قيادية برلمانية: الشعب السوداني يعاني من النفسيات
قيادية برلمانية: الشعب السوداني يعاني من النفسيات


06-13-2018 05:41 PM | تعليقات : 15 | زيارات : 2582 | الخرطوم : الراكوبة
اتهمت برلمانية رفيعة في السودان، يوم الاربعاء، مواطني بلادها بأنهم أسرى للأمراض النفسية وطالبت بالمسارعة في سن قانون للصحة النفسية.
وقالت نائب رئيس البرلمان عائشة محمد صالح، في جلسة برلمانية : "الشعب السوداني كله يعاني من نفسيات".
وأد تنصل الحكومة عن مسئولياتها، واتخاذ سياسات اقتصادية متخبطة، في ظل استشراء الفساد، إلى وضع كامل العبء على المواطن.
واضافت عائشة "البعض بات يقوم باعمال لا ارادية، والبعض الآخر يكلم نفسه استعداد للانفجار النفسي".
ولا تملك الخرطوم احصاءات دقيقة لاعداد المرضى النفسيين.



التعليقات
#1782489 Sudan [البخاري]
06-14-2018 09:32 AM
وهل المرض جريرة وجرم حتى تسارع النائمة باتهام الشعب السوداني؟

من الطبيعي أن يمرض الإفراد، أما أن يمرض شعب كامل فهذا يعني أنه تعرض لشيئ غير طبيعي، وهو أن يحكمه نظام الانتكاس ثلاثة عقود كاملة.

[البخاري]

#1782441 [صادميم]
06-14-2018 05:06 AM
للقضاء على الملاريا يجب القضاء على البعوض الناقل للملاريا
وللقضاء على البلهارسيا يجب القضاء علي طفيلي البلهارسيا
وهكذا يجب القضاء دائماً على السبب لذا فان القضاء على الأمراض النفسية و النفسيات التي تصيب الشعب السوداني فيجب القضاء على الكيزان و حكومتهم

[صادميم]

#1782436 France [منير عبد الرحيم]
06-14-2018 04:45 AM
جابت ليها نفسية حمد

[منير عبد الرحيم]

#1782421 [ود الراكوبه]
06-14-2018 03:12 AM
بالله الإنقاذ بقت تعالج المرضي و كمان العندهم نفسيات ؟! علي قول واحد اخونا

[ود الراكوبه]

#1782386 [شوقي]
06-13-2018 11:07 PM
والله انا بشعر بالذل والاهانة اذا بيقف مسؤول امامي بقول لي انت عندك نفيسات. يمكن اقبل مثل هذا الكلام من طبيب مختص اذا انا عرضت عليه نفسى . طيب لماذا يبرأ المسؤول نفسه من النفسيات ؟ احتمال هو نفسه يكون المنفسن لا يدريك ؟
يا ايها المسؤولون كلمونا في التنمية والانجازات والديمقراطية والاقتصاد والعلاقات المفيدة مع الاخرين وانجاز الخطط وانشاء المشاريع المفيدة للشباب والاسر . اما موضوع النفسيات دا هين لو الناس شبعت عيش والدولار نزل من رأس الشجرة.

[شوقي]

#1782382 Norway [ابو الليل]
06-13-2018 10:40 PM
دي مرحلة متقدمة جدا. بعد الناس تمتفي من اي شي. واحد جعان ومالاقى قروش ولا شي كيف ما يكون عندو نفسيات؟؟

[ابو الليل]

#1782372 [والله المستعان]
06-13-2018 09:55 PM
(وطالبت بالمسارعة في سن قانون للصحة النفسية) وبعدين ؟ انت اول واحدة تمشي التجاني الماحي..لانو كلكم دراويش يا تابعين الميرغني او حزب اتحادي يقوده احمد بلال او شعبيين يقودهم الترابي والسنوسي وعلى الحاج ؟ هل في انسان سوي يدخل برلمان يقنن الظلم والمكر والخداع ويساعد الجهاز التنفيذ على المكر والخداع الا يكون انسان فاقد عقله ؟؟؟

[والله المستعان]

ردود على والله المستعان
Bahrain [سمبلو سمبلو تم] 06-14-2018 02:12 AM
لا تجاني الماحي و لا حاجة غير نوديها نكشف عليها في ...... غالبا نلقى مخها هناك .
دي واحـــــــــــدة شكش ساكت .


#1782370 [حموضه]
06-13-2018 09:46 PM
شيء طبيعي فقدان الأمل وصعوبة الحياة ينتج عنه الكثير من الامراض وده اكتشاف متأخر جداً البلد كلها والشعب كلوا بعاني من حالة اكتئاب نفسي رهيب وما ظاهرة الغناء والرقص وارتداد الحدائق والجري ورا الموضة والتقليد وكل المظاهر الاجتماعية الغريبة على شخصية الانسان السوداني سببها هذا الاكتئاب والضيق والخوف والرعب من الة النظام في ردع المخالفين .. ولن يستطيع الشعب تحرير نفسه مدام انه يشعر بالدونية .. هؤلاء من استبشرنا بمقدمهم في تحقيق وعد الله ورسالة الانبياء في الامانة والصدق والرحمة والاحسان .. نسأل الله الفرج في خواتيم هذا الشهر وان يعتق شعبنا من اسر الامراض النفسية ..

[حموضه]

#1782367 Romania [حمدي]
06-13-2018 09:41 PM
كلام ( ست عائشة ) صحيح 100% --
يقول أطباء و علماء الصحة النفسية : ( ان التضخم اذا تخطى حاجز ال 75% في اي بلد من البلدان يقود الي الجنون و الانهيار النفسي و العصبي و الغقلي ) فما بالك بالتضخم في السودان الذي وصل الي 134% ( التضخم الحقيقي ) اما الرقم الحكومي المفبرك متواضع جدا و في حدود 54% و يكذبه واقع الحال --

[حمدي]

#1782364 Australia [أحمد علي]
06-13-2018 09:30 PM
هذا و بعد أن درست عائشة سلوك القطط السمان و الجداد الإلكتروني و نمل السكر و جقور الكبري و ضفادع مأمون حميدة لقرابة الثلاثة عقود توصلت إلي أن حل المشكلة الإقتصادية يتمثل في إعطاء الشعب السوداني حبوب ضد الكآبة ، و سينصلح الحال العام و تلقي البنوك مليانة فلوس و الموية في المواسير و الكهرباء من كثرتها و رخصتها و توفر البنزين ، الناس بقت مدورة براها من غير مكنات ؟؟؟؟
يا أخوان عليكم الله دي حاجزين ليها كم عود كتر ؟؟؟؟؟

[أحمد علي]

#1782352 Sudan [salah]
06-13-2018 09:04 PM
"الشعب السوداني كله يعاني من نفسيات".

ما دام كل الشعب السوداني بعاني اكيد انتي بتعاني .
طيب ما تحلي عننا واستقيلي . شاغرك الوظيفي ابو عربات يابانيه المكندش دا اديهو لي واحده يا دوب بتعاني وممكن تشفي .

حبوبتي رحمة الله عليها كانت بتقول (الشبع بعمل دعدعه)...

[salah]

#1782348 [ِِA. Rahman]
06-13-2018 08:44 PM
وين هو الدعم يا ايتها المرأة؟
المطلوب هو العكس بأن يرفع الشعب دعمه عن الحكومة.

[ِِA. Rahman]

#1782329 Sweden [واحد مجنون]
06-13-2018 07:23 PM
يا حاجة عشة على العلينا كمان جابت ليها أمراض نفسية , على كل حال كلامك معقول جدا بعد السويتهو في الناس ده اذا ما أصبحوا مجانين تكون معجزة, افتكر أحسن تفتحوا مصحات كتيرة عشان نتعالج لان المجود ما بكفى , ولا أقول ليك خلونا في حالة الجنون دى عشان نقدر نتماشى معاكم.

[واحد مجنون]

#1782308 Bahrain [المتجهجه بسبب الانفصال]
06-13-2018 06:14 PM
والله مافي نفسيات الا امثالك من ارتقوا مرقا ما كان لهم ان يرتقوه لولا الترابي الذي جمع كل الزبالة واكياس النايلون وعمل منهم جماعة ادخلت البلد في مشكلة ما يحلها الا الله ،، نرد بنفس اللغة وأمر منها على مثل هذه الاساءات،، وماذا عن اهل بيتك هل هم داخلون في هذه النفسيات ام انهم مستثنون بموجب قانون برلمانيات والدهب كميات

[المتجهجه بسبب الانفصال]

#1782300 [Musa]
06-13-2018 05:53 PM
خلاص ده الفضل خليتوا الإساءات الشخصية بقيتوا تشخصوا في حالات لا وجود لها إلا في عقولكم المريضة ( الفي بطنوا حُرقُص براه برقُص) العندهم نفسيات هم أنت وجميع أفراد حكومتك منذ 1989 ومن ولاهم ، لأنكم ببساطة وصلتم مرحلة قبول رب العلمين لدعواتنا عليكم .
أيه نحن بي نفسياتنا ده برضو ما عايزنكم تعيشو معانا بعد اليوم مش تحكمونا بل ما دايرين نشوف خلقكم دي في أي حتة

[Musa]


Powered by Dimofinf cms Version 3.0.0
Copyright© Dimensions Of Information Inc.