الأخبار
أخبار إقليمية
قتال ضار بين قبيلتي الرزيقات وبني حسين،، القتال بسيارات ذات دفع رباعي وأسلحة المورتر والقذائف الصاروخية والكلاشنيكوف.
قتال ضار بين قبيلتي الرزيقات وبني حسين،، القتال بسيارات ذات دفع رباعي وأسلحة المورتر والقذائف الصاروخية والكلاشنيكوف.
قتال ضار بين قبيلتي الرزيقات وبني حسين،، القتال بسيارات ذات دفع رباعي وأسلحة المورتر والقذائف الصاروخية والكلاشنيكوف.


01-10-2013 01:51 AM
الخرطوم (رويترز) - قال زعماء قبليون ووسائل اعلام حكومية يوم الاربعاء ان قتالا شديدا اندلع بين قبيلتين بشأن منجم ذهب في دارفور بغرب السودان الأمر الذي أسفر عن مقتل عدة أشخاص واضطر السلطات الى اغلاق المنجم.

وانهار القانون والنظام في معظم أنحاء دارفور منذ ان حملت قبائل أغلبها غير عربية السلاح في عام 2003 ضد الحكومة في الخرطوم متهمة إياها باتباع سياسات قمعية.

وتراجع القتال عن الذروة التي بلغها في عام 2004 لكن الصراعات المستمرة والانقسامات فيما بين المتمردين عرقلت عدة جولات من محادثات السلام.

وانضم نصف مليون من عمال التعدين الحرفيين الى موجة اقبال شديد على العمل في استخراج الذهب في انحاء السودان وفقا لاحصاءات الحكومة التي تشير تقديراتها الى انها حققت 2.5 مليار دولار من صادرات الذهب العام الماضي.

واندلع القتال بين قبيلتي الرزيقات وبني حسين وهما قبيلتان عربيتان يوم السبت بسبب النزاع على استخدام منجم قريب من كبكبية في ولاية شمال دارفور.

وقال العمدة عمر علي أحد زعماء قبيلة بني حسين لرويترز هاتفيا "بدأت اشتباكات بمنطقة جبل عامر في محلية سريف حسين قرب مدينة كبكبية بشمال دارفور بين قبيلتي الرزيقات وبني حسين يوم السبت الماضي ومستمرة حتى الان."

وأضاف "بدأ النزاع داخل منجم للتنقيب على الذهب بين افراد من الرزيقات وبني حسين وتطور الى مشاجرة فردية في نزاع للتنقيب ومعارك مسلحة."

وتابع أن افراد الرزيقات يستخدمون في القتال سيارات ذات دفع رباعي وأسلحة من بينها المورتر والقذائف الصاروخية "وقبيلة بني حسين تستخدم الاسلحة الخفيفة لصد الهجوم مثل الكلاشنيكوف".

وقال "والان الجثث متناثرة على الارض وبسبب القتال لا مجال لدفنها وسكان القرى نزحوا للمدن."

وقال محمد عيسى عليو رئيس مجلس شورى قبيلة الرزيقات لرويترز هاتفيا ان شيوخ قبيلته يحاولون وقف القتال. وأضاف انهم ارسلوا وفدا للوساطة.

وقال "وصلنا وفد وساطة قبل قليل لمنطقة سوف عمرة وهدفنا المرحلي الان ايقاف الحرب والاوضاع في الحقيقة غير مقبولة وغير مطمئنة ودخلنا في اجتماعات تضم قيادات القبيلتين لاحتواء الوضع بحضور قيادات الحكومة وعدد من الولاة."

وذكرت الاذاعة السودانية ان السلطات اغلقت المنجم يوم الاربعاء.

واتهمت منظمات لحقوق الانسان حكومة السودان بتسليح قبائل عربية مثل الرزيقات عندما تحركت للقضاء على التمرد في دارفور في 2003.

وقاتل رجال قبيلة الرزيقات ايضا مع الجيش اثناء الحرب الاهلية في الجنوب التي انتهت باتفاق السلام الشامل لعام 2005.

وقال دبلوماسيون ان الحكومة السودانية لم تنزع سلاح القبائل المتحالفة معها حسبما يقضي اتفاق أبرمته مع بعض جماعات التمرد الصغيرة في دارفور في عام 2011 ولم تشارك فيه جماعات التمرد الكبيرة



تعليقات 38 | إهداء 0 | زيارات 13187


التعليقات
#555785 [سوداني]
0.00/5 (0 صوت)

01-11-2013 01:02 AM
الحمد لله خلوهم يموتو كــده كلاب الحكومه ديل


#555741 [إسماعيل البشارى زين العابدين]
1.00/5 (1 صوت)

01-10-2013 11:15 PM
ليس للرزيقات ولا بنى حسين ذنب فالذنب كل الذنب يتحمله النظام القائم وكاذب من قال غير ذلك فهذه النتيجه الحتميه للتجييش العشوائى (الشعبى)ودعونا من قبائل عربيه ولا غير عربيه فاليمن تنزف من هذا الداء العضال (تسليح القبيله) أو القبائل فقد تمت محاكمة أعمامى لحيازتهم على بنادق محلية الصنع ماسوره البندقيه من (القلفنايز)مواسير المياه نصف بوصه وأضابير محاكم الأبيض تشهد بذلك والشهود على قيد الحياه .من قام بتمليك المواطنين السلاح بعشرات الآلاف بزعم حماية ممتلكاتهم؟هو النظام القائم...وبالأمس حاولت مليشيات الدفاع الشعبى السطو على سوق بين كردفان ودارفور وعندما إعترضتها القوات المسلحه قالوا لهم لو إنت بتعملوا حاجه ماكان جابونا نحن!!!؟؟؟؟ومادار بالفوله لم تجف دماء ضحاياه بعد وبالفوله شرطه وقوات مسلحه !!!كيف حدث ولماذا لم يتم إحتواء الحدث قبل وقوعه؟؟النظام يعلم ذلك !!العديد من المشاكل القبليه يشارك النظام فى تحمل دفع الديات بدعوى رتق النيسيج الإجتماعى الذى قام بهتكه هنكا ..هذا التسليح من الممكن القضاء عليه بإرادة قويه تضمن للمواطن الحمايه’حمايته من الآخر وحماية الآخر منه .فى حادثه مشهوره بشمال كردفان تحدث عنها نائب الوالى على الفضائيه السودانيه قام جماعه بقيادة مايسمونه نقيبا من تلك المليشيات بقتل وأخذ أموال أبرياء لاذنب لهم إلا كونهم إستحسنوا وقام بفضل الظهر على أولئك المجرمين!!الطيب سيخه كان ينادى فى دارفور (سلم نارك تحمى ديارك) تلك كانت كلمة حق ولكنهم أداروا لها ظهور المجن وأصبح البيان العملى (إتسلح عشان تاكل مملح)حتى وصل الأمر لعربات الدفع الرباعى والهاونات وغدا نشهد طائرات الهليوكبتر التابعه للقبيله!!


#555728 [كباية شاي]
0.00/5 (0 صوت)

01-10-2013 10:28 PM
عالم وهم مقرشين غلط و بدقو بوري


#555714 [الدارفوري]
5.00/5 (1 صوت)

01-10-2013 09:47 PM
شمار مسخن شديد البني حسين طلبوا المساعدة من قبيلة الزغاوة اها ياناس الريزيقات خموا وصروا انشاء الله الوالي كبر ينفعكم انتو من زمن تنفذو خطط الكيزان الله يعينكم جهل شديد


#555611 [اللمبي]
2.00/5 (1 صوت)

01-10-2013 06:29 PM
طول ما حكومة السجم دي قاعدة حيحصل اكثر من كده ، ياخي لمو الناس وبلاش تفرقة وفرو وظائف ليهم وفرو ليهم المرعي و العايزينو وزحو من دي قبيلة عربية ودي لا ،، اتطورو ياخك الله يقرفكم زي ماقرفتونا معاكم ياخي الناس بلدانهم تتطور ونحن لسه قاعدين في حروب الجاهليه دي ودي ود عرب ود ما ودعرب ،، وثم ثانيا الفرق بين السودانين شنو ياخي ؟؟ كلكم لونكم واحد يعني علشان الواحد فيكم لونو فتح بالمكيفات ولا عرس ليه حلبيه عايز يعمل فيها هو اشرف واحد في الدنيا دي .. ياخي سيبو الكلام الفاااارغ ده وخلونا نواكب العالم ياخي .. امريكا الفيها الوان واشكال البشر ماشة متطورة وانتو المافيكم شكلين قارفيننا باعراق وقبائل وكلام لا بودي ولا بجيب ياخي ،،
واسف للاطالة بس كل يوم الواحد بدخل الراكوبة بطنو بطم اكثر مافي يوم كده الواحد قراء ليهو خبر يسر البال ياخي ..


#555587 [النذير زكريا]
3.00/5 (1 صوت)

01-10-2013 05:43 PM
الرزيقات والبنى حسين بينهم عري واواصر ووشائج ومصاهرة ناسف ان يجعلوا باسهم بينهم هكذا ربما لاول مرة تحدث بين الفئتين مذبحة بهذا المستوى ولنا فى حكمة زعماء الطرفين كل الثقة لا اقول اي من وسطاء النفاق وربنا يحقن دماء المسلمين الا بحقها ولننصر اخوتنا ظالمين ومظلومين امين امين امين اما كبر فلا يستطيع ان يفض طلابا


ردود على النذير زكريا
Israel [الاغيبش] 01-10-2013 07:48 PM
الرزيقات والبنى حسين بينهم عري واواصر ووشائج ومصاهرة نــــعــــــم: لكن طالما الإنقاذ دي قاعدة زي دا تسوي فوق الفتن والوالي الطرطور دا, الحروبات بين القبائل بتبقى كتيرة ياخوي, ما تقول لي عربي/عربي ولا عربي/زرقة القبائل كلها طالما ما في زول ناصح حتفضل تتطاحن إلى أن يقضي الله أمرا كان مفعولا


#555582 [الدرداء]
0.00/5 (0 صوت)

01-10-2013 05:25 PM
كل عام ترزلون والله يا اخوتي الذي يحدث بدارفور وبالاخص فتنة القبائل مع بعضها البعض مثل الذي نشهده اليوم بين قبيلتي الريقات والبني حسين لهو نهاية مايدعي جزافا وكدذبا ونفاقا سيادة حكم القانون فكيف لجماعات قبلية يسمح لها بامتلاك مثل هذه الاسحلة ان كانت هناك دولة اصلا ولكننا في زمانا يحكم فيه من هم دخلاء وبقاياء اتراك وابناء خواجات لاهم لهم سوي ان ندور نحن الشعب ووطننا في دائرة الجهل والفقر والمرض , وعلي اعيان قبيلة الرزيقات ان يعو جيدا ان هؤلاء هم من بدلو دينهم وتمسكو بالشيطان وهم لاعهدا ولا ميثاقا لهم غير البقاء في السلطة جكاما علينا ولو علي جماجم جميع السودانين . نسال الله العلي العظيم ان يهدي سر القبيلتين المتقاتلتين


#555538 [سعيد]
5.00/5 (1 صوت)

01-10-2013 04:00 PM
اولا الرزيقات في شمال دارفور قبل جنوب دارفور واستقرار جزء منهم في الجنوب نتاج طبيعي بحثاللكلاءوالماء وكل العرب في دارفور وكردفان اصلهم واحد وبالة في المقام الاول .ومن بعد تغيرت السعية حسب ظروف البيئه والرزيقات قبيلة معروفة ولها وجودها في جنوب وشرق وشمال ووسط وغرب دارفور ليست محصوره في ولايه او حاكوره واحده كما يحلو لبعض باغضينها وليسو بجهلة والباحث للتاريخ ما اصل سلالة سلاطين الفور من سليمان صولون الاول الي علي دينار هل في من ينكر عروبتهم والخلاف بين القبائل شيئ طبيعي ولكن الناس تسعي لايقافة وليس لتاجيجه بالشتائم وتقليل الشان والتحريض ومن غير القبائل الغير عربيه لها مشاكل ايضاًونسأل الله ان يعم السلام والبني حسين قبيله عربيه لها وجودها ونامل ان يوقف نزيف الحرب وكل القبيلتين لهن علاقات ومصاهرة وجيره ولكن الخلاف ايضا موجود حتي بين الاشقاء ونجد كثير من الكتاب لايتناولون حلول اصلا انما يشتمون ويلقون ضالتهم الاتهاميه نسال الله لهم الهدايه


#555490 [cour]
5.00/5 (1 صوت)

01-10-2013 02:25 PM
اين المدعو موسى هلال اين الشرطة والجيش لحماية الارض والمواطنين حرب مشتعلة اكثر من اسبوع واركان النظام همها اعتقال الابرياء وسجنهم والكذب الفاضح على اللة والخلق ما الفرق بين الصومال والسودان واحد يفهمنى


#555463 [ود الفاضل]
3.00/5 (2 صوت)

01-10-2013 01:36 PM
هذا الموضوع رغم اهميته لكل السودان وهو الاقتتال بين القبائل ولكن احصر تعليقي فقط على الصورة التي تظهر فى اعلى الموضوع لهؤلاء التيران التلاتة الذين يلوحون بعصيهم ويرقصون فى نشوة المنتصر فى حين انهم كان واجبهم اقامة سرادق العزاء على السودان الذي قتلوه ودفنوه فى اماكن مكب النفايات 0 بالله ياجماعة هل هؤلاء السذج البشير ونافع وعبدالرحيم وبقية القطيع أما يخجلون من مجرد الظهور امام الكمرات ووسائل الاعلام 0 جماعة استلموا البلد مافيها مشكلة واحدة الا مشكلة التمرد وهو مشكلة توارثتها كل انظمة الحكم فى السودان ولم تؤدي الى تقسيم البلاد ولم تثير النعرات القبلية الكارثية واليوم السودان كله يشتعل حروب شرقه وغربه وجنوبه ووسطه ولم يتبقى الا المحس والدناقلة يشكلوا ليهم جبهة بالاضافة الى الخرطوم ومني 00 والغريب فى الامر ان شعب السودان المشغول بلقمة العيش من اجل البقاء على قيد الحياة اغلبهم لايعلمون ان المشاكل الحاصلة فى اطراف السودان سببهاالمباشر هي سياسة هؤلاء الجهلاء بأبسط إدارة الشعوب 0 فهل يعلم الجميع ان مشكلة جنوب كردفان كان سببها المباشر هو إبعاد عبدالعزيز الحلو من المسرح السياسي بعد فوزه فى الانتخابات حيث جاؤوا بأحمد هارون ليحل محل إبن البلد الاصيل ( الحلو) عند ذلك بدأت الفتنة وحتى ا ليوم نارها والعة 00 مشكلة النيل الازرق - المعلوم ان مالك عقار هو الفائز فى الانتخبات - قام الجماعة بطرده ووضع واحد من الجماعة مكانه فما كان امام الرجل الا التمرد وقد حصل ولازالت النار مولعة حتى اليوم 00 مشكلة دار فور كانت مجرد نهب مسلح هنا وهناك قام الجماعة بتعيين الطيب سيخة واليا لدار فور وهي الفترة التي استخدمت فيها الطائرات لضرب الجماعات المسلحة داخل القرى مما ادى الى قتل المئات من الابرياء والنزوح القصسري من ديارهم وهو الامر الذي دفع بأبناء دار فور لحمل السلاح لمنازلة الجيش الوطني -- مشكلة جامعة الجزيرة الاخيرة والتي قتل فيها الطلبة الابرياء كان سببها ان مدير الجامعة قيل انه اصدر لائحة تستثني طلاب دار فورالمقيمين فى الجزيرة والخرطوم من الاستفادة من الاعفاء المتفق عليه بين الحركات المسلحة والحكومة الغشيمة فاذا بنار المشكلة تشتعل 00 باختصار كل البلاوي التي يعيشها الوطن اليوم هي سبب السياسات الرعناء للجماعة الراقصين على انقاض السودان فى اعلى الصورة ولا زالت الساقية مدورة 0 واخيرا الفاتحة ياجماعة على روح السودان فقد قتل وشعبع موت فى كل شيئ ولازال الاعلام الفاجر الكاذب فى قنوات الفجور تلك يكذب على الناس حتى يأتي الذئب ويأكل حمد فعلا وقد حصل000


#555443 [اسماعيل]
5.00/5 (2 صوت)

01-10-2013 01:09 PM
يا مشعلي الفتنه اخرسو فان الرزيقات والبني حسين اشقاء والخلاف موجود بين الناس ويمكن علاجه ارجو ان لا تدخلو وتصطادو في الماء العكر يا مربي الفتنه عليكم بالعنه الله القوي العزيز


#555420 [Ali hamed]
5.00/5 (2 صوت)

01-10-2013 12:45 PM
التي تقاتل بني حسين في شمال دارفور هم ليس الرزيقات ، بل هم
المحاميد ،المسلحة من قبل المؤتمرالوطني ، وهم المحاميد عبارة عن
اجانب جائت بهم النظام من نيجر،مالي ، تشاد لمحاربة التمرد وهم
الذين مارسوا الابادة ضد القبائل الاصلية مثل الفور، المساليت ، الزغاوة بقصد الارض التي وعدتهم النظام بها بعد ابادة اصحابها.
ارض الرزيقات ودارهم معروف في الضعين ماذا ادخلهم في دار بني حسين؟
ايضا هنالك دول عظمى تساعد المؤتمرالوطني لظلم الضعفاء ولطمس
الجرائم التي ارتكبت من هؤلا الاجانب وذلك لتحفظ النظام مصالح
تلك الدول دون ابصط خجل .


ردود على Ali hamed
Israel [ابو جنقة العطوي] 01-12-2013 09:05 AM
انت يا Ali hamed من دارفور انا لست بساحر ولكن لركاكة الكتابة وفقدها لمقومات النحو والاملاء (هذا ليس عيب) لانك ببساطة لا تعلمتها في المدرسة فقط (اي ليست لغة الام)
بما انك في دارفور لايمكن ان تقول المحاميد دون ذكر الرزيقات لان محمود هو ابن رزيق الاكبر
اما بالنسبة لمحاميد النيجر هم اهل بلد ولهم وضعهم احسن من السودان بالف مرة واذا كانو من النيجر فهم ليس بحاجة للمجيئ الى دارفور للسكن فيها .
وهذه هي لغة عبد الواحد التي بسببها حرم-جيشه- من التسكع في وديان دارفور واصبح حبيس قمة جبل مرة منذ 2003 وحتى الان وغدا انشاء الله للابد.
فان بني حسين والرزيقات هم ابنا عمومة وبينهم نسب ومصاهرة ووالفتنة الان اخمدت والحمد لله. كنا نظن انكم تتركو لغة السب ونكران وجود غيركم في دارفور ولكن بما انكم حتى الان تنعتوهم بالجانب هذا يعني انكم لا تعترفو بهم كوجود وانكم ستتعاملو معهم كاجانب عندما تحكمو دارفور(اذا استطعتم)
اللهم جنبنا الفتن ماظهر منها ومابطن
ما بتعرفو عربي إلتمسنا لكم العذر طيب مالكم مع التاريخ -علما بانه موجود بكل اللغات- غير العربية ارجعو وشوفو قبائل دارفور

Israel [المحمودي] 01-10-2013 07:06 PM
صح النوم يا علي حامد، احسن تمشي تذاكر كويس بعد داك تجي تكتب!!!!!


#555403 [josef]
5.00/5 (2 صوت)

01-10-2013 12:18 PM
we in republic of south Sudan well settled praise be to Allah


#555324 [احمد كفوته]
0.00/5 (0 صوت)

01-10-2013 11:18 AM
داير اقول حاجه واحده كون ان الرزيقات تستخدم الاسلحله الثقيله والبني حسين تستخدم الكلاشنكوف دي معلومه خاطئه والدليل علي ذلك انو الطريفين حكومه لأنو قبل اليوم كانو قوة واحده تحارب في من يقولون ان العرب في دارفور مستوطنون جدد


المهم في الامر هو:
حصلت هذه الخلافات البسيطه الاصلا كان سببها هم الفلاحين والرعيه بين الجانبين وليس تنقيب الذهب كمايقولون وتصاعدت الي حرب قبلي راح ضحيتها عدد كبير من الجانبين واكرر هي حرب قبليه ودي ما أول مره انو الناس تسمع بحرب قبلي حتي يتطرق الي السب والشتم وينصر فئه ويستضعف الفئه الاخري.


نسأل الله ان يجيب العواقب سليمه


#555317 [محمد خليل]
4.50/5 (6 صوت)

01-10-2013 11:13 AM
يا أبناء الرزيقات أنتم فرسان الحوبة، عليكم الانتقام لشرف بنتكم سمية هندوسة من الأمنجى الذي اعتدي عليها و حلق شعرها و أسمعها من الكلام العنصري ما لا يقله مسلم عنده ذرة ايمان و طعن فى شرف أمها بصورة فجة تدل على أصله المنحط و جذوره المتعفنة على أن يشمل انتقامكم جميع رؤسائه الذين يشجعون مرؤوسيهم على اغتصاب الرجال و النساء المعارضين لهم، على ان يشمل انتقامكم التور عمر البشير الذى قال ان اغتصاب الغرباوية من قبل الجعلى شرف لها تشجيعا لأمنجيته على اغتصاب المعارضين له و لحكومته، انتصروا لبنتكم و لا تنسوا الاساءة التى حدثت لها فأنتم فرسان لا ترضون بالاساءة لنساءكم.


ردود على محمد خليل
Israel [هاشموتو] 01-10-2013 03:53 PM
كلامك في المليان يامحمد خليل تسلممممممممممممممممممممممممممممم

Israel [ابراهيم] 01-10-2013 01:13 PM
تسلم يدك يا محمد خليل بالجد الناس ديل ما عارفين عدوهم الصحى صحى منو عدوهم جهاز الامن والمخابرات البقول لى بتهم يا خادم نحنا اهلنا هجنو امك


#555312 [شاكوش]
5.00/5 (5 صوت)

01-10-2013 11:10 AM
المؤتمر الوطني قالت ان الجنوب لن تصمد بعد الاستقلال لان القبائل تاكل بعضها البعض ولكن السؤال الملحة منذ العام الماضي الحروبات المنتشرة ومنشعلة بين القبائل العربية (قبائل الحكومة) ضدبعضها بين المسيرية والرزيقات وبين بطون المسيرية وبين الرزيقات والابالة والرزيقات وبني حسين وبين ..............................؟ الخ
المؤتمر الطني تشخير في النوم مرتاح لأن الاغبياء المسمون بالقبائل العربية يقاتلون ضد الثوار باسم العروبة وان لم تجد تلك الثوار تحارب نفسها وفق سياسة فقه الضرورة_ قيلت قديما أن رجلا يمتلك مزرعة وصومعة في بيتها يفتك بها الفئران فاراد محاربة الفيران فاستجلب قط فاختفيت الفئران فلم القط شئ ياكلها فتهجم علي دجاج البيت هكذا القبائل العربية التي لا تزال تعيش في عصور الرق لا تفهم شئ سواء لغة الاجير والكاش يقلل النقاش!!!!!!!!!!!!!!!!!!!!!!!!!!!!!!!


#555306 [Machut مشوت]
5.00/5 (2 صوت)

01-10-2013 11:04 AM
كدا حلوا المعادلة دى ........ قالوا وحدة السودان يعلو ولا يعلى عليها ........ والجيش اتملاء ليك ناس الفور ،النوبة ،البقارة والجنوبين الزمان..... دول كانوا نواة الجيش السودانى ولا ينكرة الا زول مكابر ساى ..... وطبعا معروف الحركة الشعبية كانت غالبيتها من الزرق بانواعهم .... اتقاتلوا وماتوا بملاين من الجانبين ............ الحكومة فتحت البلد لكل زول عربى يجى بس سنة كدا ويدو الجنسية ...... جابو ليك 3 مليون فلسطينى وبرضو كم مصرى كدا ..... دا كانت من سنة 93 ، 94 ....... قالو يفصلو الجنوب من حدود 56 والناس وافقت ...... قبل الناس ما تعرف النتيجة حرب دارفور قامت ...... وبرضو الموت كان لنفس الناس ..... الفرق انو فى الاول كانو فى فريق واحد ..... هسة قلبو لبعضهم .... يا ربى بيكون قربو يفصلو الجبال ولا شنو؟ .... المهم ..... قبل كم يوم فتحو الاراضى للسعودين والخليجيين .... زى فى خطة كدا بتاع تنضيف واحلال شغاليين فوقو ....... ولسع يخشو الناس بالشريعة ...... ناس جنوب افريقيا عندهم مقولة حلوة كدا عن الدين المسيحى ...... بيقولو لمن الرجل الابيض جاء اول مرة لجنوب افريقيا علمهم الصلاة والكنيسة وان يغمضو عيونهم لمن يصلو ....... فتحوا عيونهم لقو البلد اتشال منهم ...... اها هسة كيف ........ الجماع ادخلو مسلمى السودان الجامع وهم شالو البلد ...... انتو صحيح الناس الباقية دى ما منتظرة سجود الصلاة ولمن السودانين يرفعوا رؤسهم باقى البلد يكون فات ؟ ...... اخر السؤال ..... فى بطن من بطون العرب زمان اسمو الرزيقات ؟


ردود على Machut مشوت
United States [Machut مشوت] 01-21-2013 07:38 AM
سودانى ابن سودانى مولود وترعرعت فى جميع ربوع السودان .... وانا السبب فى تسمية السودان ..... وحريقة فى السياسة وفى الما بيعترف بسواد السودان

Israel [ود الحاج] 01-10-2013 11:58 AM
عشان نعرف نرد علي تعليقك، هل أنت سوداني من دولة السودان أم أجنبي ؟؟؟


#555270 [abumohanad]
4.00/5 (1 صوت)

01-10-2013 10:28 AM
فوضى في كل مكان ارقص يا ---------------------


#555268 [Ahmed]
0.00/5 (0 صوت)

01-10-2013 10:27 AM
يجب وقف الحرب
image


#555233 [الفجر الجديد]
4.63/5 (5 صوت)

01-10-2013 09:49 AM
افعل ماشئت كما تدين تدان هذه لعنة الله ولعنة اهل دارفور اهل الذى استخدمت من حقهم ابشع جرائم الحرب فى دارفور من طرف الحكومة السودانية واعوانه من بنى حسين والرزيقات فهذه القبيلتين سلحتهم الحكومة فى السابق لقتل جميع من ينتمى الى قييلة الفور والزغاة والمساليت وقبائل اخرى فى نفس المنطقة الذى تدور المعارك الان وبعد قتل هاؤلاء القرويون من الزغاة والفور والمساليت وفرار على من بقية على قيد الحياة الى الدول المجاورة والمدن بدا النار تاكل بعضها لانها لم ىتجد ماتاكله فيبدو ان قبيلة الرزيقات تريد السيترة على مناجم الذهب فى شمال دارفور بعد فقدهم الاراضى فى جنوب دارفور بسبب المعارك الحدودية الذى يجرى بينهم وبين جمهورية جنوب السودان فتبا لهم جميعا هم وحكومتهم فى الخرطوم


ردود على الفجر الجديد
Israel [الفجر الجديد] 01-10-2013 04:50 PM
انا داير اسئلك سؤال يا ابو احمد انت ذكرت الاية الذى يقول . يوم لاينفع يوم مال ولا وبنون الا اتى الله بقلب سليم صدق الله العظيم. سؤالى ياخى الاية دى مش نزلت قبل 1434 سنة طيب انت ليه ماطلعت الاية دى لما كان الرزيقات والبنى حسين بيقتلو الفور والزغاوة والمساليت ولا القبائل ديل ماناس حرم الله قتلهم ام ماذا يا ابو احمد

Israel [ابو احمد] 01-10-2013 01:55 PM
يا ناس اتقوا الله-وتحروا ثقاغة الخلاف- اذا كان من تتكلمون عنهم مفسدون فماذا انتم فاعلون الان بكتاباتكم هذه- لاتنهي عن خلق وتاتي مثله-وانقوا فتنة لا تصيبن الذين ظلموا منكم خاصة-لا تشعلوا نار الفتن الجاهلية والعصبية والعنصرية والجهوية-بعد ان هداكم الله الى نعمة الاسلام - ان كنتم مؤمنين=فوالله سيسألون وتسألون يوم لا ينفع مال ولا بنون ولا حاكم ولا محكوم ولا قبلية ولا جهوية الا من اتى الله بقلب سليم-وسيعلم الذين ظلموا أي منفلب سبنقلبون.

Israel [moni] 01-10-2013 01:48 PM
the Bashir system is one of the most dangerous system in the whole world , they distributed these guns by then and they citizens are killing themselves with no reason ,the level of hatred in sudan is very high , wand who is responsible for these acts , it is the regime , the question is now for how long shall these problems be allowed ?


#555231 [راو ماوين]
0.00/5 (0 صوت)

01-10-2013 09:47 AM
يا لطيف من زيارات عبدالله اللطيف


#555210 [موسى محمد]
5.00/5 (1 صوت)

01-10-2013 09:34 AM
الحكومة تستخدم السذج والبسطاء من قبيلة الرزيقات الأبالة كمخلب قط في دارفور،وبكل أسف وجت الحكومة ضالتها في هذه الفئة الضالة الجاهلة التي تتكون في غالبيتها من الحرامية وشذاذ الآفاق وقطاع الطرق.
ما تقوم به مجموعات الأبالة في دارفور وبمباركة من الحكومة مستفذ لأبعد الحدود والأمثلة على ذلك كثيرة آخرها أخذ مجرم من هذه الفئة بالقوة من محكمة في نيالا وكذلك فرض أتاوات على المنقبين عن الذهب بجبل عامر وسرقة مرتبات اليونميد وخلافه من الجرائم التي تأتي بتوجيهات من نافع علي نافع مباشرةً.


ردود على موسى محمد
Israel [ahmed] 01-10-2013 04:33 PM
ههههههههههه اسمع انتا البشير قريبك -شذاذ افاق


#555209 [أسوسا]
3.50/5 (3 صوت)

01-10-2013 09:34 AM
الجعليين يريدون ألا تتكرر حملات ود أحمد في دار الجعلية أيام حكم الخليفة .. هذا كلام قطبي المهدي .. والحل هو إضعاف البقارة عن طريق إزكاء الحروب بينهم .. وطبعاً الجعليين والشايقية بتفتكروا أنو النوبة والفور والمساليت والأنقسنا ومن في حكمهم قد أضعفوا بالحروب وإنقرضوا عملياً..

والآن الكورة في يد البقارة ..


ردود على أسوسا
Israel [الكلس] 01-10-2013 12:13 PM
كلام غريب وغبي ... ويقزم البقارة ودار غرب كلها وطبعا لايخلو من الخساسة والانهزامية .. كده انت تقول ان كل افكار وخطط قطبي او الشماليين( بفرض وجودها) قابلة للتنفيذ عند اهل الغرب سريعو الاستجابة والاقتتال والسقوط في كل الافخاخ المعدة لهم وانهم من الغباء والسذاجة بحيث انهم يرفعوا السلاح في وجه بعضهم وينقرضوا لمجرد ان فكرة ابادتهم رسمت فقط ... نحن في القرن 21 وابسط بتاع (ورنيش) في الغرب وكل السودان يفهم في السياسة احسن من كده بكتير وصدقوني ان نور الدين ولد عمره 13 سنة كان يغسل سيارات ويعول اسرة من اربعة اشخاص يفهم احسن من اسوسا وكل قادة الحركات من عرب وزرقة .. الكره في ملعب كل من حمل السلاح ... اسقاط الحكومة اسهل من كده بكتير جدا ... افهموها يابشر..

Israel [موسى محمد] 01-10-2013 10:43 AM
كلامك موزون وفي محله يا أسوسا، وواضح أنك من الذين فهموا اللعبة الخبيثة لشر خلق الله المستعمرين الجدد الذين لا هم لهم سوى الربح والكسب السريع ولو على جثث كل الغرابة (عرب على زرقة على غيرهم).


#555207 [Wondit]
5.00/5 (1 صوت)

01-10-2013 09:34 AM
اهه النار ولعت .. بقلوبكم اطفوها , عالم غبي لا يفهم غير القتل و التنكيل و شراء السلاح لترعيب و قتل مواطنيها ... بدلا من توفير الأمن لهم بل و يتباهون و يتلززون باقتتال بين مواطنيها


#555170 [Salah Al Deen Port Sudan]
5.00/5 (1 صوت)

01-10-2013 09:03 AM
عرب دارفور؟؟؟؟ فيها اقوال...
نطالب الجبهة الثورية بكسح وكنس جميع المجرمين


ردود على Salah Al Deen Port Sudan
Israel [موسى محمد] 01-10-2013 10:49 AM
العرب في دار فور يا صلاح الدين أكثر من العرب الموجودين في ولايات نهر النيل والشمالية والبحر الأحمر مجتمعة، ولا يغرك الناس الحمر والبيض في الشمالية ونهر النيل والبحر الأحمر فهم ليسو عرب بل بقايا أتراك وأولاد خواجات من أيام حملة الدفتردار، وجزء كبير منهم أحباش ونوبة (محس وحلفاويين) فالعرب الحقيقين والأصلين هم في دار فور وكردفان والجزيرة والنيل الأبيض والأزرق.(دا كلام تنوير وتوضيح نقطة فيها غباش بالنسبة وليس من باب العنصرية البغيضة التي يتشدق بها ناس المؤتمر الوطني) فلك مني العتبى. ودمت


#555146 [الكردفاني العديييييييييل]
0.00/5 (0 صوت)

01-10-2013 08:45 AM
نتاج المشروع القبلي الجهوي.... العنصري.... للعودة للعصر الحجري.... ونظام الغارات الجاهلية.... والانقاذ هي المستفيدة.... في نظام اضرب الحجر بالحجر...........

الا ان الارجاس لا محالة الى زوال.............
الا ان الارجاس لا محالة الى زوال.............
الا ان الارجاس لا محالة الى زوال.............
الا ان الارجاس لا محالة الى زوال.............
الا ان الارجاس لا محالة الى زوال.............


#555129 [مالت]
0.00/5 (0 صوت)

01-10-2013 08:26 AM
الحرب هو النوع الأكثر بدائية من جميع
image


#555116 [الطيب]
0.00/5 (0 صوت)

01-10-2013 08:00 AM
نريد نبذه تعريفيه عن كمال عبداللطيف .


#555102 [الطيب]
0.00/5 (0 صوت)

01-10-2013 07:43 AM
اللهم انانعوذبك من شر الفتن ماظهر منها ومابطن .


#555093 [سودانى]
5.00/5 (2 صوت)

01-10-2013 07:32 AM
سير سير يا البشير ، سير سير يا البشير ، سير سير يا البشير ، سير سير يا البشير ، الله أكبر ، الله أكبر ، الله أكبر .
الى لاهاى ومن ثم الى الجهنم ، بإذنه تعالى . مع الهبل المعاك دول فى الصورة بتسوا فى شنو ؟ ، ما قادرين تحفظوا الأمن ، راجين شنو ؟ . واليك الحرامى الخضر بتسوى الكاميرات فى الخرطوم لحفظكم من الثوار بملايين الدولارات . بالله رح تقولوا شنو لربنا فى يوم الحساب ؟ ، الظاهر عليكم ما بتؤمنوا انو فى حساب وعقاب لأعمالكم القبيحة كوجوهكم .


ردود على سودانى
Israel [زولة من أرض الله] 01-10-2013 12:44 PM
قول ليه يا سودانى زى ما قال حميد عله رحمة الله
إذا سديت دروب الارض
وإنطامنت على ابوبها
كيف تضمن سماء الخرطوم
سماها الماها كدابها

مش يعملوا كاميرات خليهم يخشوا جوه بطون امهاتهم برضو بنطلعهم للحساب يوم الحساب قبل يوم الحساب .


#555085 [عوض عبدالحمن الامين]
0.00/5 (0 صوت)

01-10-2013 07:01 AM
يقول المثل السوداني (التسويهو بيدك بقلب اجاويدك)


ردود على عوض عبدالحمن الامين
United States [الشريف] 01-10-2013 12:56 PM
المثل ناقص يا عوض بيقول المثل البسوي بي ايدك يغلب اجاويدك ويفتن جنجويدك الزيادة وفقاً لزايدة الاسعار


#555082 [علي دينار]
5.00/5 (1 صوت)

01-10-2013 06:50 AM
دي كلو من كيبر الرزيقات من جنوب دارفور و بني حسين من شمال دارفور ياهلنا الرزيقات انتم ماعندكم شبر في شمال دارفور


ردود على علي دينار
Israel [الفجر الجديد] 01-10-2013 05:14 PM
يا على دينار هوي نت قايل نحن قعدين فى جبال النوبة خلاص ماعارفين حاجة عن دارفور انا دارفور دا بنعرفو حتة حتة قبائل دارفور ديل كلهم تشاديين الا الفور والمساليت والتعايشة ودا خطا الفور والتعايشة والمساليت الذىين اعطو الاراضى للتشاديين والرزيقات والبنى حسين ديل ضمن القبائل التشادية الوافدة الفجر الجديد

Israel [جدالحسنين] 01-10-2013 04:04 PM
كل شبر في دارفور الرزيقات عندهم فيه نص.وقل لي كيف؟كن ماعارف

Israel [ابو جنقة العطوي] 01-10-2013 08:59 AM
يا دينار انت تعلم ان جنوب دارفور فيها رزيقات في نيلا والضعين(شرق دارفور) .(نشكرك على الحقيقة)
لكن هناك رزيقات اخرين في كل من غرب وشمال دارفور) .
وهؤلا موجودن لا ينكرهم احد الا الذين لا يعرفون دارفور (يبدو انك منهم) وكل اسباب المشاكل هو نكران الاخر وعدم الاعتراف به كوجود ولكن بعد هذه الفرقة نتمنى ان نتصالح ونلعن الشيطان ونعيش مثل الاول ومن اراد ان يقتلع الحكومة فاليذهب الي الخرطوم وليس للفرقان او البوادي او القرى (لاتوجد حكومة فيها)بل دارفوريين فقط
احتكمو لصوت العقل يا ابناء دارفور وكفى قتال وكفى تشرد متى نعترف بالغلط ونتوحد
افيقو ...............


#555065 [abusafarouq]
5.00/5 (1 صوت)

01-10-2013 05:30 AM
التسوى كريت تلقاه فى جلدو لعنة الله على الفتن الانقاذى والفنتة أشد من القتل تدور الدائرة على الظالمين بعضهم بعضا حمان الله شر الفتن ماظهر منها ومابطن أصبح زمن لاتدرى تصبح أو تمسىء بإنعدام الامن من شر القبائل وشر رجال أمن الحكومة المواطن أصبح بين المطرقة والسندال مزنوق اللهم لك الفرج يارب بذهاب هذا الحكومة اللعينة عاجلا غير أجل .


#555060 [ali]
5.00/5 (1 صوت)

01-10-2013 05:04 AM
أنا أكره القتال
image image


ردود على ali
Israel [الفجر الجديد] 01-10-2013 10:09 AM
يازول هوي اعمل حسابك بعد طلوع الفجر الجديد مافى حاجة اسمها انا اكره القتال او خايف من المواجهة خليك ثابت يا رجل والا الشعب السودانى سيستختم معاك وسائل اخرى فى الايام القادمة


#555053 [حبوب]
5.00/5 (1 صوت)

01-10-2013 03:55 AM
الاعراب الجهلاء بعد ما قاموا بقتل غيرهم من القبائل الاخري بمساعدة الحكومة , الان بدأوا في قتل انفسهم ونعتبرها عقوبة الهية من ربنا سبحانه وتعالي ليذوقوا مرراة القتل ونسال الله الهداية لهم ولنا


ردود على حبوب
Israel [ود الفضل] 01-10-2013 10:07 PM
هذه اكبر دعوة للعنصرية يا اخي حبوب كل الناس مسلمين في المقام الاول وكل السودانين جهلاء كالغنم لا اعراب ولا انتم مثل ما يحلو لك ان تفرق الناس بعبارات التي اسمعها لاول مرة ( لهم ولنا)؟؟؟؟ انتوا ناس وين؟؟؟؟


#555051 [ابورودي]
5.00/5 (1 صوت)

01-10-2013 03:19 AM
عالم طير الحكومه تعرف كيف تثيق الفتن بين جهلاء القبائل وياحليل الادارة الاهلية التي اصبحت العوبه في الكيزان


#555048 [sudani]
5.00/5 (2 صوت)

01-10-2013 02:42 AM
افراد الرزيقات يستخدمون في القتال سيارات ذات دفع رباعي وأسلحة من بينها المورتر والقذائف الصاروخية "وقبيلة بني حسين تستخدم الاسلحة الخفيفة لصد الهجوم مثل الكلاشنيكوف".


ردود على sudani
Israel [بت أمدرمان] 01-10-2013 07:20 PM
يعنى بالضبط زى معركة كررى لما ناس كتشنر حاربوا قوات المهدية بالأسلحة المتطورة و كان أنصار المهدى شايلين الحراب و بعض البنادق المتخلفة، لكن الفرق بين المعركتين ، إنه أنصار المهدى بالرغم من ضعف عتادهم قاتلوا بضرواة و بسالة حيرت الإنجليز و دة لأنه هدفهم كان هدف نبيل و هو صد الغزاة المستعمرين. هنا بقى ، القتال كان من أجل الإستيلاء على الذهب. سؤال برئ تانى: منو السلح الرزيقات أهل موسى هلال زعيم الجنجويد و نسيب إدريس دبى بالأسلحة التقيلة ؟ سبحان الله الطرفين المتقاتلين عارفين إنه فى ذهب كتير و كتير جدا فى الحتة دى ، لكن عمرهم ما اتكاتلوا . عشان كدة أنا سألت سؤالى البرىء قبيل و بسألوا تاااانى : مش كمال عبداللطيف كان قبل كم يوم فى السريف بنى حسين دى ذااااتها؟؟؟؟


#555046 [بت أمدرمان]
5.00/5 (2 صوت)

01-10-2013 02:30 AM
مش قبل كم يوم كدة كمال عبداللطيف كان فى السريف بنى حسين دى ذاااااتها ؟؟؟؟؟؟؟؟؟؟؟؟؟

سؤال برئ جدا


ردود على بت أمدرمان
Israel [Salah Al Deen Port Sudan] 01-10-2013 08:45 AM
يا بت امدرمان انت فاكا قنبلة ذات دفع رباعي وتقولي برئ

Israel [karama] 01-10-2013 08:28 AM
بت البقعة سؤالك برئ لاكن زيارتوا ما كانت بريئة، الناس ديل مش غناهم ياهو على شاكلة النار ولعها وشنو ما عارف ليك فوق جمرها،،،،،، وطيب.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
7.25/10 (3 صوت)





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة