة


#29356 [سوداني مغبون]
1.00/5 (1 صوت)

10-02-2010 02:44 AM
السيد الصادق المهدي الذي يتهمونه - اليوم - باستلام مالٍ حرام يشبههم ويشبه سلوكهم وسرقاتهم، رفض في عهده الديمقراطي حتى راتب الحكومة، وكان حتى طعام غدائه – في مجلس الوزراء – يأتي من بيته ومن حرّ ماله، فأي وجهٍ للمقارنة بين هذا وذاك؟

السيد الصادق المهدي لم يبنِ بيوتاً فخمة ولم يؤسس شركات بملايين الدولارات، وهو على رأس هرم السلطة كما يفعلون اليوم، بل ولحظ الناس أنه أتى السلطة على حال، وتركها على حالٍ أخرى بانت حتى على وجهه وجسده من الهمّ العام الذي حمله على كاهليه، على عكس \"رئيسهم\" اليوم، الذي جاء إلى السلطة على حال، وهو - اليوم - على حالٍ أخرى من الدعة والنعيم، على الرغم من مسلسل القتل في دارفور، وعلى الرغم من أنه أضحى أشهر ملاحق - جنائياً - في العالم


#29340 [Southern Sudan]
0.00/5 (0 صوت)

10-02-2010 12:24 AM
God help Sudan
the situation is very bad


#29296 [نبوية ]
4.50/5 (3 صوت)

10-01-2010 08:51 PM
ليكم حق تغنوا

في حماك ربنا في سبيل ديننا
لا يروعنا الفناء فتول نصرننا
واهدنا الى السنن

دي هنبتة شنو دي ياناس


#29295 [قاسم خالد]
0.00/5 (0 صوت)

10-01-2010 08:40 PM
الأخ السم النقع : أنا لم أقصد الإساءة إليك بأي حال و إذا فهمت المسألة هكذا فأنا آسف جداً ... لكن ما الذي قصدته من قولي إن زمن جدك (و هو بالمناسبة زمن جدي أيضاً) كان زمن القمل و الطاعون ؟ قصدت أنه كان زمن متخلف قياسا على زمننا هذا ، فكيف يثور أناس شبعانين مرتاحين لا يحسون بالظلم ؟ ألا ترى معي أنه تحليل فطير؟ إلى متى نظل أسيرين لحِكم (بفتح الكاف) لا تصلح لزماننا لمجرد أن قالها أجدادنا .. و لك الود و الإحترام .


#29284 [السم النقع]
0.00/5 (0 صوت)

10-01-2010 07:47 PM
فقط الى قاسم خالد والنورس زمن جدي ده كان زمنك وزمن جدك هل مات ابوك ولا جدك بالطاعون والقمل والجرب كيف جيت للدنيا ولا انت مولود بالتبرعم لو بتعرف التبرعم لو مابتعرفو اسأل عنه اي استاذ علوم وبعدين انا بتكلم عن كل الحكومات الحكمت السودان بما فيها الانقاذ ياسيد والفساد الكان موجود فيها وبعدين انا بتكلم عن السودان ما لي ومال الدول البره انا بتكلم عن راحتي ورفاهيتي انا ولاعاوز حكومة اجنبية تحكمك على سبيل الاعارة معنى كلامك ده انو السودان بطوله وعرضه مافيهو زول مؤهل ليحكمه (لخدمة المــــــــــــــــــــواطن ورفاهيته ورفاهيته دي ركز عليها شديد لانو مابقبل بأقل منها) واذا انت بتقصد انو فترة الاحزاب كان المواطن بينعم بالرفاهية والعز وكان المواطن عزيز مكرم جوه السودان وبره السودان خصوصاً الدول البتكلم عنها النورس اذا انت كدي يا أخوي اذا انت عندك عداء (شخصــــــــــــــــــي) مع حكومة الانقاذ وأنك زي برضو ماقــــــــــــــــــــــــــــــال جــــــــــــــــــــــــــدي لا بيهمك وطن ولا مواطن وبعدين اقول ليك انو المواطن السوداني ما محتاج توريه فساد حكومة الانقاذ لانو المواطن السوداني ماأعمي و لا اطرش ولا عايش في الزفة وزيادة على تعليقي السابق اذا كان ثورة عبود برضوووووو زي ماقال جدي ثورة شبع فإلى الثوار لأحرار الجائعين والرابطين على بطونهم الطوب والصخر من شدة الجوع راجين شنو على حكومة الفساد دي ولا راجين لما تشبعو.


#29255 [حداثة]
1.00/5 (1 صوت)

10-01-2010 05:55 PM
كلام عجيب قرئات في الصحف قبل يومين ان انه ارباح البترول في شهر اغسطس فقط 400 مليون دولار اتاري القربة مقدودة بي هناك
طيب والحل شنو يا شوقي ؟؟؟ طيب انه اري انه بعد كدا يلتفتو للمساكين زي ما يعملو الملوك العرب لانه شبع ه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية

تقييم
5.00/10 (518 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة