بعد أن قالت له : ( الشمس ساخنة بتأثر على وجهي):
03-10-2013 06:59 AM
*الخرطوم: محاسن أحمد عبدالله
اندهش الشاعر الصادق الياس من تصرف إحدى الفنانات المشهورات والتي قدمت إليه في منزله بمنطقة الجريف وهي منقبة مما أدخله في حيرة وتساؤل عن هوية تلك المنقبة التى جاءت تبحث عن نصوص غنائية. وتعود التفاصيل كما رواها الشاعر بقوله : ( في ذات يوم قدمت إلى منزلي إحدى الفنانات وهي تقود عربتها وعلى وجهها نقاب فاحترت من تكون ولماذا جاءت و لماذا تسأل عني؟، وبعد أن رحبت بها دعوتها للجلوس خاطبتني قائلة: (أريد نصوص غنائية) فاندهشت وسألتها من أنتِ فرفعت عن وجهها النقاب فكانت المفاجأة أنها إحدى الفنانات المشهورات الأمر الذي جعلني أقول لها (متين تنقبتي) فأجابتني قائلة : ( أنا ما اتنقبت لكن عشان الشمس ساخنة بتأثر على وجهي)، فازددت دهشة واستغراباً وأنا أردد (سبحان الله) ثم بارحت مكاني وقمت بإعطائها النصوص الغنائية المطلوبة ثم غادرت بعدها وتركتني متعجباً للحالة التى وصلت إليها عدد من الفنانات عندنا ).
فنون
( أنا ما اتنقبت لكن عشان الشمس ساخنة بتأثر على وجهي)
عشان كده قام الشاعر طوالى والحالة كان شادى كمان كتب وادها اغنية: " الشمس غابت...."
والله عدم المضوضوع مصيبة هس ده خبر الواحد يكلف نفسو بقرايتو
الحاصل أنو الفنانة العروفة دي (جلبطت) وجهها بالكريمات و المبيضات فخلت الوجه بقع بقع كل ألوان الطيف غي الوجه باينة علشان كدة غطت وجهها؟؟؟ و لا موش كدة يا أبو صاحب؟؟؟ و إنت ياشاعر الفنانات المشهورات كما كلمتها بتعرف كيف أنو عندك قصائد غنائية بالله بطلوا عبط تلاقيك مواعدها و جات لقت البيت ما فاضي ؟؟؟
وانت يا شاعر الهناء مالك ماتبقي راجل وتسترها؟
شنو نقيل الخبارات دة هسع دة كلام شنو البتقول فيهو دة
وكمان جبت ليها النصوص؟ يعني جاهز موية ونور قلتلي
بتبيع في بطيخ
ده زي الخبر الجابوه مرة في صحيفة الدار
(( شاب يقع في بالوعة))
رايكم شنو مش ياهو زاتووووووووووووووووووووووووو.
(ثم بارحت مكاني وقمت بإعطائهاالنصوص الغنائية المطلوبة) ياأخي إنت فاتح ليك بقالة؟ ده كلام شنو؟
لله يستر فاتت علينا ياسودان؟ كل يوم خبر جديد.؟ شواذ بحري وكمان واحدة تغطي وجهها لاشياء اخري الايام الجاية ملئة بالمصائب طالما تفشي صفات لاتليق بهذا المسلم المحافظ؟
هسة دهـ شنو ؟؟ والرسالة الوصلتنا شنو ؟؟ بت غطت وشها من الشمس !!! يعنى دهـ نظام الصحافة ونبض المجتمع ولا شنو ؟؟ ولا إمكن المجتمع ونبض الصحافة ؟؟ ولا اقول ليك,,بكون دهـ نبض الشمس المحرقة فى حنايا الذكريات المشرئبة !! الله يقرفكم ويطمم بطنكم زى ما طممتوا بطنى يا ...........
ردود على عووووووع
[ابو الكجص] 03-10-2013 02:36 PM
أحييك ياعوووووع إنت كده 100% وفعلاً ده شنو الغثاء دا؟
تكون ماخده حقن تفتيح وكريمات وبلاوى زرقه عشان كده الجابركم شنو السمار ده مالو
عادي مشت الدكان تشتري قصائد
كان منقبه كان مشخلعه,دي فيها شنو?
هههههههههه
قلت لي يا ود أورو يكتب ليها شنو
الشمس بتحرقني عشان كدا قطيت وشي ترم ترم ترم
مفروص تكتب ليها قصيده بعنوان الشمس بتحرقني عشان كدا قطيت وشي ترم ترم ترم
ردود على اورو
[osama] 03-10-2013 10:31 AM
والله حلوة يا اورو وكمان تديها بيت:
لما شفتك انكشفتا ووريتك كضومي
مادمت اندهشت واستغربت مديها النصوص ليه؟
مافي حاجة غريبة في الموضوع .. زولة الشمس بتأثر على وجهها وغطتو .. اها تاني في شنو
الحالة التي وصلت والحالةالتي لم تصل .. انت زاااااتك يا الصادق اليأس بتستقبل ليك مرة جوة بيتك وكمان تقوليها اقعدي ... انت وكتين عامل فيها زول كويس مش كان تتكلم معاها في خشم الباب ..
ردود على مصطفي كونج
[المطوع] 03-11-2013 09:50 AM
صاحبك كان مواعدها تجيهو في البيت ومافي حد يعرف وطبعاً بما انها فنانة معروفة الطريقة الوحيدة انها تتنقب وتغطي وشها عشان ما حدا يعرفها بس لسوء طالع شاعرنا الجماعة كانوا طالعين للجيران بس غيرو رأيهم بدون ابداء اي اسباب وعشان صاحبك يمرق من المأزق دا قال دي جات عشان يديها قصائد تغنيها ... طيب يا كونج اذا كانت القصائد دي بوزعوها كدا روح واخد منو قصيدة وحاول غنيها او لحنها واديها محمد ميرغني يغنيها بدل ما يعمل لينا فيها مذيع..........
[ضل الفيلراجع] 03-10-2013 09:40 PM
واالهى يا كونج انت تبدوا عليك طيبة اهلنا طوالي صدقت انت ما بتفهم السودانيين ولا شنو الواحد طوالي اعمل ليك فيها كبير الاساقفة
فنانة معروفة تقتحم منزل الشاعر الصادق الياس مرتدية النقاب..!!
19 | 
0 | 
5239
