الأخبار
منوعات
عقد قران "صلاح ادريس" علي"نضال حسن الحاج"
عقد قران "صلاح ادريس" علي"نضال حسن الحاج"
عقد قران


10-07-2012 05:29 PM
الخرطوم

احتفل رجل الأعمال الأشهر، والقطب بالحزب الاتحادي (الأصل)،ورئيس نادي (الهلال) السابق السيد "صلاح أحمد إدريس" (الأرباب) بعقد قرانه أمس (السبت) على الشاعرة المعروفة والكاتبة بصحيفة (المجهر السياسي) الأستاذة "نضال حسن الحاج" بين أهلها وعشيرتها بقرية " أبو مريخة" بمنطقة غرب المناقل بولاية الجزيرة، وأوفد "الأرباب" شقيقه الأكبر "عبد الكريم أحمد ادريس" وأشقاءه وأخواله وأعمامه - نحو (13) شخصاً - إلى قرية "أبو مريخة" لإتمام مراسم العقد الذي جرى عقب صلاة الظهر ، وسط حفاوة وكرم أهل المنطقة الذين تباروا في الاحتفاء بأهل العريس، مرددين عبارات المدح والثناء على أسرة "الأرباب" وقال بعضهم : (نضال جابت رجال).
وتابع العروسان "صلاح" و"نضال" مراسم العقد عبر الهاتف من "جدة" بالمملكة العربية السعودية، وأم درمان الثورة عبر مكالمة جماعية ربطتهما بمكان العقد، حيث استمعا سوياً إلى التهاني والتبريكات والزغاريد التي أحالت (أبو مريخة) إلى (صيوان فرح) كبير.
وتشير (المجهر) إلى أن أول لقاء جمع السيد "صلاح إدريس" والأستاذة "نضال" كان في العام 2008م في نادي "الهلال" حيث كانت تشارك في أمسية شعرية ضمن البرامج الثقافية للنادي، وأبدى"الأرباب" إعجابه بالشاعرة الشابة، ثم تابع مسيرتها الشعرية عبر الفضائيات والصحف، إلى أن حطت بقناة (قوون) عبر برنامج (قهوتنا) الرمضاني قبل وبعد أن آلت ملكية القناة للأرباب.
وتكشف(المجهر) أن تعاوناً غير معلن تم بين الشاعرة "نضال" و(الملحن) صلاح إدريس حيث قام بتلحين (9) أعمال من كلمات الشاعرة، لم تر النور بعد، أبرزها قصيدة يقول مقطعها :

(نتلاقى كيف ومتين ووين
ميعادنا في قلب الرحيق
في سكة الفرح السجين
والزهرة شاكلت الفراش
طلق ربيعها الياسمين
وأنا واندهاش الفكرة بيك
نترجى في الزمن الحزين
نتلاقى كيف. ومتين ووين؟)

وقالت "نضال" لـ (المجهر) أمس عقب عقد القران إن الوسط الأدبي والفني هو الذي ربط بيني والأستاذ "صلاح" وأكدت (المال لم يكن هاجساً يوماً بالنسبة لي، حيث تقدم لي عدد من رجال المال والأعمال خلال السنوات الفائتة)، وأضافت: لكن احساسي العميق بشخصية "صلاح" المبدعة والفنانة هي التي جذبتني، وكانت الفيصل لاتخاذ قرار الموافقة على الزواج.
وعلمت (المجهر) ان مراسم الزفاف ستكتمل خلال الأسابيع القادمة بعد عودة العريس من جدة.
وتأكدت (المجهر) من أن زوجة الأرباب (الأولى) سيدة الأعمال والسياسية عضو المجلس الوطني الأستاذة "كوثر ابراهيم النعيم" كانت على علم وأبدت موافقتها على الزواج.

"نضال حسن عبد الله" وهذا اسمها الحقيقي ولدت بالثورة الحارة الرابعة، وتنقلت في دراستها الأولية بين "الثورة" و"الجزيرة اسلانج" وانتقلت إلى معقل الأهل ببلدة "أبو مريخة" وهي في الخامسة عشر من العمر، حيث تشربت بالتراث الشعبي وأدب البطانة.
وأظهرت "نضال" نجومية لافتة في كتابة العمود الصحفي بلونية مختلفة، بعد أن دعاها الأستاذ «الهندي عز الدين» إلى الكتابة بصحيفة (الأهرام) وانتقلت معه إلى صحيفة (المجهر) لتنتظم في كتابة زاوية بالصفحة الأخيرة بعنوان (نوافذ).
طريقة نضال الأدبية في كتابة العمود أدهشت آلاف القراء، من السودانيين والأجانب، وأشاد بها الشهر الفائت سعادة السفير السعودي لدى السودان "فيصل بن حامد معلا" الذي طالبها بجمع مقالاتها النثرية في كتاب مؤكداً لها خلال دعوة رسمية بمكتبه أن مستوى كتاباتها لا يقل عن أدباء وأديبات وكتاب عالميين.
رئيس مجلس الإدارة الأستاذ "الهندي عز الدين" وأسرة (المجهر) يزفون التهاني إلى زميلتهم "نضال" وللسيد "صلاح أحمد ادريس" وبارك الله لهما وعليهما وجمع بينهما على خير.

المجهر


تعليقات 82 | إهداء 0 | زيارات 80799


صفحة 1 من 212>
التعليقات
#503583 [عاصم]
3.53/5 (11 صوت)

11-05-2012 10:31 PM
والله الف مبروك على زواجكم يا جماعة ده زواج مش حاجة تانية البنت تزوجته على سنة الله ورسوله وعلى شرع الله. ليه الكلام الفاضي ده يا ناس كلامكم ده قولوه لناس ديك وا أسفاي على شبابهم اما نضال يعني عشان العريس صلاح ادريس لو كان واحد تاني عمره 100سنه ما كان جبته خبرها واخيرا البت ما سوت شين البت سوت زين والله يبارك لهم الاثنين


#503252 [نقرو نقر]
3.20/5 (14 صوت)

11-05-2012 02:53 PM
الارباب 65 والبنية 25 يعني الفرق حوالي 40 ،،، عشان كده الموضوع عاوز حديدة سنينه مش كرفته آسف (قُطرة)


#502962 [wad alskeikh]
3.95/5 (14 صوت)

11-05-2012 09:41 AM
الباقى دا ماتخلو لينا نحن العزابة ديل ياصلاح ادريس


#501670 [عبدالحليم جنو ب افريقيا]
2.80/5 (13 صوت)

11-03-2012 05:53 PM
قسمة و نسيب


#500742 [ابوفيصل]
4.06/5 (17 صوت)

11-02-2012 11:59 AM
والله اصابتنى الدهشه من هذا الزواج .. ولكن الله اعلم من منهم المستفيد.................................؟


#497276 [مصطفي الخفاش]
3.13/5 (17 صوت)

10-28-2012 05:43 PM
ألف مبروك للعريسين وبيت مال وعيال وحياه زوجيه سعيده اللهم بارك لهم في زواجهم الميمون اللهم اذا دعاها صلاح اطاعته واذا غاب عنها حفظته.


#497130 [خالد برعي]
4.59/5 (12 صوت)

10-28-2012 10:57 AM
البت دي دقست دقسه كبيرة! صلاح ادريس شنو ووهم شنو؟ حقيقة كنت معجب بيها لكن الزواج ده قلب الموضوع.ليه يانضال السودان مليان شباب زي الورد وزي الاسود البتتغي بيها في شعرك.
الوداك شنو للسكه المضلمة دي مع راجل قدرابوك مليئ بالتناقضات وانت البت الزي زهرة الصباح مليئة بالرحيق.
عليهو العوض ومنو العوض؟؟؟؟!!!!.


ردود على خالد برعي
Saudi Arabia [نجم] 11-04-2012 04:13 PM
انت يا ود برعي ماشي بعيد مالك ما شفت الحصل لي افراح عصام واحمد المك


#493809 [كاسنجرابى]
3.91/5 (13 صوت)

10-23-2012 07:08 AM
لو كان شعرى شعيرا لاستحسنته الحمير لكن شعرى شعورا فهل للحمير شعور ،،،،،،،،، الشعب السودانى فى زمن الانقاذ بقى هموا الاكل والشرب والجرى وراء لقمة العيش ،،،، خلاص اتحمرنا وما عندنا رأس للشعر والادب والفن ،،،، زمان كنا بنقرأ فى كل شهر كم ديوان شعر وكتاب لكن الآن همنا فى بطوننا وتربية الابناء ،،، ربنا يعيينا ومبروك للارباب ونضال


ردود على كاسنجرابى
United States [تاج] 10-27-2012 04:22 AM
كيف لك ان تكوني شاعرة ورقيقة وانتي تساعدين رجل لخيانة زوجته وتغدرى بها ،،، بإسم الدين
ويبارك الأغبياء ودافي الروؤس في الرمال ،،، هذا الرجل خان عقد الزواج الأول وغدر برفيقة عمره
واتعجب لهذه الشاعرة ؟؟؟ هل ستكون صادقة في وصف نفسها بالخائنة ام تقتصر بالفهم القاصر للدين

لا تقولي شعراً وكفى فانت لست بشاعرة بل خائنة


#493189 [amerali]
3.30/5 (8 صوت)

10-22-2012 09:57 AM
اجمل التهانى والتبريكات للعروسين الارباب صلاح ادريس والمبدعه نضال جعله الله زواجا ميمونا ورزقكم بالبنين والبنات وايه يا نضال ابداع خصوصا وان الارباب شاعر مرهف وملحن كبير


#492835 [الجعلي]
4.13/5 (9 صوت)

10-21-2012 04:17 PM
انا عرفت متاخر ... لكن قلت لازم ابارك للمبدعة نضال الحاج وربنا يسعدك في ايامك
الف مبروك وبيت مال وعيال............


ردود على الجعلي
United States [البروف] 10-24-2012 12:21 PM
يا الجعلي مالك ما باركت لود عمك صلاح ادريس
شينة منك وواضحة , مالو معاك ؟ قصر معاك في حاجة
ولا شنو ؟ طلبت منه قريشات ولا تعيين في وظيفة ورفض ؟
خلي روحك رياضية .
ألف مبروك للعريسين وعقبال الجميع العزابة والمتزوجين


#492641 [عماد ابوحراز غرب]
4.02/5 (7 صوت)

10-21-2012 11:00 AM
مبروووك للأخ صلاح ادريس بزواجه الميمون ان شاء الله من الشاعرة المرموقة الأخت نضال حسن الحاج لأنه هو رجل مواقف وشهم وكريم وشجاع ( جعلي بحق وحقيقة) ونتمنى أن يسعدهما الله ويبارك لهما ويجمع بينهما على خير ،


#492416 [الليلة وووووب !]
3.17/5 (10 صوت)

10-20-2012 10:44 PM
والله يا نضال اتمقلبت مقلب ماعادي تعرسي انتي داية بيو شنو انتي زولة محبة للشعر ودة زول انا زي الشايفو هايف كدة ماعارف


#488576 [عاطف]
4.58/5 (7 صوت)

10-14-2012 03:32 AM
الف الف الف مبروك والله انا سعادتي لا تقل عن سعادتهم واتمني لهم الخير ولدي سبب اضافي لهذا الفرح فهو سر خاص بي واتمني السيد الفاضل والقايد الفز والذي يفتخر به كل سوداني اصيل العريس صلاح ادريس فاياديه بيضاء علي كثير من اهلنا الغبش اتمني ان يجعل الله فرجي من مصايبي بعد هذا الزواج الكريم


#486027 [ابوكرنك]
3.60/5 (7 صوت)

10-09-2012 03:45 PM
هي تقول شعر وهو يلحن ناقصين فنان يغني


ردود على ابوكرنك
[العسيلاوي] 10-29-2012 08:40 PM
يا ابو كرنك انا شايف ( ندى القلعة فاضية)


#485590 [ياسرقطيه]
3.55/5 (12 صوت)

10-09-2012 01:58 AM
ثالثاً واخيرا يا سماره ي شينه ههههههههه اشكرك والله على دعاك الطيب لى أنو ربنا يخفف على رفسة نضال ولأنوا لا فى رفسه ولا فى ركلة ركنيه أصلاً ربنا يدخر لى دعاك الطيب ده لشاكوش قادم لا محاله يا من نهى عجاج يا حبى أو من ريان وريان دكتوره ي سمارا علاقتنا ماشه تمام التمام بت عمتى دكتوره زميلتا فكت ليها الشمار وقالت ليها ياسر ده متزوج ما يغشك !! شفتى الحساده والفتن ؟ هددت ريان إما الحقيقه كامله أو لا علاقه ووقفت على كده يعنى ده مشروع ( رفسه) جاهز بحسب تعبيرك لكن أحب أطمأنك يا حبى من كتر الشواكيش التى إنهالت على أم رأسى سنوات الدراسه الجامعيه وقبلها الثانوى بقى عندى مناعه طبيعيه ضدها .... بنسى الشاكوش بعد مضى 3 ساعات لا أكثر مهما كانت البت حتى ولو سمارا ذانتا ... فهمتى ي حبى ؟
أخيرا ضحكتك عسل يا سمارا ي شينه ههههههههههههههههههههههههههههههه
باي باي .


#485588 [ياسرقطيه]
4.29/5 (11 صوت)

10-09-2012 01:47 AM
ثانياً ي سماره ي شينه هههههههه م تزعلى بهظر معاك ..... (رفستك) دى تعبير شين جداً او بالاصح دى لغة حمير يا شابه ! إنتى حماره ؟ ههههههههههههه زعلتى المره دى مش كده ؟ معليش برضو حقك على ... معلق 3 مرات لانو المساحه ما كانت كفايه وكان يهمنى شديد أنى أقول رأيي فى نضال الشاعره التى أوفيتها حقها ونضال الصحفيه التى إنتقدت كتاباتهاوكان نفسى أقول ليها الكلام ده من زمان بس ما فضيت وأمس المناسبه جات يعنى يا سمارا لا كنت بتخبط ولا حاجه لو دايره تعرفى أنا مكسر وبتخبط صحى صحى بسيطه دى انا يا حبى ميت عديل كده فى نهى عجاج ! عرفتى ؟ نهى دى يا سمارا ي سمرا قاتلانى عديل كده ولو لقيتيها كلميها ما تنسى قولى ليها فى واحد صحفى غسمو ياسر قطيه وصفحتوا فى الفيس كده برضوا بالعربى ( ياسر قطيه) محلوج فيكى حلج ... إتفقنا ؟


#485586 [ياسرقطيه]
3.26/5 (15 صوت)

10-09-2012 01:31 AM
سماره علقت على تعليقى بالقول : شكلك كنت جارى وراها ورفستك ! مافى شيىء يخليك تعلق تلاته مرات وتتخبط بالطريقه دى مره تذمها ومره تمدحها بس نقول ليك ربنا يخفف ليك وجعك ... ثم أطلقت ضحكه رانانه هكذا هههههههههههههههههههههههههههههه وإختتمت بها التعليق !
حسناً سمارا ...’إليك الرد : تصورك الأول خطأ فى الحقيقه كانت بتعجبنى وبرتاح ليها بس ما فكرت أجرى وراها مع انى بلاقيها بصوره متباعده بعض الشيىء وتبادلنا أرقام التلفونات قبل سنتين بوصفها شاعره وأديبه وبوصفى كاتب صحفى متخصص فى الشأن السياسى والعلاقات العامه ورغم ذلك لم يهاتف احدنا الأخر إلا اليوم ويا لغرابة الصدف ! إتصلت عليها مهنئاً بعيد منتصف نهار اليوم وإستمرت مكالمتنا حوالى 40 دقيقه ! وماكنت جارى وراها ي سماره لأنى فى الأبيض وهى فى الخرطوم بالأضافه لكونى متزوج من إتنين ومرتبط بأتنين و(غاشى 3 فى الفيس ) ولا يكاد يمر يوم إلا وأتلقى عرضين أو تلاته ومبادرات إعجاب !! يعنى بصراحه مع إنو نضال عسل وكانت عاجبانى شديد بس ما كان عندى وقت كافى ! فهمتى ي حبى ؟


#485568 [[email protected]]
4.07/5 (8 صوت)

10-09-2012 12:18 AM
999مبرووووووووووووووووووووووووووووووووووووك وربنايديك الصحه والعافيه


#485546 [المحلبيه كتيره]
3.10/5 (6 صوت)

10-08-2012 11:04 PM
غايتو خلي جنس ناس خشمهم ملح ملح

الغايظني في الموضوع ده حاجتين

الأولى : أنو عرس في بت خالو والخال والد ياااخ

الثانية : أنو منيه كاتبه رئيس الهلال كبيرة باللون الشين ده

الثالثة : أنو رئيس الهلال معرس واحدي من " أبومريخة " ودي تشبه المريخ كده ليه


#485539 [بت ملوك النيل]
4.19/5 (7 صوت)

10-08-2012 10:40 PM
متييييييين حا نتعلم نحترم خصوصيات الناس؟؟؟؟؟


#485536 [بنت السودان]
2.60/5 (9 صوت)

10-08-2012 10:34 PM
اسي لو كان ما عنده قروش كان قبلت بيه


#485404 [راجل المرا]
4.33/5 (13 صوت)

10-08-2012 05:35 PM
صلاح ادريس بقى يلحن برضو؟؟؟؟؟؟؟؟؟؟؟؟؟؟؟؟؟ قمة المأساة؟؟؟؟؟؟؟؟؟؟؟
قالو صحفى ... قلنا ما مشكلة
قالو سياسى اتحادى ........... ما مشكلة
قالو شاعر........... ما مشكلة برضو الشعراء المفلسين كتار بدفعلهم ويسجل اسمه
قالو رياضى..........قلنا ما مشكة الرياضة قروش
لكن ياخذ نضال ويستهتر بالاف المعجبين دى اكبر كارثة
والله لو كان اتزوجها البشرى......... بطنا ما بتكون فيها مغصة


#485395 [ام ميار]
1.99/5 (11 صوت)

10-08-2012 05:20 PM
المال لم يكن هاجسا بالنسبة لي

وقد تاكدت المجهر من موافقة السيدة كوثر , بس يورينو اتاكدوا كيف؟؟
هم يضحك وهم يبكي


#485390 [الفجطاني]
3.15/5 (9 صوت)

10-08-2012 05:16 PM
هههههااااي جلدنه وقباحة والبرير وكيل العريس


#485361 [nasreen]
4.29/5 (7 صوت)

10-08-2012 04:42 PM
الف مبروك برضو الشمس مطلوبة


#485359 [ابو ابراهيم]
4.60/5 (7 صوت)

10-08-2012 04:39 PM
قطع شك هو ج يغلبة بالمال ان شاء الله نسال الله ان يجعله زواجا مباركا.


#485356 [اختونا جاي واللا جاي]
3.02/5 (7 صوت)

10-08-2012 04:36 PM
في الليلة ديك


#485329 [ود البلد دي]
3.46/5 (8 صوت)

10-08-2012 03:49 PM
الف مبروك
انا بقترح عشان السودان وجنوب السودان تكون العلاقة بينهم جيدة ونبعد عن الحرب والمشاكل يقوم البشير يعرس دينكاوية وندي سلفاكير جعلية دي كخطوة اولي
وبعد داك معظم الوزراء ومساعدي الروساء من الطرفين يعملو نفس الحركة ويتزوجو من كل طرف


ردود على ود البلد دي
United States [شوف] 10-08-2012 07:54 PM
البشير يتزوج دينكاويةالا في الحلم علي شنو يعني علي كذبه ولا سمعته الحسنةولا صلعته ولا كرعينو المكعوجات البشير ده ما تقبل بيهو الا وداد بابكر ومن في شاكلتها


#485297 [العوض ذاتو]
3.07/5 (8 صوت)

10-08-2012 02:56 PM
شوف ياصلاح يا ابو النسب البت اوعا اسمعا اشتكت منك واعمل حسابك ماتقول اهلها كتار بجو البيت وعملو لينا ازعاج شديد والله احنا مابنقبل اي حقاره واي فلهمه نحنا ما بنستحمله ( المناقل : تقع في غرب الجزيره شرقها تزوج منها المشير البشير السيده وداد بابكر وغربها تزوج منها السيد صلاح ادريس الباقي الجنوب ( الشكينيبه وضواحيها ) وشمالها ( الكريمت وضواحيها ) والمنطقتين مشهورات بالجمال .


ردود على العوض ذاتو
Egypt [زمالوش الحبشى] 11-04-2012 12:35 AM
شوفى لينا واهدى مئاكم ياخوانه من الجزيره ,,,

United States [علي جاد كرم الدين] 10-08-2012 05:01 PM
سمح بالله شوفو لينا أخت نضال الصغيرونية , قالوا شاعرة ونجاضة برضو , وليك علي يا ابو النسب

فد يوم ما تشتكي ومرحب بأهل العوض والضيوف الكتااااااار بس تمو لينا مرادنا .


#485251 [Kudu]
2.04/5 (11 صوت)

10-08-2012 01:28 PM
سؤال جادي للمرة المليون: ما مصدر ثروة صلاح ادريس؟؟


ردود على Kudu
Sudan [زول ساكت] 10-27-2012 08:55 PM
رد على [العوض] والله يالعوض ضحكتنى لمن دموعى جرن ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

United States [العوض] 10-08-2012 04:38 PM
كان عندو زجاجة سمن وباعه بي 5 قروش واشتري نعجه وبقي يحلبها ويبيع الحليب ويعمل سمن وروب وبعد شويه اشتري بقرة وبقي يبيع الحليب ويعمل سمن وبعدين النعجه بقت 15 والبقرة 10 واشتري بكسي وبعدين لوري واشتري 3 مزارع في الخرطوم وبعد شويه عمل مكتب استراد وتصدير واشتري اقامة ومشي السعوديه واشتغل مع ملياردير سعودي ومشت معاه وبعدين بقي الوريث الوحيد لذلك السعودي وشال الثروة كلها وجاء السودان وتزوج واحدة وعندو اولاد والان تزوج الثانيه والحمد لله انتهت القصة حجيتكم ما بجيتكم خيرن جانا وجاكي... الخلاصة لو اي واحد سالتو عن ثروتو كيف جمعها يقول ليك انا تعبت كتير وشربت المر لكن في السودان بقي في ناس فوق خالص وناس تحت خالص جدا المهم والاهم انت ما تسال تاني لو عاوز تبقي زيو توكل علي الله واعلم ان السعادة ليست بالمال وحده وليك الشكر كله لانك انتي الخليتنا نكتب $$انتهي$$


#485239 [moohm]
2.63/5 (6 صوت)

10-08-2012 01:13 PM
طريق النجاح يحتج الى مال والمال عند صلاح ادريس ة الكيزان لكن ضلاح ادريس صغب فى القروش


#485214 [simsim]
2.77/5 (7 صوت)

10-08-2012 12:22 PM
دين يا ناس البت ده مش كانت عروس قبل سنتين اطلقت متين هي


#485170 [كايس للدبل]
3.60/5 (8 صوت)

10-08-2012 11:31 AM
والله بختك شديد ونضال كمان عقبالي ياااااااااااااارب


#485153 [ابو مرافىء]
4.19/5 (6 صوت)

10-08-2012 11:12 AM
الف الف مبرووووووووووووووووك ربنا يسعدكم


#485144 [محمد ناصر]
2.53/5 (9 صوت)

10-08-2012 11:03 AM
الكلام الكتير ماعارفو لكن اخدنا شاكوش كبير وراسنا مابتعالج تاني


#485093 [ابوسلمى]
4.59/5 (9 صوت)

10-08-2012 10:09 AM
واللة الشاكوش كسر راسنا كان تجيبيها لينا بالتدريج لكن مامشكلة بكرة بقنع منك وبتلقينا نحن الغبش غى انتظارك-حرام-حرام -حرام


#485092 [أبوقرجه]
4.04/5 (10 صوت)

10-08-2012 10:09 AM
مبروووك والف مبروووك لصلاح ونضال
؟؟؟؟؟ بس فى شئ لفت انتباهى الكاتب مفروض اعمل ليهم صور حديثه هذه صور قديمه الارباب بكلم بجوال 3310


ردود على أبوقرجه
United States [الفيل] 10-09-2012 10:02 AM
والله ياابو قرجه عندك قوة ملاحظه عجيبة الجوال فعلا من النوع القديم من 15 سنه لو عارفين انك بتلاحظها ما نشروهاههههههههههههههههه
مبروك لهم

United States [سوداني] 10-08-2012 07:00 PM
الناس بتعرس وأنت مع الجوالات


#485042 [منذر محمد حمد]
2.29/5 (8 صوت)

10-08-2012 09:34 AM
هلا الارباب !الف مبروك وبيت مال وعيال


#485030 [ود ادريس]
4.60/5 (7 صوت)

10-08-2012 09:24 AM
حقد دفين يالحاسدين غراهم واحد
يقول اتزوجت للمال واحد يقول
ليها اكبر من ابوك وواحد يقول
شعرة هابط وواحد يقول ماعندها
علاقة باكتابة ( الله يسعدهم يارب)
خلو الناس فى حالة ياعالم


ردود على ود ادريس
United States [علي جاد كرم الدين] 10-08-2012 05:04 PM
الله يسعدم وبالذات نضال البت الفنجرية لكن الحق يتقال

هذا الصلاح ما عندو شعر يقعدو مع نضال لا وكمان قال بيلحن أغاني

معروف إنه بيدفع و يشتري الأشعار والألحـــــــــــــان

لكن نتمنى ليهو السعادة وكمان بالمرة ما يدفع بس يشيل

من نضـــــال ويظهر بمستوى جيد .


#485013 [انور]
3.65/5 (9 صوت)

10-08-2012 09:09 AM
يعنى نقول للبشرى الله يعوضك برنامج قهوتنا والله كان لايقين مع بعض ولمتن كانت سمحه كانت ممكن تؤدى الى الزواج لكن كل شى قسمه انت يا البشرى تريد وانا اريد والله يفعل مايريد الف مبروك نضال والف مبروك لرجل الاعمال السودانى صلاح احمد ادريس (الارباب) وغضب الهلال المعروف وانشاء الله بيت مال وعيال


ردود على انور
United States [علي جاد كرم الدين] 10-08-2012 05:06 PM
هووووووووووي إنت أشخت شخيتواقيف بعيييييييد

إنت قايل أي لمـة لازم تؤدي للزواج !

البشري متزوج وزوجتو صديقة نضال


#484976 [صلاح فضل السيد حامد]
4.07/5 (5 صوت)

10-08-2012 08:35 AM
تهانينا يا ريس بس رجاءاً وبمناسبة هذه الزيجة وجعلها الله زيجة مباركة أن تتكرم بتزويج كم شاب كده ومعروف أنت بأياديك البيضاء وكرمك الفياض.


#484958 [عصمتووف]
3.90/5 (9 صوت)

10-08-2012 08:13 AM
(نتلاقى كيف ومتين ووين
ميعادنا في قلب الرحيق
في سكة الفرح السجين
والزهرة شاكلت الفراش
طلق ربيعها الياسمين
وأنا واندهاش الفكرة بيك
نترجى في الزمن الحزين
نتلاقى كيف. ومتين ووين؟)


**** نركب حميرنا ونتجة بوشا الي الترع
اقطف ليك شتلة لالوبا او حلة بتاعت قرع
اظبط ليك حلة ملاح مرس بالمصران داك تقولي مشتهي العرس
انا يا السمح البتغدي كجيك ومرس
بتملي مريسة تب واديك دروس
في فن التكل وعليق المشلعيب يحفظ حلة اكلنا***

***** انا شاعر وملحن اريد عروسا


ردود على عصمتووف
United States [Nasser] 10-20-2012 02:49 PM
انت عسل و الله ,,,,

قصيدة ولا كل القصائد حقت نضال

الله يديك عروس ملحنة وعندها قروش كتيييييييييييييييرة

United States [سايكو] 10-08-2012 03:44 PM
ناقصك العقال و السكسوكه يا صديقي .


#484948 [عصمتووف]
4.04/5 (12 صوت)

10-08-2012 08:03 AM
وأظهرت "نضال" نجومية لافتة في كتابة العمود الصحفي بلونية مختلفة، بعد أن دعاها الأستاذ «الهندي عز الدين» إلى الكتابة بصحيفة (الأهرام) وانتقلت معه إلى صحيفة (المجهر) لتنتظم في كتابة زاوية بالصفحة الأخيرة بعنوان (نوافذ).
طريقة نضال الأدبية في كتابة العمود أدهشت آلاف القراء، من السودانيين والأجانب، وأشاد بها الشهر الفائت سعادة السفير السعودي لدى السودان "فيصل بن حامد معلا" الذي طالبها بجمع مقالاتها النثرية في كتاب مؤكداً لها خلال دعوة رسمية بمكتبه أن مستوى كتاباتها لا يقل عن أدباء وأديبات وكتاب عالميين.
رئيس مجلس الإدارة الأستاذ "الهندي عز الدين" وأسرة (المجهر) يزفون التهاني إلى زميلتهم "نضال" وللسيد "صلاح أحمد ادريس" وبارك الله لهما وعليهما وجمع بينهما على خير.



*** الي المحللين النفسانيين والاجتماعين ارجو تحليل شخصية هذا ابليس الهندي والله الحيرة قاتلانـــــــــــــــــــــــــــــــــــا من صنف هذا الجاهل المغرور الجلف شاكلة البلال والضو ولطيف الظريف وراشد وابوالعزائم والمنان ويعقوب وجمال عنقرة ومحمد خير واخيرا دقش والطيب شبشة


ردود على عصمتووف
United States [فادي الوطن بروحه] 10-21-2012 12:23 PM
***(( الي المحللين النفسانيين والاجتماعين ارجو تحليل شخصية هذا ابليس الهندي والله الحيرة قاتلانـــــــــــــــــــــــــــــــــــا من صنف هذا الجاهل المغرور الجلف شاكلة البلال والضو ولطيف الظريف وراشد وابوالعزائم والمنان ويعقوب وجمال عنقرة ومحمد خير واخيرا دقش والطيب شبشة))

أتفق معك يا عصمتوف مائة بالمائة 100% فيما ذهبت اليه في و صفك لجميع هؤلاء المنافقين عدا واحد منهم فقط ألا و هو أ/ محمد لطيف فهو يختلف عنهم كثيراً و ان وردت أراؤه السياسية ملطفة بعض الشئ و ان كنا نجد له العذر في ذلك لمجرى الحديث في حينه - أما البقية الباقية فتفو تفو عليهم.

و أسوأ هؤلاء جميعـــاً و كبير المنافقين المنبطحين (( قرمة كسير اللحمة ،الشبر )) المدعو دقش

United States [عصمتووف] 10-08-2012 07:11 PM
يا زول مشاكل اين الحريه كل صحافي ومذيع لديه حدود في تقديم الشخصيه مشكله الهندي بلمع كائنات يريد أن يخلق نجوم من مافي علي حساب الصحيفة لا يمكن اشتري صحفيه لقرا هذا الهراء أكيد انت منتفع منه بمدك بقرش قال حربه رأي طظ في الحريه لو كانت لفهمك

United States [علي جاد كرم الدين] 10-08-2012 05:08 PM
والله كلامك عن الزفت الهندي ده صااااااااح وكمان مغرور وقايل نفسو بفهم حاجة

وهو زول كيسو فاضي سااااااي , بس خليها تنقلب والله نلحقو دقة تنسيهو الكتابة الفارغة

البسوي فيها وقلة الأدب والتكبر .

United States [زول مشاكل] 10-08-2012 09:24 AM
الهندي قال رأيه، وهو حر فيه، أتريد أن تحجر علي الناس حرية التعبير، اذا كنت تختلف معه .. قارعه الحجة بالحجة .. وأقنع القارئ بصحة وحهة نظرك .. أما الشتم والاساءة فمكانها الشوارع والعيادات النفسية.


#484936 [ود المناقل]
2.79/5 (6 صوت)

10-08-2012 07:48 AM
إحساسي العميق بشخصية "صلاح" المبدعة والفنانة هي التي جذبتني، وكانت الفيصل لاتخاذ قرار الموافقة على الزواج. صح لسانك مبدع في المجال الإعلامي إجتاز القيد الصحفي له عمود في الراي العام
مدير مالي ورجل اعمال شاعر مرهف وملحن وربنا يهنيكم ونتمني لكم حياة زوجية سعيدة علي الرغم من أشعارك كلها هابطة نأمل أن ترتقي الي الفصحي كأمثال روضة الحاج و عفراء


ردود على ود المناقل
United States [الامير] 10-08-2012 01:12 PM
ده آخر الجزاء ولا بتعرسوا لما نحن نعرس ليكم بناتكم تزعلوا !!

United States [واحد حقاني] 10-08-2012 08:42 AM
يا ود المناقل ما تقلل من شأن الناس ،،، كيف تقول أشعارها هابطة ؟؟؟ اذا كان كل الجميع أشادوا بها ( شعراء / أدباء / نقاد ....... الخ ) ــــــ سؤال جادي : أين أنت من هؤلاء ؟؟؟؟


#484918 [hameed.hamdy]
3.08/5 (7 صوت)

10-08-2012 07:10 AM
ياخوانا شكلنا بقينا مسطحين شديد انا شهر ابريل الماضي كنت في السودان وحقيقي لم اقراء للزول السميتوة الهندي دة ولم اقراء للشاعرة نضال دي اي قصيدة .مدام الملحن دة لحن ليها تسعة قصائد مع اني سمعت بصلاح ادريس المليونير لم اسمع بالملحن لكن مامشكلة لو عندك فلوس علي الناس تدوس تبيت غراب تصبح طاوؤس سجيبوا لينا قصائدها في الراكوبة باللة نشوف بتكتب في شنو .عموما بعد كدة اطبعي دواوينك ساكت مادام عرفتي تجيبي المال قبل ماالزوجة الاولي تلحقك امات طة بفكي كارب ماتسمعي بحكاية انها موافقة علي الزواج .وبرضو قبل مايدبل فيك خليك مفتحة ورزق المساكين عند المهابيل


#484915 [ياسرقطيه]
4.60/5 (7 صوت)

10-08-2012 06:54 AM
3
تلك هي نضال التى خلقها الله لتتنفس شعرا ، أما نضال التى تكتب العمود الصحفى فى أخيرة مجهر الهندى عزالدين فتلك هي نضال أخرى يعرفها الهندى عزالدين لوحده ! وهي بصراحه لا أدهشت ألاف السودانيين والأجانب ولا حتى العشرات من الإعراب والأعاجم ! نوافذ عمود يشبه حاجه يمكن أن تكون أقرب الى السح الدح أمبو ! أو سمك لبن تمر هندى ..(عزالدين!!) لكن أن يكون (طريقه أدبيه) فلا . (يفتح الله) ثم إن السفير السعودى ليس هو عبدالرحمن منيف أوتركى الحمد أو الطيب صالح ، معالى الأخ السفير فيصل بن حامد المعلا سفير خادم الحرمين الشريفين لدى الدوله له كامل الحريه فى ان يعجب بعمود نضال حسن الحاج أو بغناء ستونا المجروس فهذا محض ذوق شخصى لا تجرمه قوانين الدوله ولا يثير حفيظة أحد أما أن يعتد بإعجابه هذا ويساق كمثل هنا للدلاله على عبقرية وعالمية الكاتبه الصحفيه لا الشاعره نضال فهذا طال عمرك ( كلام تقولوا لزول ما عندو جريده ) !!


#484909 [ياسرقطيه]
4.03/5 (10 صوت)

10-08-2012 06:32 AM
أستميح قراء وإدارة تحرير صحيفة الراكوبه عُذراً فى العوده مره والإطلاله هنا لإكمال كتابة التعليق .... نضال حسن الحاج قد إلتقيتها فى عدة محافل وتجاذبنا معاً أطراف الحديث وتحاورنا أيضاً فى العديد من المناسبات ذات الصله والتى جمعتنا فى عوالم الفكر والثقافه والإبداع وجدتها أصيله وبنت بيئتها وسودانيه كامله المواصفات والدسم لا تشوبها شائبه ... بنت هي بجانبك وتجاذبك أطراف الحديث ، صغيره ، بريئه ، متواضعه وخجوله أيضاً لا تشبه فى سكونها وكمونها هذا الإسم الكبير ووالضخم ولا تشبه فى سمت سكونها هذا سيرتها الداويه وبريق النجوميه والهاله التى تحيط بإسمها ... تعتلى هذه البنت الخجوله والبريئه والجميلة التقاسيم خشبة المسرح فتذهلك ! تخرج من طور العاديه لتتحول وفى لحظات الى أسطوره تقول شعراً وتمشى على قدمين ويتحول معها جمهورها من الجنسين الى خلايا نحل لا يهدأ لها طنين ، تتابعها وهى تنساب شعراً وتتوهج إبداعا وتشع جمالا فلا تملك إلا الأنبهار ولا شيىء غير الإنبهار


#484907 [ابراهيم]
2.60/5 (7 صوت)

10-08-2012 06:18 AM


ربنا يوفقك يارب
ويجعلوا زواج مبارك

و يحفظكم من عين الحاسدين ويرزقكم الذرية الصالحة

التى تقر بها اعينكم
بيت مال وعيال والف مبروك


#484905 [ياسرقطيه]
4.60/5 (7 صوت)

10-08-2012 06:11 AM
لا اعتقد إن هنالك أغلبيه لا تتفق وشاعرية نضال الفذه وحسها العالى فى الأداء والتمكن فى اللحن والمفرده .... هذا على مستوى إبداعها الشعرى ، ولكن أن تكون نضال حسن الحاج التى دعاها الهندى عزالدين لكتابة العمود الصحفى وإن يكون عمودها هذا قد جذب وأدهش الألوف المألفه من القراء السودانيين والأجانب فتلك لعمرى هى (الخيتزباء) !! بقدر ما أبدعت هذه الشابه فى المجال الشعرى أخفقت بشده وفشلت فى كتابة العمود الصحفى لدرجة إن عقار بروزاك المضاد للإكتئاب صار لا يفارق جيبى فى حال إن جازفت بالصمود لإكمال السطر الأول لأي عمود كتبته هذه (الحُرمه) !


ردود على ياسرقطيه
United States [سمارا] 10-08-2012 09:56 AM
شكلك كنت جاري وراها ورفستك ما في شئ
يخليك تعلق ثلاثة مرات وتتخبط بالطريفة دي مرة تزمها ومرة تمدحها
بس نقولك الله يخفف ليك وجعك
ههههههههههههههههههههههههههههههههههاي


#484880 [امجد]
4.05/5 (8 صوت)

10-08-2012 02:05 AM
كل مانربي كتكوت يكبر يفوت


#484870 [ابو كريم]
3.59/5 (9 صوت)

10-08-2012 01:07 AM
مبروكييين ........ تغلبا بالمال وتغلبك بالعيال


#484869 [النيل أبونا و الجنس سودانى]
3.60/5 (8 صوت)

10-08-2012 12:59 AM
بعد أن دعاها الأستاذ «الهندي عز الدين» إلى الكتابة بصحيفة (الأهرام) وانتقلت معه إلى صحيفة (المجهر) لتنتظم في كتابة زاوية بالصفحة الأخيرة بعنوان (نوافذ).....هانت الزلابيه الهندى أصبح
أستاذ وكمان بكتشف المواهب ,....صلاح إدريس حيث قام بتلحين (9) أعمال من كلمات الشاعرة، لم تر النور بعد? لي مريضه برمد .


#484868 [يسقط البشير!]
4.27/5 (8 صوت)

10-08-2012 12:50 AM
مبروك وربنا يسعدك!


#484867 [adil a omer]
3.54/5 (12 صوت)

10-08-2012 12:47 AM
اذا تبرات من السودان والزى السودانى فالسودان ابرا منك ومن امثالك

بلادى وان جارت على عزيزة واهلى وان ضنوا على كرام


#484866 [AbuZeinab]
3.89/5 (8 صوت)

10-08-2012 12:36 AM
جعله الله زواج خير وبركة ..


#484859 [أختونا]
2.07/5 (10 صوت)

10-08-2012 12:09 AM
نضال خايف تكوني دقستي وما استفدتي من تجربة أفراح.. وماتكوم (المادة) هي سبب الارتباط.
على كل حال القرار قرارك.. ونقول مبروك.


#484848 [ود الجزيره الاغبش]
4.32/5 (10 صوت)

10-07-2012 11:34 PM
مبروك والف مبروك بنتنا نضال بالرفاه والبنين مادام مرتو رضيانه مافى مشكله حياه زوجيه سعيده يالارباب وابقى 10 على بنتنا نضوله اوعه تزعلها ماتقول لى جعلى نحنا عكاكيزنا بره لو زعلتها اعمل حسابك ؟؟؟؟؟؟؟؟؟؟؟؟


#484843 [الجار عودو]
4.29/5 (15 صوت)

10-07-2012 11:31 PM
يا كاتب الموضوع الجاب البطانة لى غرب المناقل شنو؟


#484841 [الشكري ابو عمر]
3.70/5 (9 صوت)

10-07-2012 11:27 PM
مليار مبرووووك لاختنا نضال والارباب


#484837 [الرباطابي]
4.77/5 (14 صوت)

10-07-2012 11:18 PM
جعليين آخر زمن لابس قطرة! ( بضم القاف )



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية

تقييم
5.72/10 (25 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة